ريناد: نلعب ملاكمة
حسام:.......
ريناد: مالك مردتش عليا لى فكرتى عجبتك صح
حسام: انا اى اللى عملتو فى نفسي دة يا ربى
ريناد: اى الفكرة مش حلوة
حسام: زفت فكرى فى حاجات معقوله
ريناد: طيب فكرت في حاجة تانية
حسام: قولى
ريناد: انا اضحك عليا
حسام: لى بس كدة
ريناد: احنا نعيد فترة الخطوبة تانى
حسام: دة ازاى يعنى
ريناد: هقولك انت تروح تقعد مع طنط وانا اروح اقعد مع امى ونعيد كل حاجة حصلت
حسام: طيب والفكرة الجهنمية دى جبتيها لى
ريناد: علشان احنا كنا بنقعد مع بعض فى فترة الخطوبة اكتر من كدة
حسام بخبث: طيب ياستى انا موافق
ريناد: انت بتتكلم بجد
حسام: طبعا احنا سيبنا بعض فى فترة خطوبة مرتين صح؟
ريناد بقلق: صح
حسام: وبما أننا هنعيد الفترة كلها يبقى اكيد هنعيد فترة الخصام
ريناد: دة هما يومين
حسام: انتى متعرفيش فى اليومين دول كنت بفكر فى اى
ريناد: كنت اكيد بتفكر تصالحنى ازاى
حسام: بما اننى شوفت اللى حصل بعد ما صلحتك وجنانك والمصايب فا لما تيجيلى الفرصة انى ارجع للزمن لوراء اكيد هختار راحتى
ريناد: تقصد تقول اى شكل الفكرة عجبتك اوى كدة كانك مصدقت تخلص منى
حسام: هو مين اللى اقترح الفكرة انا ولا انتى ؟
ريناد: انا بس مش معنى كدة انك توافق
حسام: كان المفروض اعمل اى
ريناد: تقولى لا انا مقدرش انك تبعدى عنى يوم واحد
حسام: طيب يا حبيبتي انا مقدرش استغنى عنك حلو كدة
ريناد: اه حلو طيب هسالك سوال
حسام: خير
ريناد : لو حد سالك الجواز هتقولو اى ؟
حسام: دة مفيش احسن منه وهقنعه يتجوز
ريناد: خلف انت بتكدب يا خلف
حسام: دة لى طيب
ريناد: علشان انت بتقول كدة بس علشان منكدش عليك
حسام: حبيبتى اللى قفشانى دايما
*****************
رامى: يعنى انا سايبك وانتى بتاكلى ارجع الاقيكى بردو بتاكلى انا خايف تاكلنى
ماجى: طالما خايف على نفسك ابقى امشي
رامى: متقلقيش انا ماشي
ماجى: متوقع مش اول مرة تعملها
رامى: هو انا سيبتك ومشيت
ماجى: انا مش عايزة افتح فى القديم
رامى: بس انا جاى علشان اتكلم
ماجى: لا انت شوف هتاكل اى وتمشي
رامى: انا هاكل بس مفيش مانع نتكلم شويه
ماجى: انا مش عايزة اتكلم
رامى: لا هنتكلم انا مسبتكيش
ماجى: يا سلام
رامى: مش انتى اللى طلبتى منى
ماجى: قومت انت موافق على طول
رامى: طيب افتكرى كدة الحصل
ماجى: مش عايزة افتكر
رامى: لا معلش يالا
Flash back
ماجى: يعنى اى مش هتنزل
رامى: غصب عنى
ماجى بعصبية: هو اى دة اللى غصب عنك بالظبط
رامى: فى اى مالك
ماجى: زهقت انا زهقت
رامى: انتى عارفة انى مشغول وانا قولتلك انى مسافر شغل وانتى وافقتى
