لعنة جعلتني أحبك( قيد التعديل)

البارت التاسع عشر

محمد بصدمه/ مااااااذاااا
عمر/ اهدا يا محمد انا فقط اتوقع او اقول انه احتمال
سليم بخوف على اخته/ طب المفروض نعمل اي
عمر /من الممكن ان اقوم الان واأتى بهاذا الوغد ونجعله عبره لكل من يسلطه عباس علينا
محمد بتفكير/ وهناك حل اخر
انتبه له عمر وسليم فاكمل محمد/ نبعث احد يراقب من يراقبنا ونجعله يوصل لعباس ما نريد نحنه ان نوصله له
سليم بتاييد/ صح فكره حلوه لان لو عباس عرف اننا قفشنا الى هو باعته ممكن يبعت حد تانى وياخد حذره اكتر ومنعرفش نقفشه
محمد/ بالظبط
عمر/ حسنا ماذا نفعل الان
محمد/عمر يبعت احدا لكى يراقب هاذا الشخص الذى يراقبنا ونجهز كل شئ فى القصر لان جميعنا سوف يغيب يوما كاملا خارج القصر
عمر باستغراب/ لماذاا !!!
محمد/ سوف نذهب لناتى بما تريده روان للقنبله وهذه الاشياء فى ثلاث اماكن ولكى نختصر الوقت سوف تذهب انت ولاما الى مكان وسليم وميليسيا الى مكان وانا وروان الى المكان الثالث ونأتى فى نفس اليوم لكى لا نغيب كثيرا عن القصر
سليم/ روح يا شيخ ربنا يجمعك انت وروان فى كوشه واحده
محمد/ احلا دعوه ادعيتلى وربنا
سليم/ راعى انها اختى
عمر / انتظرو ....لماذا لا نذهب نحن ونأتى بهذه الاشياء بدون الفتيات
محمد/ انت تعرف ما ينوى عليه عباس ولا يجب ان نترك الفتيات وحدها يجب ان نكون معهم دائما
سليم/ بالظبط وبالله عليك متبقاش قطاع ارزاق يعمر ونبى
عمر / ماذا تقصد بقاطع ارزاق!!!
سليم/ احم ولا حاجه
محمد/ حسنا ساذهب واخذ طلبات روان ونذهب جميعنا فى الصباح هيا
************************
عند الفتيات كانو يجلسون جميعهم على سرير روان ويضحكون ويمرحون وايضا اصبحو يعرفون يتكلمون بلغه روان لانها قضت الليل كاملا تعلمها لهم
روان وهى تكاد تسقط من الضحك/ اااااه هموووووت يختااااى ده مستر عبد الباسط ده كنت بطلع عينه فى ثانوى يعينى
ميلسيا/ اه يروان مش قادره
لاما/ حسنااا توقفووو سوف اموت يلهوووى
روان/ طب احكيلكو موقف كمان حصلى مره وانا فى الامتحان اتقفشت وانا بغش وبدل ما اعيط خليت الموجهه يموت من الضحك
لاما/ احكى احكى
روان/ بصو
فلاااااااش باااااك

كانت روان فى الصف الاول الثانوى وكانت تجلس فى لجنه الامتحان وامامها صديقتها فاطمه وكان امتحان لغه انجليزيه
روان بتافف وهمس/ بطه ...بت يبطه
فاطمه بهمس/ اي يرواااان اهدى هنتقفش
روان/ الامتحان زفت ومش عارفه احل ال dailog
فاطمه ببكاء/ وانا بردو مش عارفه احل ال  choose خااالص
روان بتفكير/ طب بصى هاتى ورقه الاسئله بتاعتك وخدى ورقه الاسئله بتاعتى انتى حليلى ال dailog وانا هحللك ال choose
فاطمه برتباك/ خايفه لنتقفش يروان
روان/ يبت متخافيش المدرستين قاعدين بيرغو فى اسعار الخضار واللحمه ومش واخدين بالهم اساسا هاتى يلا
ثم قامو بتبديل اوراق الاسئله وظلو يحلون لبعض وفجاه وهم يتبادلون الورق دخل الموجهه ورأاهم
الموجهه بحده/ اقفى انتى وهى انت شوفتكوووو قوووموو اقفى
فاطمه ببكاء/ ينهااار اسود ينهاار اسوود
روان/ يختااااى يختاااى يختاااى يختااااى
الموجهه/ ورقتك انتى وهى وهسقطكو فى الماده دى وهدخلكو.لجنه خاصه
كانت فاطمه تبكى من الخوف وروان فقط تقف ببرود اغتاظ منه الموجهه بشده
الموجهه/ ميييس منى هاتى الدباااسه
فاطمه ببكاء/ انا اسفه يمستررر والله اخررر مررره
روان/شششش يبت اهدددى ....بص يا مستر براحه كده
الموجهه باستغراب/ ينعمم
روان وهى تمسك ورقه اجابتها/ انا كواحده فى ثانويه نفسى اجيب مجموع فى التلت سنين وحليت امتحان عشرين سؤال حليته كله وفاضلى سؤال واحده علشان اقفل والغلبانه دى كده بردو ..طب حضرتك هتعاقبنا على اي على اجتهادنا
ثم قامت برسم دورالشحاته وبكت باصتناع/ يعنى يمستر ترضاها على عيالك يسهرو للفجر بيدحو فى الكتاب وراحو الامتحان حلوه كله وفاضلهم سؤال ويقفلو الماده فطلبو المساعده..
