أخوات من نوع آخر

الحلقة الثالثة عشر

السلام عليكم ورحمة الله وبركاته
نبدأ على بركة الله
رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي
سبحانكَ اللهمَّ وبحمدِكَ وتباركَ اسمُكَ وتعالى جدُّكَ ولا إلهَ غيرُكَ
اللهم صل وسلم وبارك على نبينا محمد💙
꧁꧂꧁꧂꧁꧂꧁꧂꧁꧂꧁꧂
لتقاطعهم أسرار:أعملوا حسابكم قرايبكم والناس الكبيرة إللي شغالة معاكم هيجوا بكرة عشان يباركم لكم أنتم الخمسة فلازم نعمل حفلة تليق بيهم.
عمر:أكيد هنعمل.
أحمد:هتصل أعمل التجهيزات و أجي.
إمام:وأنا ومحمد ونضال هنروح نشوف مطلوب إيه نجيبه.
محمد: تمام يلا.
نضال:يلا.
ذهب نضال ومحمد وإمام خارج القصر وذهب أحمد فى الحديقة الخلفية ومعه عمر.
أسرار: شيرين أنا كلمت مصمم الأزياء يبعت فساتين بكرة وكلمت الكوافيرة.
شيرين:ماشي يا خالتي.
وداد:أنا هروح أرتاح في غرفتي شوية يابنات.
في نهاية اليوم دخلت اسماء المطبخ وقفلت عليها عشان ترفع النقاب وخلعت الجوينتي وبدأت تنظف المطبخ وقامت بغسل المواعين ليدق الباب عليها.
اسماء:مين.
شيرين:أنا شيرين يا اسماء أفتحي.
اسماء:طيب.
فتحت اسماء ودخلت شيرين وأغلقت.
شيرين:تعالي عاوزة اكلم معاكِ.
اسماء:خير.
شيرين:هكلمك في حاجة مهمة.
اسماء:طيب نقعد فين.
شيرين:مش عارفه تعالي نقعد هنا في الكنبة إللي فى المطبخ.
اسماء: تمام ماشي.
جلست اسماء مع شيرين.
اسماء:خير اتكلمي.
شيرين بتمثيل:أنا مكنتش حابة اقولك بس للأسف مينفعش اسيبك بس ماتعرفيش الحقيقة.
اسماء بقلق:ما تخلصي يا شيرين.
شيرين:أحمد.
اسماء بخوف:ماله.
شيرين بتمثيل الحزن:أحمد مش شبه ما هو فهمك.
اسماء:مش فاهمة.
شيرين:أحمد مش ملتزم.
اسماء بصدمة:إيه؟
شيرين: أكيد أنتِ مش مصدقاني استني اسمعك.
فتحت شيرين تسجيل.
"عمر:وأنت ممكن تتجوز منتقبة شبه إمام.
أحمد: ولو أخر واحدة في العالم منتقبة مش هتجوزها مش بحب المنتقبات أنا."
ثم فتحت تسجيل اخر.
"أحمد: وأنا أصلا شايف قدامي غير نقاب أسود وبيشه سودة وكله أسود هو أنا شفتها اصلا؟.
عمر بسخرية على أحمد وهو يقلده:مش بحب المنتقبات يا عمر أنا مستحيل اتجوز واحدة منتقبة يا عمر."
ثم فتحت تسجيل أخير.
"عمر:بس هي عاوزة ملتزم.
أحمد:هشوف بإذن الله أيه هيحصل"
شيرين:مكنتش عاوزة أقولك بس مكنش ينفع اسيبك كده أنا هروح أنا.
ذهبت شيرين وتركت اسماء الجالسة بصدمتها.
بدأت اسماء تفكر في أجوبة أحمد وإزاي كان متوتر لما كان بيجاوب وإزاى تسرع في الجواز  حتى لا يكشف كذبته دارت رأس اسماء بالأفكار ثم وقفت وأنزلت النقاب وخرجت وذهبت إلى غرفتها فى صمت.
جلست اسماء على السرير وهى تنظر أمامها بشرود فوجدت أحمد يفتح باب الغرفة ويدخل وقفت اسماء من على السرير قائلة:صليت قيام يا أحمد.
أحمد بتوتر:هااا....اه.
اسماء:أحمد أنت كذبت عليا ليه.
أحمد بتوتر:ها قصدك إيه كذبت في إيه؟
اسماء:لا يا أحمد أنت عارف كويس أنا قصدي إيه أنت كل إجاباتك في الرؤية الشرعية كانت كذب صح ولا مش صح وبلاش كذب تاني كفاية كذب لحد هنا.
أحمد:آه يا اسماء كان كذب.
اسماء بخيبة أمل:كنت عارفة.
احمد:مين إللي قال لك.
اسماء:مش مهم مين قال لي المهم الكلام صح.
أحمد:مين قال لك يا اسماء.
اسماء:مش هقول يا أحمد أنت كذبت ليه عليا ها افهم.
أحمد:عشان أنتِ كنتِ عاوزة ملتزم وأنا مش ملتزم.
اسماء:تقوم تكذب!...ده مش مبرر يا أحمد كذبت ليه وفهمتني إنك ملتزم عشان تجوزني.
أحمد: عشان مكنش في طريقة غير كده  يا اسماء.
