#طوارئ 💉
الحلقة العاشره
.
.
طلعت انا وبلال وسكرنا باب الغرفه عالمريض ووقفنا قدام الباب وكنا واقفين مقابلين بعضنا عند الباب
انا >> قولتك شن حايختار
بلال >> مش عارف حسيته في حيره
انا >> انا حاسه انه مش حايكمل
بلال >> ليش ؟؟
انا >> عمره احساسي ما خيبني ، حسيت من عيونه و انت تحكي يقولن انه الشي اللي رفضه دماغي اكيد مش حا يتقبله قلبي
بلال>> اوفف هضا كله حسيتيه في خمس دقايق
انا >> كلامك كان ساد ب انه يحرك دماغه و عيونه واضح فيهن التردد ، اللي يحب حد مستحيل عقله ينساه ! و مستحيل تقعد ذكره حلوه يرفضها عقلنا
" ابتسمت ومشيت من حذا بلال وسيبته واقف قارن حواجبه😛"
"الحُب أكثر الصفات إلحاحًا في الذاكرة، تنسى جميع الناس وتذكره ."🤍🕊
//
//
نورين >> اوس
اوس >> ياعيونه و عقله
نورين مبتسمه >> عندك عملية ليزك صح؟
اوس >>مازال اليوم حانشوف المريضه وندير فحص وبعدها نقرر تندارلها ولا لا
نورين >> تمام
وجت بتمشي مسكها من يدها وبرمها شوره وقربها
اوس >> تي وين السرعه هذي ياعيونه
نورين >> حيعلمك فالممر قاعدين
اوس >> ممر العيون فاضي ديما
نورين >> اووسس عاد
اوس >> رايح فيها اوس
نورين >> حبيبي والله لو شافنا دكتور ماهر حاناخذو انذار ساد انه مخلينه نحن الاثنين شغل واحد
اوس >> يارا قريب نطق للاربعين ومازلنا بسرقه
نورين>> هانت يا حبيبي قريب يكمل حوشنا
اوس حضنها >> يناعليا من حوشنا ومن الي بيقعد فيه
نورين خبطاته علي كتفيه >> كارثه اللسان والله 😂
طلقها اوس و مشت تشوف في شغلها ، طلع اوس من ممر العيون وهو مبتسم ماشي شور جهة الريسبشن قابله حذيفة
حذيفة>> وين كنت
اوس >> فالعيون كنك ؟
حذيفه غمز الولااء>> لا شي غير ان شاء الله ديما تضحك بس
اوس >>زقوببب
ولاء >>شكله كان مع البيبي علي قولتها 😂
اوس >> عطني نطلع العرس و تصكرو افوامكم
حذيفه >> شن ودنا نحن 😂
اوس >> بلكي تعقد العزم وتلحقني
حذيفه غمزله >> يا ما دونها
مع جيتي انا >> دون شنو و منو
اوس >> ولاء ساكته وما حكتش انتي تعلمتي القصقصة
انا>> حسني تعبانه والله
بحت اوس فالساعه >> ربع ساعه و يبدن الحالات عندي تشربو قهوه ؟
ولاء>> انا مانقدرش
حذيفة >> حانجيبلك وننزلك نساعدك
بحتت في ولاء وغمزتلها وهيه فنصت فيا
ركبنا مع بعضنا فوق انا و اوس و حذيفه
ايهاب >> العصابه مجتمعه
انا >> هوبا قهوه من الي يحبها قلبي النبي
ايهاب >> حاضر 😂
حذيفه >>ووحد من اللي يحبها قلب ولاء
ايهاب>> ولاء مش متاعت قهوه تشرب فيها نصها سكر
حذيفه>> ديرها لها كيف ما تحب بس 😌
كنت نبحت في حذيفه ومبتسمه وحاسه بشراره اعجاب و شعور جميل بادي يطلع في المستشفي
أنت تقرأ
طوارئ
Romance-ينبغي أن نجازف احيانًا فنحن لا ندرك حقًا معجزة الحياة إلا إذا أتحنا لغير المتوقع أن يحصل -🤍-
