أخوات من نوع آخر

الحلقة العاشرة

السلام عليكم ورحمة الله وبركاته
نبدأ على بركة الله
رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي
سبحانكَ اللهمَّ وبحمدِكَ وتباركَ اسمُكَ وتعالى جدُّكَ ولا إلهَ غيرُكَ
اللهم صل وسلم وبارك على نبينا محمد💙
꧁꧂꧁꧂꧁꧂꧁꧂꧁꧂꧁꧂
فتحت دنيا الصندوق فوجدت رسالة.
نظرت إليها دنيا بخوف ثم فتحت الرسالة.
مضمون الرسالة:
"أهلا أهلا يابنت الكيلاني طبعا بتسألي أنا مين وليه هبعتلك رسالة زي دي وأنا أقرب لك إيه أو بصفتي إيه وليه مجتش بنفسي وبعتهالك وليه بالذات بعتهالك في التوقيت ده عشان أنا عارف إنك لوحدك ده أولا ثانيا أنا مين أنا شريك عمر الشرقاوي إللي خسرتينا ال300مليون جنية أنا رفعت الدمنهوري أنتِ فكراني هسيبك أو هسيب حقي فلوسي إللي ضاعت في الأرض 150مليون جنية ترجيعه لي جنية جنية وإلا مصيرك القتل أو السجن بإي تهمة عادى ميهمنيش البسك أي تهمة بعتلك الرساله ومجتش بنفسي عشان تقرأيها لوحدك كده وتحولي تعقلي وتفهمي الكلام ومتصدميش أنا ممكن فس ثانية بطلقة واحدة أخلص عليكِ وعلى بيتك لا بس أنا مش حابب قتل أنا عاوز فلوسي وأنا واثق إنك مش هتقدري تجمعيهم في أسبوع قدامك أسبوع تجمعي فيهم150مليون جنية وطبعا ممش تحولي تتحمي في حد لأن محدش هينقذك إلا لما أخد فلوسي أنتِ فاهمة  أنتِ شوفتيني قبل كده وعارفاني وعارفة شكل رفعت الدمنهورى إللي كان مع عمر في المكتب وقت الصفقة قبل ما أنتِ تلعبي لعبتك وتبدلي الورق عشان نخسرها صحيح أنا مش عارف عملتي كده ليه بس إللي أعرفه إن عيلة الكيلاني والمغربي أعداء عيلة الشرقاوي فطبيعي واقفة في صف عيلتك المهم تكون وصلت لك الرسالة بقلب جامد كده وآه كلها شوية وهعملك زيارة خفيفة كده هبعت رجالتي تيجي تاخدك تجيبك عندي عشان عاوزين نكلم على المكشوف ولو أنتِ عدوة عمر الشرقاوي وبتحاولي تخلصي منهم أو تخسريهم فانا ممكن أنسى ال150مليون وأشترك معاكِ في العداوة دي المهم أجهزي عشان كلها ساعة ونص بالكتير وتلاقي رجالتي بتخبط توقيع/رفعت الدمنهوري"
نظرت دنيا بصدمة ودموع وخوف للرسالة لم تعرف ماذا تفعل قامت بالاتصال بتسنيم وياسمين واسماء لم تجده متاحا مقفول اتصلت باية وجدته متاحا لم تعرف ماذا تفعل الآن كيف تتصرف؟ قررت الاتصال بتيلفون القصر  وقام بالرد عليها الأمن وكان جهاز لاسيلكي ظاهر الصوت للجميع.
الأمن:مين معايا.
دنيا:ممكن تدخل تدي الموبايل لأي واحدة من أخواتي أنا دنيا الكيلاني.
دخل الأمن ووجد العائلة بالكامل  في الصالون.
الأمن: الانسة دنيا عاوزه تكلم حد.
اخذت اسماء الهاتف الاسلكي فكان صوتها ظاهر بوضوح.
اسماء:ازيك يا دنيا.
دنيا بعيط: يا اسماء الحقيني يا اسماء بالله عليكِ هيموتني.
سحبت اية الهاتف من  اسماء.
اية: في إيه يا دنيا مين ياحبيبتي إللي هيموتك.
دنيا ببكاء: الباب خبط طلعت لقيت صندوق فتحته لقيت رسالة الرسالة كبيرة أوى ومكتوب فيها أنه هيموتني يا اية وهيجي بعد ساعة مش هتلحقوا.
اية بقلق: اسمه إيه الراجل ده.
دنيا ببكاء: بيقول اسمه رفعت الدمنهوري شريك أستاذ عمر.
عمر بصدمة:رفعت؟
دنيا ببكاء: يا اية شوفي حل.
اية: اقفلي يا دنيا إحنا هنيجي.
اغلقت اية مع دنيا.
عمر:رفعت مش هيسيبها فعلا أكيد عشان الصفقة إحنا لازم نتحرك الوقت قبل ما يقدر يوصلها أنا رايح مين هيجي معايا أنا هروح أنا والرجالة وأحمد ومدام اسماء.
اسماء: تمام يلا.
شيرين في نفسها:وهما قلقانين عليها كده ليه ياريت كان أخدها وخلصنا من واحدة.
ذهبوا سريعا للقطار.
بعد مرور ساعة ونصف.
سمعت دنيا دق على باب منزلها.
دنيا بخوف: م... مين.
أحد الرجال:أنا من رجالة رفعت الدمنهورى افتحي.