الموجهه/ دى مش مساعده ده غش
روان بتصميم/ لا بقى مساعده
الموجهه باقتناع/ اممم خلاص صعبتو عليا انا مش هسقطكو ولا هدخلكو لجنه خاصه بس هاخد الورق ومش هخليكو تكملو
فاطمه ببكاء/ بردو مقتنعتش
روان بخبث/ خلاص يمستررر براحتك بس متنساش ان انت الى ظلمتنا ومتزعلش بقى من الى هيحصل
قالت جملتها الاخيره بهمس وتوعد
بعد قليل اخذت اورقاهم وذهبو من اللجنه
فاطمه/يلا يروان نروح مش ناقصه حرقه دم
روان/ انتى هبله يبت هنروح ونسيب حقنا ده على جثتى
فاطمه/ يعنى هنعمل اي يعنى
روان بمكر/ تعالى معايا وهوريكى
ثم ذهبو لكشك صغير جانب المدرسه
روان/ عم ابرااااهيم يا راجل يا طيب
عم ابراهيم/ اهلا اهلا يبنتى تؤمرى بايه
روان بخبث/ بص يا عمو عايزه صرصارين من الجلد اللعبه الى عيال ابتدائى بيشتروه منك يلعبو بيه ..وعايزه صاروخ من ابو عشره الغالى الى بيطرقع زى القنبله ده
فاطمه/ احييه انتى ناويه على اي
روان/ اصتبرى وهتشوفى
اتى عم ابراهيم بما طلبته روان واعطته روان حق الاشياء وذهبت
فاطمه/ روان انهارده اخر يوم امتحنات تعالى نخرج وفكك من القرف ده
روان/ على جثتى امشى قبل ما اخد حقى ....تعالى ورايا
ذهبت روان الى مدرسه كانت تدرس لهم وطلبت منها كوبايه واعطتها المدرسه الكوبايه وذهبت روان وفاطمه الى الحمام
فاطمه/ انتى ناويه على اي
روان/ هقولك
ثم طلعت من شنطتها ازازه بها سائل ابيض
فاطمه/ ده لبن
روان بمكر/ لا ده سوبيا
ثم صبت السوبيا فى الكوبايه ثم واخرجت من حقيبتها بودره بيضاء
فاطمه/ ده اي ده كمان مخدرات يا روان
روان/ مخدرات اي يهبله دى بودره اسهال استنى انتى بس
ثم وضعت بودره الاسهال فى السوبيا ووضعت الصرصار
روان/ انتى هتاخدى الكوبايه وتروحى للموجهه ده هو قاعده فى الاوضه بتاعه المدرسين لوحدو هتقوليلو انك عارفه انك غلطتى لما غشيتى وحبيتى تصالحيه وتديه كوبايه السوبيا دى وانا من وراكى هولع الصاروخ واحدفه جنبه مع خضه الصرصار والصاروخ وبودره الاسهال هخليه يكره اليوم الى اتولد فيه
فاطمه/ حرام عليكى يروان احنا اصلا الى غلطانين
روان بغضب/ تبقى هبله لو فاكره انى عملت كده علشان الامتحان واحنا اصلا الى غلطانين ما احنا ياما اتقفشنا شوفتينى عملت كده مع حد
فاطمه باستغراب/اومال اشمعنا ده
روان بغيظ وغضب/ علشان المستر ده ياما دايق بنات وجه يدايقنى مره هزقته وحاليا اتلككلى فى اللجنه مع انه بيغشش بنات كتير ...فحلو غلط وكنت مستنيه يغلط..وجه وقت العقاب علشان يلم نفسه بعد كده
فاطمه بصدمه/ هو ده مستر احمد الى بيقولو عليه
روان/ ايوه هو وخدى ام الكوبايه بقى ويلا انجزى
ذهبت فاطمه الى هاذا الموجهه ودخلت له
فاطمه/ مستر احمد احنا عارفين اننا غلطنا وبنتاسف لحضرتك ودى كوبايه سوبيا كده ياريت تصالحنا بيها بقى ههه
احمد بخبث/ امممم مقبوله ياا...
