حبي وعشقي المحرمان

حبي وعشقي المحرمان الجزء 19

ينظر وسيم لجراح بقلق وهو ينتظر سماع ما يريد قوله جراح وما الشيء الذي يريد أن يساعده فيه

جراح ينظر في عيون وسيم  وينزل رأسه بهدوء: بكره لازم تقابل خلدون وتقعد معا و .. و

وسيم بصدمه: و .. وإيش يا جراح

جراح يرفع رأسه: ما تخاف أنا بكون جمبك .. وقبل ما يسوي حاجه راح أكون معاك وأحميك

وسيم ينظر لجراح بدهشه: بتكون معايا وتحميني .. إنت تبغاني أأأ .. أأأنام معاه .. إنت راح تنبسط لما أسوي كدا

جراح بإنفعال: لااااا .. وسيم لا تفهمني غلط .. صدقني الموت أهون علينا من أني أشوفك في حضن واحد غيري .. بس .. بس أنا مضطر .. سامحني وأوعدك المره هذي وبس .. وقبل ما يحاول يلمسك بكون خلصتك منه

وسيم ينظر لجراح وعيناه تلمع بالدموع من الحزن: أنا سلمت لك نفسي وقلبي وحياتي عشان أنا حاسس إنك تستاهل .. بس للأسف إنت ما قدرت هذا

جراح بحزن شديد: وسيم لا تقسي عليا .. أنا لو عليا أبغي أخبيك جوا قلبي .. بس أنا متورط في هذا الموضوع .. أخذت بضاعه منه وماني قادر أسدد ولو ما نفذت لخلدون طلبه راح ينتقم مني .. ويمكن يقتلني .. وأنا أبغي منك تلاعبه عشان يوقع على التنازل وأبعده عن طريقي

وسيم بإنكسار: للدرجه هذه أنا رخيص عندك .. ما يهمك لو صار فيا حاجه

جراح بإنفعال: لا .. يا وسيم لا تقول كدا .. لو ما إنت غالي عندي كان ما عرضت حياتي للخطر عشانك .. ومستعد أسوي أكثر عشان تكون معايا

وسيم ينزل رأسه وبصوت مخنوق: حاضر يا جراح .. راح أسوي كل اللي تبغاه .. بس أنا من داخلي في شيء مكسور

حراج بإنكسار: وسيم لا تصعبها عليا .. أنا حاسس بضيق وقهر .. ما متخيلك مع أحد غير .. بس زي ما قولت لك غصب عني .. بس أوعدك ما راح أخليه يلمس شعره منك

وسيم بهزيمه: تمام يا جراح راح أعطيك فرصه أخيره .. طلباتك .. إيش المفروض أسوي بكره

يطلب جراح الحساب من الجارسون ويحاسب ويغادر هو و وسيم المطعم .. وهما في طريقهم للبيت كانا صامتين ولم يتحدثا مع بعضهما نهائياً .. كانت الأفكار تصارعهما

يصل جراح و وسيم للبيت .. يدخلان وكأنهما غريبان عن بعضهما .. فجأه يلتفت وسيم على جراح وبإنفعال: ممكن تقولي إيش المطلوب مني بكره

جراح بدهشه من أسلوب وسيم: طيب راح أقولك .. بس إهدأ شويه عشان نعرف نتكلم

وسيم بنفس الطريقه: أهدأ .. أهدأ كيف وإنت تبغاني أسوي حاجه غصب عني ومو بكيفي .. ويا كدا يا راح تروح في داهيه .. وأنا أقعد أتفرج عليك وأضيع أنا كمان معاك