طوارئ

الحلقة السادسة

#طوارئ💉
الحلقة السادسة
.
.
بنرد عليه ونسمع في صوت تلفوني يرن وماما تناديلي

انا >> نعم ؟
ماما >> تلفونك يرن من مبدري

مسكت التلفون ولقيتها اروى دزيتلها مسج اني حانرن عليها بعدين و حطيت التلفون في جيبي ورديت حذا ام حسن
لقيت بلال مش قاعد و ام حسن مع يونس فالجنان برا

رديت جنب ماما و قعدت مكسده حذاهم يهدرزو و بعد شويه روحنا للحوش

ماما >> معقوله الحوش هكي كيمو وصلاح تقول اول مره يقعدو

انا >> بكلللللل باردين

ماما >> هضا كله ومسيبتلهم وكالهم جاهز

انا >> تو نغسلهن المواعين .. حسيتك انسجمتي مع الوليه

ماما >> اه وحتي ام حسن تهبل
انا >>اه قالت لها زمان قاعده عندهم
ماما >> اه عشرة عمر مسكينه حكتلي ام بلال قصتها
انا >> شن قالت لك
ماما >> قالت لي متربيه في ميتم مسكينه و حياتها من هي وصغيره صعبه ناضت عدنيا ما عندها حد اجوزت راجل حتي هو من الميتم حملت وكانو بيسموه حسن علي اسم صاحب الميتم اللي تربو فيه ومشى فيها اسم ام حسن من وهي صغيره
انا >> باهي وحسن وينه وراجلها  وين ؟
ماما>> قالت لي ما طقتش كم شهر ونزلت الي فبطنا نصيبها مسكينه وراجلها توفى بعد فتره
و كان يشتغل عند عيت بلال فالمزرعه
ومن يومها تكفلو بيها عيت بلال وقعدت عندهم لعند صبح اليوم
انا>> تووووجع بكلللل يامينتي
ماما>> كل حد ونصيبه في هالدنيا الهم واجد غير مقسم
انا >> ماقالت لكش وين مرات بلال ؟؟
ماما >> لالا ماحكينش فالموضوع بكل هي قاعده ومش قاعده ماتفهميش كيف
انا >> غريبه

طلعت ماما من المطبخ وانا كنت عابيه تقولي اي معلومه ولا اي حاجه عليهم 😩
اذكرت انه اروى رنت عليا ، رنيت عليها وحطيت السماعات وقعدت نضم فالمطبخ

اروي >> وينك من مبدري نرن
انا >> ما قتلك اليوم عازمينه دكتور كمال
اروي >> عيت الدكتور السمح
انا >> وين حقيتيه تو انتي 😏
اروي>> سلم الفيس بوك 😂
انا >> ياحقيره حتي انا لي يشتغل معايا ما دورت عليه
اروي >> لازم نطمن علي مستقبل بنت سيدي
انا >> ننننننن بطلي حقاره
اروي >> قوليلي بس شفتيه ؟؟
انا >> اه شفته 🙂
اروي >> حكيتو بحت فيك شنو يعني
انا >> ارووووى اشقي ب امتحاناتك عارفتك رانه بتهدرزي وتهربي من قرايتك
اروي >> اووووووف
انا >> بااااي اقريي

صكرت من اروي ونضحك علي هبالها كملت المواعين و خشيت للدار
وقعدت نذكر كيف بلال كان قريب مني و كنا نحكو ب كل راحه و مافيش اي حواجز بينا
وكيف شخصيته عالطبيعه شخص هادي و كيوت
عكس شخصية الشغل بكل ! بس مازالت فيه لقطة البرود والوعاره