ماجى بعصبية: ايوة وافقت على اساس انك هتسافر سنه واحدة انت دلوقتى داخل على 3 سنين ومش بتنزل اجازات الا هى مرة كل سنه وبتبقى اسبوع ولما حتى بتصل عليك مش بترد ولو رديت بتقولى معلش اصلا غصب عنى مشغول
رامى: طيب انتى اى يرضيكى دلوقتى
ماجى: ان احنا نفركش الخطوبة
رامى بصدمة: انتى بتقولى اى
ماجى: زى ما سمعت انا مش هقدر استحمل اكتر من كدة
Back
رامى: وبعديها عملتيلى بلوك حتى انتى مسمعتيش ردى وكل مرة كنت بحاول اوصلك فيها كنتى بتصديها
ماجى: لا وبصراحة انت جيت على نفسك اول ما قولتلك كدة نزلت مصر بعدها بسنتين على طول
رامى: ممكن تدينى فرصة تانية
ماجى: هتبعد تانى
رامى: لا انا قاعد على قلبكم المرادى بس اتمنى ماتطردش ها موافقة
ماجى: موافقة
رامى: بما اننا فتحنا صفحة جديدة قوليلى اى الحاجات اللى بتضايقك علشان معملهاش
ماجى: طيب لو اتخانقتا وقولتلك انا رايحة انام هتعمل اى ؟
رامى بابتسامة : هسيبك تنامى طبعا
ماجى: هتسبنى ؟!
رامى: تنامى
ماجى: هو انا ساعتها هيكون جايلى نوم؟
رامى: مش فاهم
ماجى: رامى متعصبنيش
رامى: مش فاهم والله
ماجى: يستحيل نكون متخانقين وييجيلى نفس انام ،لما اقول انام اياك ثم اياك تسبنى ، علشان معناه انى رايحة اعيط وبقولك كدة علشان تمسك فيا
رامى بعدم فهم: اى التعويذة دى
ماجى: كل البنات كدة
رامى: بنات معقدة
ماجى: اى
رامى: هما يا حبيبتى مش انتى كملى
ماجى: هو انا لو فى حاجة عجبانى وعايزها انت هتعرف منين انى عايزاها ولا لا ؟
رامى: لما تتطلبيها منى اكيد هعرف
ماجى بصدمة : اطلبها
رامى بقلق: اه عادى قوليلى عايزة دة هجيبهولك
ماجى: اقول عايزة ؟!
رامى: اى المشكله انا مش فاهم ؟
ماجى: انا عمرى ما هقول عايزة
رامى: امال انا هعرف منين
ماجى: بسيطة ، هتشوف انا بحب اى وتجيبه
رامى: وهعرفها ازاى معلش
ماجى: هقولك لو احنا ماشيين فى الشارع وشوفت مثلا لبس عجبنى تروح انت تجيبه
رامى: وانا هعرف منين أنه عجبك
ماجى بغضب: بيقولوا اللى بيحب حد بيحس بيه
يعنى انت لو بتحبنى هتحس باللى انا عايزاه قبل ما اطلبه
(فضل متنح )
رامى: اى التعويذة دى
ماجى: انا على فكرة بسيطة بس محتاجة اللى يفهمنى
رامى: عندك حق انا اللى معقد انا اى اللى جابنى هنا
ماجى: اى ندمت من اولها
رامى: لا ابدا بس اظن كدة انك مش زعلانة منى
ماجى: توتؤ
****************
ريناد بعياط : تعال بقى
حسام: فى اى مالك
ريناد:
**************
★رايكم
★تواقعاتكم
★لو عجبتكم دوسو على النجمة واعملوا متابعة وكومنت
★الحقونى انا مش عارفة أخلص الرواية انا كنت عامله حسابى على 5 بارتات بس الدنيا وسعت منى، اقترحوا النهاية تبقى عامله ازاى بس احب اقولكم انها ممكن تبقى حزينه بنسبه قليله ولا نخليها نهاية سعيدة ؟
