ماجى بعصبية: ازاى انتو متقولوليش أن رامى رجع
ريناد: احنا اصلا اتفاجانا زيك بالظبط
ماجى: انا ماشيه
حسام: ماجى الموضوع خلص بقاله فترة كبيرة انسي بقى الموضوع
ماجى: هحاول
*****************
ريناد: قولت لماجى انا كنت تعبانة شوية راحت ماما قالتلى نصايح كلمة كتيرة دى قليله
حسام: ماما بتحبك اكتر منى
ريناد: خسارة اقسم بالله ، كان نفسي نكون بنكره بعض وهى تكون مش طايقانى وعوزاك تتجوز بنت خالتك وتعمل بقى موامرات ليا وتعملى اعمال واسحار وعلشان انا مفترية اقعد بقى اخطط انتقم منها ازاى واجيلك اعيط دموع التماسيح واقولك شوف مامتك وبنت خالتك ضربونى
حسام: بس بس اهدى انتى طلعتى من مسلسل اى
ريناد: اى رايك فى أدائي
حسام: زفت وبعدين مين قالك انى مش عاوز اتجوز بنت خالتى !
ريناد بصدمة: اى تتجوز مين يا عنيه !
حسام: اى مالك مش انتى اللى قولتى وبعدين نورهان بتحبنى ولسانها مش طويل
ريناد : ابقى اعملها يا حبيبى علشان اطلع روحك فى ايدى
حسام: ..
ريناد: حبيبى مش انت اصلا عمرك ما هتبص لحد غيرى ولا حبيت غيرى صح
حسام: مش فاكر بصراحه
ريناد: نعم
حسام: خلاص اهدى بهزر معاكى
ريناد: تفتكر اى اللى هيحصل مع ماجى ورامى
حسام: هيراجعو لبعض
ريناد: اى الثقة دى
حسام: معروفة يعنى اخوكى نسخة تبق الأصل منك لو عايز حاجة هيعملها حتى لو اتحول لقرد
ريناد: وهى هتسامحو
حسام: اكيد هو هيتحول لبهلوان علشان يصالحها
ريناد: بس اختك زيك
حسام: مالها
ريناد: كئيبة مثلا
حسام: نعم !
ريناد شكلى عكيت الدنيا: مش قصدى انا اقصد أنها عندية يا لهوى انا هقوم احسن
*****************
(حبيبى بالبنض العريض غالى واقرب من الوريد خالتى تتشخص جنون بيقولولى انا بيك مريض)
حسام: بس كفاية
ريناد: عجبك صوتى صح
حسام: صح
ريناد: اكمل طيب
حسام: لا اوعى
ريناد: اى انا مش موهبه بالغنا
حسام: موهبه تستحق الدفن
ريناد: تشكر
ريناد: احم شوفتلى شغل
حسام: اه شوفتلك بس اتمنى تنزلى من على ودانى شوية
ريناد: حبيبى والله طيب ممكن طلب
حسام: لا
ريناد: لا بص اخر طلب
حسام: قولى
ريناد: بما انى هشتغل وطبعا هكون محتاجة حد يساعدني في البيت
حسام: لا
ريناد: لى بس
حسام: لو انتى مش هتقدرى تعملى الاتنين يبقى بلاش شغل
ريناد: لا مين قال بس كدة بص انت هتنبهر
حسام: اما نشوف
***************
ماجى: يادى النيله كل شوية حد يرن الجرس
رامى: وحشتينى
ماجى:انت اى اللى جابك
رامى: وحشتك بقى زى ما وحشتينى
ماجى: انت لو مقولتش عايز اى هقفل الباب
رامى: اتفضلى الورد الاول
ماجى: بصفتك اى هاخد منك الورد
رامى: بصالح خطيبتى مثلا
ماجى: لا يا باشا انت اتلغبطت انا مش خطيبتك
رامى: حماتى العزيزة جوا
(قفلت الباب )
رامى: علموكى كدا فى المدارس تقفلى الباب على زوجك المستقبلى
ماجى: انت لو ممشتش هبلغ عنك
********************
حسام: انتى بتعملى اى
ريناد: بعملك مساج حلو صح
حسام: اه حلو بس كفاية
ريناد: تحب تاكل اى النهاردة
حسام: هو فى اى
ريناد: مفيش حاجة ها مقولتش برضو تاكل اى
حسام: مش مستريحلك هاتى من الاخر وقولى فى اى
ريناد: احم احم كنت هقولك انا عايزة اروح ادرب فى جيم اى رايك
حسام: كفاية
ريناد: هو اى اللى كفاية
حسام: هو انا مبصعبش عليكى
ريناد: خلاص يا حبيبي متزعلش ...اى دة الموبيل بيرن هرد
ريناد: الو يا باشا صالحتها ولا لسه
رامى: كانت هتطلبلى البوليس
ريناد بضحك: الله بجد
رامى: انتى فرحانة فيا
ريناد: بصراحة اه طيب متروحلها الشغل
رامى: قصدك العيادة
ريناد: لا بقت بتقابل المرضى بره علشان تحسن نفسيتهم
رامى: اه طيب بتبقى مجمعاهم كلهم
ريناد: على حسب لو الحالات شبه بعض اه
حسام: طيب ادعيلى بقى
****************
(اول ما رحت كانوا كلهم ستات فقعد معاهم وكل واحدة بتحكى مشكلتها وجه الدور عليا)
ماجى: اتفضل حضرتك
رامى بصدمة: انا
ماجى: اه يا فندم قول مشكلتك
رامى: بس انا كويس
ماجى: امال جاي هنا لى
رامى: اه افتكرت
ماجى: طيب كويس اى هى بقى
رامى: كنت خاطب وبحبها جدا ومازلت بحبها ولكن هى زعلانة ومش عارف اصالحها ازاى
ماجى: طيب ما تقول انت زعلتها ازاى علشان نقدر نساعدك
رامى: ما هو انا لو عارف كان زمانى صالحتها
ماجى بغضب: يعنى انت مش عارف هى زعلانة لى
رامى : لا ها قوليلى بقى الصالحها ازاى
ماجى: هقولك بس الاول احب اعرفك مشاكل الموجودين دى رحمة جوزها سابها علشان تخينه
ودى ملك جوزها طلاقها علشان أمه
ودى سارة اخوها باعها للراجل كبير فى السن وقبض التمن
رامى: طيب وانا مالى
ماجى : ما انا هقول اهو الحل فى أيديهم هما
رامى: ازاى هيساعدونى يعنى
ماجى: ركزوا يا ستات معايا شايفين الاستاذ اللى هناك دة كل واحدة تفتكر الاذئها و اى حاجة انتو كنتو عايزين تعملوها فى الأذئاكم اعملوها فى الاستاذ
(فجاء لقيت عيون الستات دى احمرت وبدأوا يقربوا )
رامى: ماجى استنى انتى رايحة فين الحقينى
*****************
★رايكم
★توقعاتكم
★اتمنى لو عجبتكم دوسو على النجمة واعملوا متابعة وكومنت ❤️
