لا صدّ قلبي صدّ من دون رجعه

البارت التاسع والعشرون

حس بالعرق يصب في كل وجهه .. وهي جالسه عند راسه وتبكي

وتضربه بكل قوتها وشكلها يخوف بالحيل .. قام يبي يضربها

يبعدها عنه .. بس يحس نفسه مربط .. وقلبه يرقع بشكل مخيف

وهي مو راضيه تبعد عنه ابد

صرخ بقوه يوم جابت السكين بتطعنه – آآآآآآآآآآآآآآآآآآآآآآآآآآآآآآ

فز من سريره جالس ولف عينه يمين ويسار وهو يتنفس بقوه

وعرقه يصب بقوه .. حمد النعمه يوم عرف انه حلم .. سمع الناس

يصلون الفجر .. رجع انسدح وهو يسمع الصلاه بس حاس بالرعب

وماله حيل يصلي .. رد رقد وهو يدعي انها معاد تزوره في الحلم

مره ثانيه .. لان شكلها في الحلم مخيف عكس الواقع .. غمض عيونه

بقوه لعل وعسى ينسى نظراتها له يوم في الملحق بس مو قادر غمض بقوه

لف راسه بقوه يمين ويسار .. بيحاول يشتت نظرات عيونها بس ماقدر

جلس وزفر وهو يسب ويهاوش – الله ياخذتس ياحيوانه

قام من سريره .. واتجهه للحمام .. ونظرات عيونها وطيفها مافارقه

ضرب راسه بقوه وهو تحت المروش – خلاص انقلعي انقلعـــــــــــي

في إحدى شقق الرياض

دزها بقوه لين طاحت على الكنبه وصرخ فيها – انكتمــــــــــــــي

وقفت وصرخت عليه – والله تبي تداري سواتك وتبي تسكتني ماني

بساكته وانا برجع عند خواتي

قرب وهو يمسكها مع فكها بقوه – مكان انا فيه انتي بتجلسين فيه من ورى

ذا الخشم ( وهو يجر خشمها بقوه )

دزت يده وبقوه – انقلع ماهب لك ولد اذلف له فرقاك عيد عندي

ضحك بقوه بإستفزاز لها وهو يجلس – قولي انتس غيرانه

شيخه رفعت حاجبها وبإستفزاز وهي تأشر عليه – وش بغار عليه

ياحسره

انقهر بس بلع استخفافها فيه وهو يقول – انقلعي عن وجهي ماابي

اشوفتس

انقهرت ومشت مبتعده ,, سمعت صوته وهو يقول – زين سوى فيتس

الشايب

لفت له .. ورفعت حاجبها ووبسمه استفزازيه – وزين سوى فيك وطردك

تستاهل ,, واقطع ذراعي من هنا ( وتأشر على ذراعها ) انه ولدك

عطته ظهرها وهي تمشي بثقه ,, ناظر ظهرها وبسخريه كلم