فاطمه/ فاطمه يا مستر اسمى فاطمه
احمد/ تمام يا فاطمه شكرا مقبوله
اثناء تكلم احمد مع فاطمه اشعلت روان الصاروخ وقذفت به بجانب احمد وشاورت لفاطمه فركضت فاطمه على الفور
عند احمد شرب السوبيا كامله وفجاه وجد شئ فى فمه فبثقه وجده صرصار فقام مفزوعا ثم وفجاه ضرب الصاروخ بجانبه بصوت قووووى يكفى للقيام بجلطه قلبيه
صرخه احمد عمت فى اجواء المدرسه وذهب له المدرسون لكى يرو ماذا حدث وفجاه مسك احمد بطنه من المغظ الشديد وكان يريدان يصرخ من الالم ولاكن تمالك نفسه
فى الخارج كانت روان وفاطمه يركضون خارج المدرسه وهم يموووتووون من الضحك
روان/ ادى اخره اللعب مع روان نيهاهاهاها
#باااااااك
لاما/ ااااااااه يختااااى فصلت
ميلسيا وهى تمسك بطنها من الضحك/ يخربيتك ده انتى قااادره
قاطع ضحكهم دخول محمد وعمر وسليم
سليم وهو يركض ويجلس معهم/ العببب ضحكووونى معاكو قاعده الرجاله كئيبه
محمد بجديه/ طب بصو بقى دلوقتى احنا هنطلع بكره رحله صغيره هتستمر يوم كامل علشان نجيب حاجه روان الى هتحتاجها للقنبله وياروان حاجتك هتبقى ست حجات فى تلت مناطق حاجه فى منطقه عمر ولاما هيروحو مع بعض يجبوها
صدمت لاما وفرحت فى نفس الوقت وشعور غريب سيطر عليها
محمد مكملا/ وحاجتين فى منطقه سليم وميلسيا هيروحو يجبوها
فرحت ميلسيا انها ستكون مع هاذا الوسيم المرح الذى احبت الجلوس معه
محمد مكملا/ وتلت حجات فى منطقه انا وروان هنروح نجيبها مع بعض
قال كلماته الاخيره لروان بغمزه
ضحكت روان على محمد الذى تزداد له عشقا كل يوم
عمر/ الان سوف اذهب لاجهز كل شئ فى القصر ومصر ايضا حتى اطمأن فى هاذا اليوم
محمد/ حسنا هيا بنا سأاتى معك...هيا ياسليم
سليم وهو ينظر لمليسيا/ لا سيبنى انا قاعد مع البنات
روان باستفزاز / اديك قولت بنات انتى بقى قاعد معانا ليه
سليم باستفزاز اكبر/ اصل مش معقول البنتين الى كلهم براءه دول اسيبهم مع جعفر لوحدهم
روان بغضب حتى احمر وجهها / انت قد كلمتك دى
سليم/ اه قدها
روان/ حلو غلط وكنت مستنيه يغلط
ثم هجمت عليه تعضه من ذراعه
سليم/ اااااااه يبنت العضاضه
هز محمد راسه بملل فهاذا المعتاد من سليم وروان ثم ذهب هو وعمر
ميلسيا/ حررااام عليكى يروااان سبيه بقى
سليم/ قوللها يسيلا يرضيكى يبقى جوزك مشوهه
ميلسيا بغضب من جرأته/ طب عضيه يروااان ...احم بس براحه
لاما / يختاااااى انتو ثنائى مسخره
تركت روان يد سليم على مضض ثم قالت/ ابو تقل دم امك محبوش الواد ده
سليم/ انا مش هرد عليكى علشان لو رديت عليكى هزعلك فانا هعمل اي ....هقوم واخد البسكوته دى وامشى من هنا
قالت كلماته وهو يسحب ميلسيا ويخرج من الغرفه
روان بصدمه/ هو سحب البت من وسطينا ولا انا بتهيالى
لاما/ اخوكى ده جرريئ اوووى
روان/ وانتى الصادقه ده مشافش بربع جنيه تربيه خالتى مكانتش فاضيه تربيه
************************
فى الحديقه
ميلسيا/ ماااا هذااااا يا رجل كيف تسحبنى هكذاااا
سليم/ بصراحه عايزه اتكلم مع القمر شويه فيها حاجه دى
ميلسيا/ وعايز تتكلم فى اي ان شاء الله
سليم/طب والله البت روان دى جدعه ان هى علمتك لغتنا..... بصى يستى انا حابب نتعرف ممكن
ميلسيا باحراج/ احم معنديش مانع اتفضل
سليم وهو يستنشق الهواء/ انا سليم 23 سنه فى كليه هندسه كنت بحب درااااستى اووووى رغم انى كنت مشاغب وبعاكس فى الى رايح والى جاى بس عمر فى حياتى ما واحده خدت تفكيرى وخلتنى ليل نهار بفكر فيها كده غير واحده بس
ميلسيا بغضب/ومييين دى بقى ان شاء الله
سليم بشعور لا يفهمه/ انتى
ميلسيا باحراج/ انا !!!