اسماء بدموع:تقوم تكذب يا أحمد!! الحب لما يكون في طاعة ربنا أحسن بكتير.
أحمد:ماشي يا اسماء شوفي إللي أنتِ عاوزة وأنا هعمله.
ثم ذهب أحمد وتركها.
فذهبت اسماء وتوضت وصلت القيام وظلت تدعو الله أن يهدي زوجها وهي تبكي.
في الحديقة الخلفية.
أحمد بضيق:نفسي أعرف مين بس إللي قال لها يارب صبرني.
عمر:مالك يا أحمد في إيه .
أحمد:حد راح قال لاسماء إنى مش ملتزم فعلا.
عمر:وأنت فاكر إنها مكنتش هتعرف.
أحمد:معرفش بقى يا عمر.
شيرين بخبث: ومين يعني هيكون قالها.
أحمد: مهو أكيد مش أنتِ ولا نضال ولا إمام ولا محمد ولا عمر هيكون مين.
في اليوم الثاني.
في الصالون.
كانوا كلهم يجلسون في الصالون ليأتي واحد وهو يضع  فساتين مختلفة.
أسرار: فساتين الحفلة وصلت.
وداد:قومي يا اسماء اختاري لك فستان وبعدين اية.
قامت اسماء وهى تنظر للفساتين باستغراب أول استند كان فساتين قصيرة أما الثاني كانت فساتين سوارية طويلة بدون كمام أما الثالث  كان فساتين سوارية بأكمام أما الرابع  فساتين عادية نظرت اسماء لذلك الاستند ثم ذهبت إليه ونظرت فيه بين الفساتين فختارت فستان زيتي غامق ونقاب أبيض.
اسماء:إيه رأيك يا تيتا.
وداد:جميل يا حبيبتي ماشاء الله بس خدي رأي زوجك.
تنهدت اسماء ثم نظرت  إلى أحمد وأغلقت أعينها على أي حال عينيها لا تظهر من البيشه وقالت:إيه رأيك يا أحمد.
أحمد:جميل يا اسماء.
نظرت إليهم شيرين بغيظ.
قامت اية واختارت فستان زيتي فاتح  ونقاب أبيض
اية:إيه رأيك يا إمام.
إمام:جميل.
قامت ياسمين واختارت فستان سماوى وخمار أبيض وقالت لمحمد: رأيك يا محمد في دول.
محمد:جميل اللهم بارك.
اختارت تسنيم فستان باللون الأسود وخمار كشمير وقالت:إيه رأيك يا نضال.
نضال:جميل يا تسنيم.
قامت دنيا ونظرت بين الفساتين اختارت فستان مشجر
فيه ورود كذا لون وطرحة باللون الأسود ونظرت إلى  عمر بضيق قائلة:إيه رأيك يا عمر.
عمر باستفزاز:جميل أكيد .
شعرت دنيا  بالضيق والتعب  والرغبة في البكاء: اسماء ممكن تيجي معايا شوية الشرفة  عشان محتاجة كلامك جدا الوقت.
وداد بقلق:مالك يا دنيا ياحبيبتي أنتِ كويسة.
دنيا: آه يا تيتا كويس يا حبيبتي معلش بس هاخد اسماء شويه وبعدين نجهز.
وداد: ماشي ياحبيبتي.
أخدت دنيا اسماء وذهبوا للشرفة.
دنيا:اكلمي.
اسماء مبتسمة:حاضر.
اسماء:- س /يا شيخي ، كيف أُحيي قلبي بعد الإنتكاس !
ج / يا بُنيّ أكثر من قول " لا إله إلا الله " 💛
ونظف قلبك بكثرة الإستغفار
وابدأ عهد جديد مع الله بركعتي توبة ، ولا تتعجّل .. ابدأها
خطوة بخطوة كأنك حديث عهد مع الإسلام
حافظ على فروضك في أوقاتها ، ثم بعد ذلك أضف عليهم السُنن ، ثم زدهم بالقيام وورد القرآن
سترى كيف إن الطريق إلى الله سينفتح أمامك بعدها 💛
دنيا بدموع:لا إله إلا الله....أستغفرالله العظيم وأتوب إليه.
اسماء:يلا يا قلبي نقوم نجهز.
قاموا جميعا وجهزوا.
في  الأسفل  حضر  الأقارب وكبراء رجال الأعمال كان يوجد موسيقي ولكن ذهب إمام ونضال ومحمد وأمروا بإغلقها لتقف اسماء على الدرج في المنتصف وبجانبها من اليمين اية وتسنيم ومن الشمال دنيا وياسمين لينظر لهم الجميع لتقول أسرار بصوت غير مسموع: إيه القرف إللي هما لبسينه ده أنتِ قمر يا حبيبتي وهي تشاور لشيرين كانت ترتدي فستان سوارية طويل وطرحة تظهر شعرها ووضعه مساحيق تجميل.
لتبدأ الناس بالكلام وتزداد الفوضة ليوقفهم عمر وأمسك ميكرفون وقال.......🔜
وبكده نختم بإذن الله
سبحانك اللهم وبحمدك، أشهد أن لا إله إلا أنت، أستغفرك وأتوب إليك
السلام عليكم ورحمة الله وبركاته
‏الكاتبة/نور خالد
‏