أخوات من نوع آخر

الحلقة السابعة

السلام عليكم ورحمة الله وبركاته
نبدأ على بركة الله
رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي
سبحانكَ اللهمَّ وبحمدِكَ وتباركَ اسمُكَ وتعالى جدُّكَ ولا إلهَ غيرُكَ
اللهم صل وسلم وبارك على نبينا محمد💙
꧁꧂꧁꧂꧁꧂꧁꧂꧁꧂꧁꧂
بعد مرور أسبوع.
في قصر الشرقاوي.
شيرين: كله تمام لما يجوا هما بس.
أسرار: آه لما يجوا بقي كمان أسبوعين ولا حاجة.
وداد:بتكلموا عن مين.
شيرين بتوتر: ها مفيش يا تيتا.
أسرار:مفيش يا حماتي.
وداد بقلق: ما واضح يا حبايبي.
محمد:يا جماعة بما إن إمام خطب ونضال خطب فانا عاوز اخطب.
شيرين بفرحة مزيفة لأخوها: بجد يا حبيبي هتخطب مين.
وداد:ماشاء الله إيه الأفراح الحلوة دي.
نبيلة:هتخطب مين يا بني.
أسرار بتلقائية:أنتِ مالك  وبعدين اسمه محمد بيه.
نبيلة باحراج:أنا أسفة يا أسرار هانم.
وداد بجدية:أسرار أحترمي نفس.
محمد:إزاي بس مش ليها دخل يا زوجة عمي وهى أمي من وأنا صغير إزاي ملهاش دخل وهى إللي ربتني إزاي مش ليها دخل وهي إللي كبرتني وعلمتني وبقيت واحد كويس أنا ونضال وإمام وأحمد وعمر محدش يقدر ينكر إن ماما نبيلة ملهاش دخل فينا دي ماما نبيلة أول واحدة تتدخل في أي حاجة تخصنا هي كانت المُرضعه لينا يعني والدتنا وكمان  كبرتنا كلنا مش أنا بس لما والدتي توفت ووالدى كنت أنا واحمد لسه سنة هي كانت معانا و كمان  حضرتك مع كل أحترامي تخليتي عن تربية نضال وإمام وعمر لماما نبيلة على أساس إنها مُربيه بس إللي حضرتك مش عارفة إن مفروض الأم إللي تربي مش تجيبوا مُربيه تربي بس هي تبقى والدتنا وليها فضل علينا.
ثم ذهب محمد و قام بتقبيل رأس نبيلة قائلا:تفضلي يا امي  أنتِ لكِ الدخل ولكِ تكلمي ولكِ ترفضي ولكِ توافقي ولكِ كمان إنك تيجي وإحنا بنتقدم.
نبيلة بدموع:أنا مش عاوزة أعمل مشاكل في العيلة يا محمد بيه.
محمد بحزن وضيق بسبب أسرار:محمد بيه بس يا أمي أنا ابنك أنا ونضال وإمام وأحمد وعمر ولادك ومشاكل إيه مفيش مشاكل ولا حاجة.
ثم قام محمد بمرح بمسح دموع نبيلة قائلا: وعاوزة تعرفي بقي يا ستي مين هتبقى خطيبة ابنك.
ابتسمت نبيلة ثم نظرت لهم أسرار بغيظ.
نبيلة:مين يا بني.
محمد:الانسة ياسمين يحيى المغربي.
أسرار بصدمه:أنتم عاوزين تجننوني ولاد الكيلاني وولاد المغاربة ملقتوش غيرهم.
وداد:أسرار ممكن تسكتي.
أسرار:ما أنتِ مش سامعه يا حماتي بيقولوا إيه.
وداد:ومالهم ولاد الكيلاني و المغاربة وإللي فات مات وهما ملهمش ذنب.
محمد: أنا وماما نبيلة وتيتا وداد هنروح نتقدم لها انهارده.
شيرين: عاوزة أجي معاكم يا محمد.
محمد:لا يا شيرين بلاش المرة دي عشان الطريق مره تانية.
شيرين: يووه بقي.
محمد:متزعليش يا حبيبتي بس خليها مرة تانية.
اتصلت وداد باية وأخبرتها.
اية: بت يا ياسمين.
ياسمين:خير يا ايوش.
اية: جا يلك عريس.
دنيا:هييي كلكم هتجوزوا وهتسبوني أنا واسماء.
اسماء:أنتم عيال ندله صحيح.
ياسمين:مين يا اية.
تسنيم: ماشاء الله اللهم بارك.
اية ضاحكة:هنبقى نجيب لكم عريس هدية.
ياسمين:يا اية مين العريس.
اية:البشمهندس محمد صالح الشرقاوي.
ثم انتظروا بعد ساعتين.
ليدق الباب وتفتح دنيا وقامت باستقبالهم وقدمت لهم عصير.
وداد ضاحكة:بجد ماشاء الله اللهم بارك دي تالت مرة اجي لكم عشان نتقدم لكم ربنا يحفظكم ويبارك فيكم يابنات ثم اكملت بجدية: أنا جايا المرة دى اتقدم لخطبة ياسمين يا اسماء لحفيدي محمد.
اسماء:ونفس ردي بتاع كل مرة أنا يسعدني وفي الأخر رأي ياسمين.
وكالعاده جلسوا في مكان قريب منهم.
محمد:أنا مهندس وليا نصيب فى شركة الشرقاوي.
ياسمين:ممرضة فى مستشفي الحياة.
محمد:إيه أخبار صلاتك.
ياسمين: الحمدلله بصليها.
محمد:في وقتها.
ياسمين:الصراحة ساعات بتأخر وأنت.
محمد: أنا الحمدلله فى وقتها.
ياسمين: ووردك.