سليم / اه وربنا انتى
ميلسيا/احم واشمعنى انا
سليم / هتصدقينى لو قولتلك معرفش انا اول ما شوفتك عاكستك عادى زى ما بعاكس اى بنت بس تصدقينى لو قولتلك اول ما نطقتى اسمى قلبى دق وحسيت انى حبيت اسمى اوووى ...حسيت ان عايز اشوفك قصاد عينى على طول حسيت انى لما بتخنق مجرد ما بشوفك ببتسم احساس عمرى ما حسيته قبل كده ومعرفش اشمعنا حسيته معاكى انتى ...انا صارحتك اهوه بالى جوايا كله وعلشان كده حاسس انى عايز افضل معاكى بدال قلبى بيدق مجرد ما اشوفك بس وبرتاح لما ابص فى عينك وبنسى همى لما اشوفك فده معناه انك نصيبى وانا قدرك
كانت ميلسيا مصدومه مما سمعته هى ايضا تشعر بنفس الشعور ولاكن كانت تكذب نفسها
ميلسيا بوجهه محمد وصدمه/ حقا يا رجل اشعر وكاننى احلم ....هو الى بيحصل ده حقيقى
سليم / اها بجد وجدااانى
ميلسيا/ احم طب بعد ازنك اروح اجهز ساندوتشاتت للرحله
سليم ببلاها/ طب مفيش اى تصبيره
قال كلماته وهو يشير لوجنتيه
ميلسيا/ نعم لمؤاخذه
سليم بجديه مزيفه/ حضررررتك سهرااانه لحد دلوقتى ليه اتفضلى على اوضتك بلا دلع ماسخ
ضحكت ميلسيا على مشاغبته وتركته وذهب وهى تشعر انها لا تريد الذهاب تشعر انها تريد البقاء معه
************************
اتى الصباح على الجميع وتجهز كل ثنائى ليذهبو الى رحلتهم
*****************
عند محمد وروان
روان على خيلها وهى ترقص/ كييييييينج اللعبه معاااااكووووو الاسد عووووو الدااايره كااابووووس البلد ولا بالكترررر ولا بالعدد ريح وابلع ريييقك يلااااا
محمد/ يرواااااان بس صدعتيييييييينى بلاغاااانى الزفت دى
روان / لا معلش كله الى عنبه حبيبى
محمد/ نعم يماما حبيب مين يبت انتى هبله ولا اي
روان/ لمؤاخذه يا باشا عيله وغلطت
محمد/ طب والله لو غنيتى للزفت ده تانى هسيبك فى الصحراء لوحدك وهمشى
روان بتذمر/ خلاص متزوقش.....ضحكتهاااااا مبتهزرررش وجماااالهاااا ميتقدرررررش ويقلبببببى متستهتررش
بوااااحده فى رقتهااااا
واحده زيك فى جمالك
فى دلالك
فى شقاوتك فى حلاوتك
لو وقعت فى ايدى
واهوووووو جه اليووووووم
الى بتمناااااا....
محمد/ يبتتتتتتت بس انتتتتى بااااالعه رااااديوووو يخربيتك
روان بحب/ بيتى هيبقى هو بيتك يا محمد
محمد وهو يقترب بحصانه لحصانها/ انا قررت يروان انى ممكن اسيب دنيتى كلها وابقى معاكى وانا مستعد اسيب ملكى وبلدى وعالمى وتسمحيلى انتى اقتحم عالمك وابقى معاكى لاخر العمر
روان وهى تنظر امامها بصدمه/ انا لو عليا نفسى اقولك كلام حلو بس الموقف لا يسمح
محمد/ مش فاهم!!!
روان/ بص وراك يا حبيبى وانت تفهم
محمد بغمزه/ حبيبك!!!
