طوارئ

الحلقة الثالثة عشر

#طوارئ💉
الحلقه الثالثه عشر
.
.
بلال>> سمعتيني ؟

انا >> اه بس كيف يعني ؟ ما فهمتش نكون بيبي سيتر له يعني ؟؟ "بهزوه" 😒

بلال>> مش في بريطانيا نحن اكيد مش هكي نقصد 😒

انا بحتت فيه وبرضو ما جتش عيني في عينه >> فهمني اكثر ؟

بلال ب ابرد طريقة فالعالم>> تتجوزيني يعني !

انا من الصدمه و هول الكلمه بحتت فيه وقرنت حواجبي مش فاهمه هل انا سمعت صح ولا لا ؟؟
خذيت كباية القهوه مسكتها و بعدين رديتها ف مكانها كنت مشعارفه شن ندير بس نبيه يقول نبصر ولا يصبي يطلع ولا يخش حد ينقذني
ببطيء و بربكه بحتت فيه وجت عيني في عينه و بلال ضحك!
ايوه ضحك 😊

انا تنرفزت فوق ما انا اصلا متوتره>> يعني فالمواقف يلي ينضحك فيهن ما تضحكش .. بس توا تضحك ؟؟؟ انت طبيعي

بلال رفع حاجبه >> نبي جواب

انا >> جواب الشنو ؟
بلال>> للي انا سآلته
انا >> انت تحكي من جدك ؟ ولا تحكي وخلاص
بلال>> عمري بصرت معاك ؟
انا >> بصراحه لا
بلال>> يبقي اكيد بنقعد نحكي جد مش نحكي وخلاص😊

لاول مره نبحت في عيونه بعمق و من اول مره نتوتر ! حطيت يدي علي رقبتي من التوتر و بلال ابتسم بشر

انا >> معنديش جواب
بلال>> يعني ؟
انا بعصبيه>> يعني معنديش جواب تهيالي واضح اول مره نشوف طلب بطريقة هذي اكيده تبصر مش بعقلك 😡

صبيت من جنبه وطلعت من الباب و انا في عالم اخر

ولاء >> كنكم اليوم سارحين ؟ كل حد في عالم

حذيفة >> مستشفي تسحب الواحد من عقله

ولاء>> انا وياك عقولنا مشاء الله

حذيفة حط يده عالريسبشن وبحت فيها >> بس انا عقلي مش عندي

ولاء >> وين طاير

حذيفه >> ماتعرفيش وين يعني ؟
ولاء كانت تفتش فالاوراق >> مش عارفه قول
حذيفة >> عندها
ولاء رفعت حاجبها >> من ؟
حذيفة>> اللي واخذه عقلي
ولاء>> لا اوكي هكي فهمت يعني
حذيفة لف وجا حذاها >> عطيني ملف ٧٠٩
ولاء تبحت فيه

خذا الملف ومشى من جنبها

‏#Aya🔮

" وبهكي نقدر نقوللكم انه المستشفي خشت فالمرحلة الثانيه " ✌🏻

"مرحلة صراع القلوب ، والبقاء للاقوي 😂😂😍"

اما انا ف ما كنتش الاقوي 🤦🏻‍♀️ طلعت و كنت ماشيه بسرعه فالممر نبي نهرب من بلال ونبعد كنت ماشيه بدون هدف و كآني في مكان فاضي بروحي انفصلت عن العالم الخارجي كله
وصلت نص ممر قسم العيون ورديت لوعيي
صبيت ووقفت مشي وغمضت عيوني بغباء