أخوات من نوع آخر

الحلقة الثامنة

السلام عليكم ورحمة الله وبركاته
نبدأ على بركة الله
رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي
سبحانكَ اللهمَّ وبحمدِكَ وتباركَ اسمُكَ وتعالى جدُّكَ ولا إلهَ غيرُكَ
اللهم صل وسلم وبارك على نبينا محمد💙
꧁꧂꧁꧂꧁꧂꧁꧂꧁꧂꧁꧂
جاء اليوم المحدد لفرح اية وإمام.
كان الفرح إسلامي انقسم فيها الرجال عن النساء.
كانت ترتدي اية نقاب ابيض وفستان ابيض وكاب أبيض كانت بجانبها تسنيم ترتدي فستان نبيتي وخمار أبيض واسماء كانت ترتدي فستان زيتي ونقاب أسود وياسمين ارتدت فستان أصفر واسع وطرحة بيضاء أما دنيا فكانت ترتدي فستان لافندر وطرحة بيضاء.
بدأت  الأناشيد والرقص عليها بفرح.
أسرار بشر:أهي أول واحدة هتشرف انهاردة.
شيرين بخبث:أما نشوف شغلنا.
ودعت اية أخواتها وقامت بعناقهم.
اسماء:هتوحشينا يا ايوش.
دنيا:هتوحشيني و هيوحشني حكاياتك.
ياسمين:يومين وهاجي أشرفك في القصر.
تسنيم:وأنا كمان.
اية:حبايبي هتوحشوني كلكم.
جاء إمام وأخذ اية.
وداد بفرح: مبارك يا حبيبتي.
اية مبتسمة: الله يبارك في حضرتك يا تيتا.
شيرين بتمثيل:ده القصر هينور.
اية بعدم راحة لها:بنورك يا حبيبتي.
ذهبوا كلهم إلى القصر وعادت اسماء ودنيا وتسنيم وياسمين إلى المنزل.
في اليوم الثاني.
في القصر.
كان محمد وأحمد وعمر ونضال وإمام يجلسوا في الصالون.
أحمد:كلنا عارفين إن فرح نضال ومحمد بعد بكرة وكده هيبقى إمام ونضال ومحمد اتجوزوا أنا عاوز اتجوز.
محمد ضاحكا:هتجوز مين.
أحمد:اسماء.
نضال: مين؟
إمام:الانسة اسماء يحيى المغربي صح.
أحمد:آه.
عمر: وأنت شوفتها فين.
أحمد:في المشكلة بتاعتك أنت وبنت خالتها وفي خطوبة إمام وفي خطوبة نضال وفي خطوبة محمد وفي فرح إمام.
نضال: وفين غض بصرك يا عم أحمد.
أحمد: وأنا أصلا شايف قدامي غير نقاب أسود وبيشه سوده وكله أسود هو أنا شفتها أصلا؟.
عمر بسخرية على أحمد وهو يقلده:مش بحب المنتقبات يا عمر أنا مستحيل اتجوز واحدة منتقبة يا عمر.
أحمد:بطل ياعمر.
عمر: مش ده كان كلامك برده هو أنا بكلم من دماغي.
أحمد:آه كان.
عمر: واشمعنا هي.
أحمد:مش عارف.
نبيلة:يلا يا حبايبي الفطار جاهز.
ذهبوا كلهم وجلسوا للفطار.
شيرين بخبث:وأنتِ بقى يا اية هتفضلي قاعده بالنقاب علطول.
اية:أكيد يا حبيبتي عندك مشكلة.
شيرين:لا أبدا بس يعني أنا مخنوقة لك.
اية:لا ياحبيبتي معلش هو أنا لابسه على وشك؟
شيرين بغيظ:مش قصدي.
وداد:شيرين خلاص اسكتي.
بعد الانتهاء من الطعام.
إمام:يا اية عاوزة حاجة معلش هروح  مع نضال ومحمد عشان هيشتروا حاجة الفرح.
اية:لا يا إمام عاوزة سلامتك روح معاهم.
ذهبوا كلهم وذهبت وداد لغرفتها.
أسرار:أنتِ يابت يا اية.
اية:نعم يا أمي.
أسرار:اسمي أسرار هانم أنا مش امك.
اية بضيق:حضرتك عاوزة إيه.
أسرار:تدخلي المطبخ وتغسلي المواعين وتنضفيه خليه فل وتيجي تروقي الصالون أصل نبيلة برده مش هتفضل تروق وأنتِ موجودة ولا إيه.
نبيلة:لا يابنتي متعمليش حاجة أنا هعمل.
أسرار بحده:سمعت أنا قُلت إيه.
اية:ماما نبيلة مش هتعمل حاجة أنا هعمل عن أذنك يا أمي.
أسرار:قولتلك اسمي أسرار هانم.
اية:وأنا بستأذن أمي نبيلة مش حضرتك يا أسرار هانم.
جلست أسرار بغيظ وبجانبها شيرين تتابع ما يحدث بخبث.
ذهبت اية المطبخ وذهبت خلفها نبيلة.
نبيلة: متزعليش منها يا اية وبعدين يا حبيبتي أنا هعمل كل حاجة.
اية: لا يا أمي مزعلتش ربنا يهديها.
في المنزل.
دنيا:تصدقوا وحشتني اية.
