لا صدّ قلبي صدّ من دون رجعه

البارت الرابع والثلاثون

طلعت من الحمام .. وهي تعدل حجابها على راسها

وقف يوم شافها وبلع ريقه .. الخطوه اللي مكان يبيها .. مجبور هالحين

يسويها .. تحنحن وشجع نفسه – احم اقول نـ اقصد الجازي

رفعت راسها وناظرته وهي تحس بناحيته إنجذاب غير طبيعي .. هي

مستغربته .. وخيلته في عقلها الباطني انها أكيد انها تحبه قبل يصير

عليها الحادث .. ولا كيف يجيها هالشعور ؟؟

بس تستغرب اوقات ليش يمر عليها .. حادث قوي .. ودم .. وعيون

بعيده تناظرها واللي هي عيون ضــــــــاحي

غمضت عيونها بقوه وفتحتها تشيل اللي في راسها – نعم

ضاحي استحى وعطاها ظهره – امممم انتي تعرفين إنا في غربه وبعد

تعرفين إن انا رجل غريب عليتس وماني محرم لتس

خافت من كلامه .. بس سكتت تحتريه يكمل

ضاحي يكمل وهو يلف راسه لها ويشتت عيونه عنها – في هالحاله

مضطرين نتزوج .. لان علاجك شكله بيطول

انصدمت بس بنفس الوقت فرحت – وليش تقول مضطرين انت مضطر

تتزوجني

حس بصدمه ماتوقع انها طلعت من فمه .. وفسرتها بالتفسير الصحيح

اللي هو مايبي يبينه لها – هاه لالا بس اقصد يعني صعبه ارافق

معتس واكون وإياك ومافيه رابط يربطنا وغير كذا انتي تزعلين لو

اضطريت اطلع وبعدين بنتمم الزواج ترى من زمان حنا مخطوبين

( اضطر يكذب عليها .. بس ماتعرف بحقيقة شعوره )

ناظرته بمحبه وابتسمت – كنا نحب بعض

انصدم ورفع عينه في وجهها وحط عينه في عينها – نحب بعض

في المستشفى

اركضوا المسعفين بمحمد .. وهو فاقد وعيه .. ودمه ينزف من كل

مكان في جسمه .. وصقر يمشي وراهم .. وفي طريقه شاف واحد

متلثم عرف هيئته .. وطوله الفارع .. ناظر فيه وهو واقف وباين عليه

مهموم .. ناظر في محمد وهم يسكرون الباب بينه وبينهم

اتجهه له وهو يناظر فيه – سعد

سعد رفع راسه ودموعه في عينه – صقر ,, ( وبحسره ) خالد

راااااح رااااااااح ياصقر

صقر انصدم من اللي سمعه – وش هو راااااااااااااااح !!