حبي وعشقي المحرمان

حبي وعشقي المحرمان الجزء 13

ينظر وسيم لذلك الشخص المصاب وهو مغماً عليه .. يتفاجأ وسيم بأنه جراح .. يسقط وسيم الماء من يده وهو يصرخ بفزع

يلتفت قاسم إلي وسيم بدهشه: إيش فيك يا وسيم .. لا تخاف من شكل الدم .. دحين راح أنظف الجرح ويصير كويس .. بس روح جيب مويه تانيه بدل اللي طيحتها

يتجمد وسيم في مكانه وعينيه مفتوحه وهو ينظر إلي جراح بخوف كبير وهو يشعر بأنه سوف يفقده .. قاسم يشير بيده في وجه وسيم ليعيد له صوابه: وسييييييم .. روح بسرعه جيب المويه .. بسرعه

يركض وسيم مسرعاً بهلع للمطبخ ليحضر ماء آخر بدل من الذي أسقطه والدموع في عينه .. يحضر الماء ويعود بسرعه ويعطيها لقاسم

ينظر وسيم إلي جراح بخوف كبير: باااابااا .. إيش فيه هذا الرجل .. هل راح يعيش

قاسم وهو يحاول تنظيف الجرح ويوقف نزيف الدم: ما تخاف يا وسيم .. إهداء إنت بس خليني أعرف أوقف النزيف

وسيم بصوت يرتجف: أنا مره خايف يا بابا

بعدما ربط قاسم ذراع جراح وأوقف النزيف وقد نظف الجرح وقام بتغطيته .. يحاول قاسم حمله والصعود به للغرفه .. يصعد خلفه وسيم وهو يسأل: كدا خلاص يا بابا .. صار كويس

قاسم: أيوا خلاص .. بس لازم يرتاح شويه

يدخل قاسم بجراح لغرفة وسام وسيم ويضعه على سرير وسام: خلاص خليه يرتاح هنا .. لازم دحين نسوي له شربه دافيه عشان لما يصحي يشربها

يهز وسيم رأسه وينزل مع قاسم للمطبخ لتجهيز الشربه .. وسام يخرج من الحمام وهو مستغرب: إيش فيكم .. ليش شكل وسيم خايف كدا

قاسم بتنهيده: في رجل مصاب في غرفتكم .. ذراعه فيها جرح عميق نظفته ووقفت النزيف ودحين خليته يرتاح

وسام بإستغراب: ومين هذا الرجل .. إنت تعرفه يا بابا

قاسم بحيره: لا ما أعرفه .. أول مره أشوفه .. بس يصحي بنعرف قصته

بعد أقل من ساعه ينتهي وسيم من إعداد الشربه: أنا خلصت يا بابا من الشربه .. هل أطلع أشربه

قاسم بإهتمام: أيوا .. حط صحن شربه وخلينا نطلع نشوفه

يصعد قاسم ووسام ووسيم بصحن الشربه للغرفه .. يفتح قاسم الباب ويدخل الجميع معه .. يقترب قاسم من جراح ليجده غارقاً بدمه وحرارته مرتفعه جداً

يفزع قاسم من منظر الدم وكان جراح ينتفض بصورة مخيفه: يااااه .. حرارته مرتفعه .. لازم نعمله كمادات ماء بارد وثلج .. وسام .. وسيم جيبوا بسرعه ثلج وقطعة قماش