اسماء:وأنا كمان.
ياسمين:كانت بتحكيلنا حاجات حلوة.
تسنيم:عندك حق.
اسماء: هحكي لكم أنا.
دنيا: قولي.
اسماء:من هم العشرة المُبشرين بالجنة؟!
هـنعمل معادلة جميلة جدًا نحفظهم بيها..
٤ عـ + ٣ أ + ٢ سـ + ١ طـ = ١٠ 
💥 ٤ عـ
١_ عمر بن الخطاب رضي الله عنه.
٢_ عثمان بن عفان رضي الله عنه.
٣_ علي بن أبي طالب رضي الله عنه.
٤_ عبد الرحمن بن عوف رضي الله عنه.
💥 ٣ أ
٥_ ابو بكرالصديق رضي الله عنه
٦_ ابو عبيدة بن الجراح رضي الله عنه.
٧_ الزبير بن العوام رضي الله عنه.
💥 ٢ سـ
٨_ سعد بن أبي وقاص رضي الله عنه.
٩_ سعيد بن زيد رضي الله عنه.
💥 ١ طـ
١٠_ طلحه بن عبيد الله.
دنيا: حلوه المعادله دى حفظتهم منها.
ياسمين: هكلمكم عن حاجه كان محمد قالها.
تسنيم:قولي.
ياسمين:س/ الدال على خير كفاعله؟
ج/ حديث صحيح.
أخرجه مسلم من حديث أبي مسعود رضي الله عنه قال: جاء رجلٌ إلى النبيِّ صلى الله عليه وسلم فقال يا رسولَ اللهِ إني أُبدِعَ بي فاحمِلْني قال لا أجدُ ما أحمِلُك عليه ، ولكن ائتِ فلانًا فلعلَّه أن يحمِلَك. فأتاه فحملَه ، فأتى رسولَ اللهِ صلى الله عليه وسلم فأخبرَه ، فقال رسولُ اللهِ صلى الله عليه وسلم: من دلَّ على خيرٍ فله مثلُ أجرِ فاعلِه
في القصر.
على الأكل.
أحمد:مدام اية.
اية: نعم.
أحمد: ممكن تتصلي باختك تعرفيها أن إحنا رايحين نتقدم لهم.
اية:مين؟
إمام:أصل أحمد عاوز يروح يتقدم للانسة اسماء.
وداد:اللهم بارك إحنا اخدنا بنات العيلة كلها.
اية مبتسمة: هقولهم حاضر.
اتصلت اية بهم واخبرتهم.
أحمد: هاخد معايا تيتا وماما نبيلة وإمام ومدام اية.
أسرار بغيظ:ماشي.
وبعد ساعتين وصلوا للمنزل فاستقبلتهم دنيا وقدمت لهم عصير.
وداد ضاحكة: مش عارفه أقول إيه رابع مره أجي بس المرة دى جايا اتقدم لخطبة الدكتورة اسماء لحفيدي أحمد.
اسماء:أنا كل مرة كنت بقول لحضرتك يسعدني والرأي رأي إللي هتخطبيها حصل المرة دي أنا مش هعرف أقول إيه.
اية مبتسمة: الرأي رأي اسماء.
اخذت اية إمام وذهبت للبلكونة وجلس الباقي بالقرب منهم.
لترفع اسماء النقاب.
وتبدأ الرؤية الشرعية.
أحمد: بدير شركات الشرقاوي.
اسماء: دكتورة أسنان.
أسماء: صلاتك.
احمد: بصليها.
اسماء: في وقتها؟
أحمد بتوتر:ها...اه وأنتِ.
اسماء: الحمدلله في وقتها.
اسماء:وأذكارك أنا الحمدلله.
أحمد بتوتر:الحمدلله.
اسماء:وصلاة قيام الليل.
أحمد بتوتر:بصليه وأنتِ.
اسماء:الحمدلله بصليه.
اسماء:ووردك أنا  الحمدلله.
أحمد بتوتر:الحمدلله وأنا.
ظلت تسأله اسماء حتى انتهت.
استشعرت اسماء بقلق حاولت تطمئن نفسها واكملت:الجواز في بيت عيلة ولا بيت منفصل.
أحمد:قصر الشرقاوي بيت عيلة.
اسماء:تمام.
جاء الجميع مره أخرى.
اسماء:هصلي استخارة وهرد عليكم.
أحمد:طب لو وافقتي أنا عاوز الخطوبة وكتب الكتاب بعد بكره مع نضال ومحمد والفرح يبقي بعدها بيومين.
استغرب الجميع من أحمد ولكن لم يعلق احد فذهبوا جميعاً.
بعد مرور اليومين.
وافقت اسماء على احمد ولكنها لم تعرف لما وافقت فهي تشعر بشعور غريب وتشعر بقلق تجاه كلامه شعرت للحظة أنه يكذب في كل أجابته في الرؤية الشرعية ولكنها كانت تبعد ذلك التفكير عنها تمام لتوافق على إقامة الخطوبة وكتب الكتاب اليوم في فرح تسنيم ونضال وياسمين ومحمد.........🔜
وبكده نختم بإذن الله
سبحانك اللهم وبحمدك، أشهد أن لا إله إلا أنت، أستغفرك وأتوب إليك
السلام عليكم ورحمة الله وبركاته
‏الكاتبة/نور خالد
‏