ရူးလိုက်ပုံများ နွေဦးမှာနှင်းစက်တွေကိုမြင်ချင်ခဲ့တာလေ
အရူးမလေးလို့တစ်ခါခေါ်တိုင်း
ခင်ဗျားတစ်ယောက်အတွက်ပဲရူးချင်နေတာ
မန္တလေးမြို့ရဲ့ ပန်းဝါတွေကို ခင်ဗျားလက်လေးဆွဲပြီးကြည့်ချင်တယ်
ကားလမ်းမကြီးရဲ့ဘေးမှာ စီးကရက်တူတူသောက်ရင်း
အရင်တုန်းကမှတ်ဉာဏ်တွေပြန်ခေါ်မယ်
ကျွန်တော် လျှာရိုးမရှိလျှောက်ပြောနေတဲ့ဟာသတွေကို ရယ်နေတဲ့လူကြီးကိုခိုးကြည့်မယ်
ကျန်းမာရေးဂရုစိုက်နော်လို့ပြောတဲ့အခါ
ကျွန်တော့်ရဲ့ဝင်သက်ထွက်သက်တွေကခင်ဗျားအပေါ်မူတည်နေကြောင်း
တောင်သမန်အင်းမှာတိုက်ခတ်နေတဲ့လေက
ခင်ဗျားအသက်ရူသံလောက်မခမ်းနားလိုက်တာအစ်ကိုရာလို့ငြီးတွားမယ်
မြတ်နိုးလိုက်တာဗျာ ဒီလူကြီးကို