دنيا: مش هفتح.
وقامت دنيا بتحريك كنبة ووضعتها ناحية الباب حتي لا يقوموا بكسر الباب ووضعت أشياء آخرى اتصلت بالتليفون الاسيلكي.
اسماء:إيه يا دنيا.
دنيا بصوت خفيف ودموع: وصلوا يا اسماء الحقيني.
اسماء:طب إحنا قربنا منك متخفيش يا حبيبتي.
لم تعرف دنيا كيف  ذهبت النصف ساعة ولكنها لم تعلم ماذا حدث وجدت الدنيا حوليها تدور بها وكأن دوامه سوداء تبتلعها بداخلها لتستسلم لها وتفقد الوعي على الارض.
وصل عمر وأحمد ومعهم خمسة من رجالتهم واسماء وقفوا الخمس رجالة حول المنزل بعدما قاموا بطرد رجالة رفعت الدمنهوري.
دق الباب ولكن بلا فائدة لتتصل اسماء بدنيا ولكن بلا فائدة برده.
اسماء:تعالوا معايا في شباك أرضي أنا عارفة بيتفتح إزاي ممكن ندخل منه.
ذهبوا ناحيته فقامت اسماء بفتحه وقفز أحمد ثم أخذ اسماء وقفز عمر فدخلوا المنزل وجدوا دنيا تجلس في ركن بعيد على الارض وهى مغمضة العين ونظروا لباب المنزل.
ذهبت اسماء إليها وقامت بتحريكها ولكنها  فهمت إنها فقدت وعيها.
اسماء:دنيا فقدت الوعي حد يجيب مياه بسرعة.
جاء أحمد بكوب ماء من المطبخ.
بعد وقت ليس بطويل أفاقت دنيا ووجدت اسماء أمامها.
أما عمر فوجد الرسالة على الأرض فاخذها وقرأها ووضعها بجيبه بغضب.
قامت اسماء وأخذت دنيا كانت ترتدي الاسدال فاخذتها ودخلت الغرفة وارتدت دنيا فستان وطرحة وخرجت معاها ليبدأ عمر وأحمد بإبعاد الكنب والأشياء من ناحية الباب ثم قاموا بفتحه.
نظرت دنيا للرجالة الواقفة.
امسكت في اسماء بخوف.
عمر:دي رجالتي متقلقيش.
ثم ركبوا القطار وذهبوا جميعا للقصر.
وداد:الحمدلله على سلامتك يابنتي.
دنيا: الله يسلمك يا تيتا.
أسرار في نفسها:كانت ماتت وريحتنا.
جلسن البنات في الصالون وذهبوا الرجالة للمكتب.
دنيا:أنا أعصابي مش قادرة حد يابنات يقولى حاجة من إللي بتحكيها.
اية:عايزة أقول حاجة للناس الحزينة، الـ قلبها مقبوض و خاطرها مكسور..
• لما تحسوا إنّكم لوحدكم، ومحدش بيسأل فيكم ولا حد فارق معاه وجودك من عدمه؛ متزعلوش وافتكروا قول ربنا عز وجل: {وَهُوَ مَعَكُمْ أَيْنَ مَا كُنْتُمْ}
• لما حد يكسر بخاطركم و يخذلكم، وانتم كنتوا فاكرين نفسكم غاليين عنده متزعلوش و افتكروا قول ربنا عز وجل:
• ‏{ وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ}
• لما تحسوا إِنّ الدنيا ضيقة مش لاقيين حد يسمعلكم، و لا عارفين تروحوا لمين، وكل الأبواب اتقفلت فـ وشك
افتكروا الحديث القدسي دا؛
يقولُ اللَّهُ تَعالَى: أنا عِنْدَ ظَنِّ عَبْدِي بي، وأنا معهُ إذا ذَكَرَنِي، فإنْ ذَكَرَنِي في نَفْسِهِ ذَكَرْتُهُ في نَفْسِي، وإنْ ذَكَرَنِي في مَلَإٍ ذَكَرْتُهُ في مَلَإٍ خَيْرٍ منهمْ، وإنْ تَقَرَّبَ إلَيَّ بشِبْرٍ تَقَرَّبْتُ إلَيْهِ ذِراعًا، وإنْ تَقَرَّبَ إلَيَّ ذِراعًا تَقَرَّبْتُ إلَيْهِ باعًا، وإنْ أتانِي يَمْشِي أتَيْتُهُ هَرْوَلَةً.
الراوي : أبو هريرة
صِدقًا استعينوا باللَّه و ابشروا
فات يوم على ما حدث ونامت دنيا ذلك اليوم في قصر الشرقاوي.
استيقظت تاني يوم وهي تعزم على الرحيل.
دنيا: أنا هرجع بيتنا.
وداد: ليه يا حبيبتي وبعدين خطر عليكِ.
دنيا: لا معلش يا تيتا مش هقدر أقعد هنا بصفتي إيه كمان.
عمر:زى ما هي تحب يا تيتا أنا هسيب رجالتي قدام بيتها متقلقيش.
وداد:ماشي يابني.
سافرت دنيا بعدها ودخلت بيتها فوجدت رفعت يجلس على الكنبة وهو يبتسم.......🔜
وبكده نختم بإذن الله
سبحانك اللهم وبحمدك، أشهد أن لا إله إلا أنت، أستغفرك وأتوب إليك
السلام عليكم ورحمة الله وبركاته
‏الكاتبة/نور خالد
‏