محمد:الحمدلله وأنتِ.
ياسمين:الحمدلله بقراءه.
محمد:وأذكارك وقيام الليل أنا الحمدلله منتظم.
ياسمين:أذكاري ساعات بنساها قيام الليل ساعات بصليه وساعات لا مش منتظمه عليه.
محمد:والأغاني.
ياسمين:بسمع قليل كل كام يوم بحاول اتركها بحاول.
محمد:حفظه من القرآن أنت الحمدلله حفظه.
ياسمين:خمس أجزاء.
محمد:عندك أي سؤال.
ياسمين:هنعيش في بيت عيلة ولا بيت منفصل.
محمد:قصر الشرقاوي بيت عيلة.
ثم ذهبوا وجلسوا معاهم.
ياسمين:بإذن الله هصلي استخارة وهرد عليكم.
نبيلة:بإذن الله يابنتي.
ثم ذهبوا.
قام محمد وهو موافق عليها رغم إنها ليست الملتزمة الذى يحلم بها ولكنه عزم على تغيرها للأحسن وهي مازالت تجاهد.
اسماء:*نكلم عن الصحبة الصالحة*
ابعد عن صاحب السوء قبل ما تندم واتقرب من الصالح إللي يساعدك على الطاعه والعبادة.
- أختار إللي يغيرك للأفضل مش للأسوء.
-أختار إللي يفضل جمبك مش يبيعك مع أول موقف صعب.
- أختار إللي يصون أسرارك مش يفضحك.
شوف مين أقرب خمسة ليك..
دول إللي هينجحوك أو دول إللي مش هيخلوك تتحرك من مكانك وكمان هيشدوك لتحت
الصاحب ساحب ويبخت إللي صاحبه ساحبه للخير
د/ حازم شومان.
رفيق التقوى رفيق صادق، ورفيق المعاصي غادر، مهر الآخرة يسير، قلبٌ مخلص، ولسانٌ ذاكر، إذا شبت ولم تنتبه، فاعلم أنك سائر.
ابن الجوري
طب أنا مش لاقي صُحبه صالحه اعمل اي ؟
أول حاجة أبعد عن صحاب السوء وبعدين بقا ابدأ أصلح من نفسك وبدل ما تبقى بدور ع صُحبه صالحة خليك أنت صُحبة صالحة لغيرك وادعي بالصحبة الصالحة دايما وربنا هيرزقك بيها
أنك تفضل لوحدك أحلى بكتير من إنك تبقى مع صُحبة سوء.
اية:‏- لما تكوني في الشارع أو الجامعة
والمعظم لابسين ضيق، وأنتِ مُلتزمة بالزي الشرعي إللي ربنا فرضه علينا.
- لما تشوفي أي مناسبة والكُل حاطط ميك أب
- ‏وأنتِ وشك طبيعي جدًا وعليه براءة زي الأطفال.
-لما يكون المُعظم متابع مسلسلات
-‏وأنتِ متابعة برامج دينية.
‏- لما المُعظم بيسلم على رجال
وأنتِ معروفة أنك مش بتسلمي غير على محارمك.
-لما حد يقول لك اللبس مكبرك،
-‏دي حقيقة أصلًا لأن مكانتك كبيرة عند ربنا.
‏-لما تقومي فـِ عز البرد مِن سريرك عشان تصلي الفجر والقيام وأضواء الدنيا حواليكِ طافية وناس غافلين.
"الجنة تستاهل نجاهد عشانها والله "
دنيا:متتخيلوش إزاي بفرح اوى لما اسمع كلمكم ده.
بعد مرور أسبوع وافقت ياسمين على محمد واتفقوا على إقامة الخطوبة غدا.
أرتدت ياسمين فستان فضي وطرحة فضي وكانت ستضع مستحضرات تجميل ولكن محمد أخبر جدته بأن تخبرها بإلا تضع شيء في وجهها أرتدت تسنيم فستان موف وخمار أبيض أما اسماء فارتدت إدناء زيتي ونقاب اسود واية إدناء أزرق ونقاب أسود بالنسبة لدنيا فارتدت فستان أحمر، وطرحة بيضاء ثم ذهبوا للقصر.
محمد:إيه رأيكم لو كتب الكتاب هيبقى انهارده هيبقي أفضل.
اسماء بفرحة:حلو.
تسنيم:اللهم بارك جميل.
دنيا بهمس:وه وه إيه القمر ده.
يبدوا أن أحدهم سمع دنيا وهى تقول ذلك لينفجر ضاحكا.
دنيا فى نفسها:هو حد سمعني يلهوي. 
فنظرت أمامها مرة أخرى بإحراج.
وافقت ياسمين أخيرا على كتب الكتاب وحضر المأذون وتم كتب الكتاب.
أخذ محمد ياسمين بعيدا ثم قال لها:مبارك يا ياسمين أنت عجلت في كتب الكتاب عشان أعرف أتكلم معاكِ براحتي عشان هقبلك كتير الأيام الجايا حابب أكلمك في دروس كتير.
ابتسمت ياسمين قائلا:الله يبارك فيك وأنا منتظرة.
بعد مرور شهر خلال الشهر.
كان محمد يلتقي بياسمين ليعلمها دروس في الدين كثيرا فأصبحت ملتزمة تمام ولكنها لم ترتدي الخمار بعد رغم اقناعها التام بأنه فرض وقررت ارتدائه قريبا.
جاء اليوم المحدد لفرح اية وإمام.......🔜
وبكده نختم بإذن الله
سبحانك اللهم وبحمدك، أشهد أن لا إله إلا أنت، أستغفرك وأتوب إليك
السلام عليكم ورحمة الله وبركاته
‏الكاتبة/نور خالد
‏