روان وهى تمسك لجام حصانها/ مش وقته وربنا ماووووووقته.......اجرررررى يا اشرف
جرت روان بحصانها بينما محمد نظر ورائه وجد مجموعه من الذئاب الشرسه ينظرون لهم
محمد وهو يجرى بحصانه ويطلع سيفه/ مفييييييش دقيقه رومانسيه تكمممممل معااااكى يرواااااان الكلببببب
روان وهى تجرى / وانا مالى يا اخويا هو اانا الى بقول للمصايب تعالى ....اعاااااا
صرخت روان عندما تم عض حصانها من قبل ذئب من الذئاب فوقعت روان بحصانها امام الذئاب
محمد بخوف/ رووووااااااان
روان برعب/ اخرررررتك يا تورمااااى على ايد كلبب ....الحقننننى يا وش المصااايب
محمد/ لا تتحركى
كانت الموقف كالاتى
حصان روان مصاب على الارض وروان ترجع للوراء بخوف والذئاب ينظرون لها بشر ومحمد يفكر ماذا يفعل حتى ينقذ روان
************************
عند عمر ولاما
عمر وهو على حصانه/ لاما
لاما/ نعم يا عمر
عمر/ هممم الان وامام يلاما وتشهد علينا السماء اننى اغرق بكى عشقا منذ خمس سنين
لاما/ حقااا يعمررر منذ خمس سنين!!!
عمر/ نعم يلاما منذ خمس سنين وانا لا احبك بل اعشقك اتيم بكى عشقا ولاكن كنت لا استطيع ان اعترف لكى
وقفت لاما بحصانها ثم نظرت له/ لمااذاا!!
عمرر/ لانى كنت اعرف انكى لا تحبينى
لاما/ ولاكن اذا اعترفت لي كان يمكننى ان احبك
عمر بوجع/ ولاكنك كنتى تحبين محمد
لاما بضحك/ يارجل كنت صغيره والان شعرت ان محمد اخى فقط
عمر بحب وغيره / حتى لو كنتى مازلتين تحبيه فوقتها كنت اوقف حبك له بشتى الطرق لانك ان لم تكونى لى يا لاما لن تكونى لاحد اخر
فرحت لاما بكلامه وشعرت انها كادت تطير
لاما بصدق/ عمر انا ايضا احبك
عمر بصدمه/ ماذااا !!!
لاما بحب/ نعم يرجل انا احب.....يالهووووووى
عمر/ لماذا تصرخين
لاما/ الحققققق يا عمررررر اسد اسد
نظر عمر وجد اسد حجمه كبير يقترب منه فحمل خنجرره واستعد للمواجهه
************************
عند ميلسيا وسليم
سليم وهو يغنى بصوت عزب وجمييل/ الله بقى اللخبطه دى لييه يالى خاطفنى ياريت تقوولى..اي حصلى...على كده بقى ده الى...بالملى...الى انا عيشت احلم بيه...ومن الليله اخدتنى....على ما شاملى وكنت راضى....ده احنا يدووب...بنقووول يا هااادى....اوماال لوو...فات شهرر هيحصل اي...
ميلسيا بصوت رقيق وجميل/ طب وااااحده وااحده وبلاش كل دههه ييجى مره واحده لا اتجنن كده لو ده النظام معاااك بالشكل ده مقدرررش عليييييه
سليم بصدمه/ اي ده حفظتيها منين
ميلسيا/ روان كانت بتغنيها وانا حفظتها
سليم بغمزه/ تعرفى ان دى اول مره اعشق الاغنيه اكتر ما اتا بعشقها
ميلسيا/ اشمعنا
سليم / علشان حاجتين ...علشان نصها طالع من قلبى والنص التانى طالع من القمر الى قدااامى
ميلسيا/ يبنى بؤووحرج
ضحك سليم ضحك رجوليه طاغيه/ واضح ان روان مفسده الاجيال علمتك كل حاجه دى كم.....
توقف فجأه وهو يرمق الكهف الذى امامه الذى طلع منه دب كبييير يبدووو وانه شرررس وزئر بصوت عالى
ميلسيا/ سلييييم الحقنى دددده جاااى عليااا
سليم بخوف عليها/ متخاااااافيش انا جننبك متخااافيش
************************
خلص الفصل انهارده واحب اقول ان الحاج الحمد لله دفع النت واهوه الفصل طويل اى خدمه يارب يعجبكو وعايزه كل الى بيتابع فى صمت يقلولى رايهم فى الروايه او على الاقل يعملو فوت علشان الروايه تتشهرر ياما كده هحس انها مش عجباكو وهضطر اوقفها لانها مش جايبه تفاعل
دمتم سالمين
بقلم/ سهيله محمد