حب ولا واجب

الجزء الرابع

حب ولا واجب
(الرابع)
توقفنا ان تطورت العلاقه بين حسن ومرح وحسن بدا يشاغب ويقرب من مرح الي مش مصدقه فاستعانت بصديقتها مي ، مي  جاءت زياره لمرح وتقابلت مع محمود صديق حسن في اسفل العماره وكانت خناقه بينهم على ان عين مي وحشه وتسببت في سكب الايس كريم عليه .
مي ضربت الجرس ، حسن فتح ليها الباب ودخلها عند مرح الي كانت بتسمع اغنيه انغام

ياه ياه ياللى عيونك دول حكياتي
خدني مني يا كل حياتي
خدني اعيشلك اجمل اتي عمري معاك
ياه ياه ياللى عيونك دول حكياتي
خدني مني يا كل حياتي
خدني اعيشلك اجمل اتي عمري معاك
شايف حبيبي شايف
سامع همس الشفايف
وكلام قلبي الى خايف
يحكي لغيرك هواه
شايف حبيبي شايف
سامع همس الشفايف
و كلام قلبي الى خايف
يحكي لغيرك هواه
ياه ياه ياما القلب كتير اتمنى
يجري عليك و انا اقوله استنى
بكره مع الايام تتهنى عمري معاك
يااااه ياه…
مي :سيدي يا سيدي علي الحب احنا كبرنا خالص انغام مره واحد.
مرح:مي انا فرحانه جدا مش عارفه اشرح مشاعري متلخبطه مش مصدقه طيب هو بيحبني من امتي ؟لا اكيد هو لازم يعمل كده ده التزام مش حب مش عايزه اوهم نفسي هو مقلش بحبك قال انت مراتي انا عايزه الحب يا مي انا مفروضه عليه مي حسه بكلامي. مي :لو كلامك ده صح لازم تقلبي الاعجاب والالتزام لحب ده دورك مش تهربي .

بره جالس محمود مع حسن بعد ما دخل الحمام ونظف نفسه ومتغاظ وحسن بيضحك محمود:بقولك ايه انا روحي في منخيري حسن:بضحك ماهو محدش يقول لبنت عنيكي بتحسد وانت السبب ديه طريقه معاكسه انت محتاج كورسات.
محمود :يا ابني اول ما شوفتها عيني مش عارف انزلها من عليها وكانت هي بصه علي الايس كريم قلت اجر كلام ادتني الوش الخشب بس علي مين.
حسن :سيبك وحشني والله يا محمود ووحشني هزارك علي خروج امينه وحمدي محمود :ازيك يا طنط وازيك يا عمو .
حمدي:الحمد لله يا بني كله الي يجيبه ربنا كويس محمود بعدم فهم ينظر لحسن فتكلم .
حسن:مرات عمي جمال تعيش انت وعمي في المستشفي من ساعتها.

محمود :انا اسف يا عمي البقاء لله وان شاء الله عمي جمال يتحسن، ومرح عامله ايه ديه بنت رقيقه ومهذبه الله يكون في عونها
حسن بعيون كلها غيره :مرح انا كتبت عليها كتابي وفرحنا بعد كام شهر .
محمود :بجد مش عارف اقول مبروك بعد الاخبار ديه.
حمدي :قول مبرووك وعسي انت تكره شيئا وهو خير لكم ،هو احنا كنا هنلاقي احسن من مرح لحسن محمود ببتسامه لحسن محمود :مبروك يا ابوعلي.
خرجت مرح مع مي لتوصلها للباب مي شافت محمود وكبس عليها الضحك من منظر قميصه الي كان كله الوان ومحمود بص عليها ولما لقها بتضحك اتنرفز
مرح:السلام عليكم ازيك يا محمود حمد لله علي السلامه
محمود قام :البقاء لله يا مرح وربنا يقوم بابكي بخير
مرح :شكرا يا محمود ان شاء الله يقوم بالسلامه
محمود :مش تعرفينا
مي :انا مي صحبه مرح ومعلش اني ضحكت بس القميص بالالوان الي عليه تحفه .
محمود :اه ماشي يا انسه مي تشرفنا  بغضب مي :استأذن انا بقه علشان متاخرش ونزلت محمود :انا هنزل انا كمان اكيد هاجي مره تانيه وتكون الظروف احسن من كده وصله حسن .

وخرج محمود من العمارره لقي مي مستنيه تركب.
محمود :علي فكره ممكن اوصلك بدل الوقفه ديه الدنيا ليل.
مي:انا طلبت عربيه  من اوبر وقدمها دقايق علي وصول خلاص
محمود :تسمحلي اقف معاكي لغايه ما تركبي علشان اطمن عليكي.
مي :متشكره علي العموم هو وصل وركبت مي العربيه ومحمود ساق عربيته وراها وشغل اغنيه عمرو دياب انا جرالي ايه حلم ولا دة خيال ولا اللي شايفه دة حقيقة.
عدا خلا حالي حال طيرلي عقلي في دقيقة
انا جرالي ايه . جرالي ايه . الدنيا مالها احل
جرالي ايه . جرالي ايه . شايف الحياة اجمل
مرة واحدة انا لقيت حواليا نور ملا حياتي محمود:انا شكلي اهبل اوي ماشي ورها ومعلي الكاسيت علشان تسمع هتقول عليه مجنون مي:الله انا بحب الحركات ديه دمه زي العسل بس لاسامعه ولا شايفه المفروض كده وصلت مي ونزلت من العربيه ومحمود وقف عربيته ونزل منها وبيشاور ليها مي عملت نفسها مش شيفاه وطلعت علي بيتها محمود وبعدين بقه ايه الغلب ده لازم اهدي واشوف سبب للكلام معها  ابطل حركات المراهقين ديه .
ورجع بيته واخد شاور ومش عارف ينام قعد علي السرير وبيكلم نفسه وبعدين بقه هو في كده من اول يوم اشوفها اتبهدل كده علي كده كمان يومين هيجبوني من مستشفي الامراض العقليه.

في بيت مي قاعده مع مامتها وبتحكي لها الي حصل في اليوم ،وحكت لها عن محمود والي حصل كله حتي انه شغل اغاني في العربيه ومشي ورها مامتها تقبلت الموضوع وقالت لها انها متربيه صح والتصرف بتعاها صح وانها تخلي بالها من نفسها.

عند بيت حمدي البيت كله نايم وحسن نايم علي الكنبه وعينه متعلقه بباب اوضه مرح وبيكلم نفسه هي صحيه نور الاوضه منور اروح ليها ولا خليني طيب انا مش عارف انام مسك تليفونه وبعت رساله (الجميل صاحي ليه ).
مرح في الاوضه نطت قعدت علي السرير وبصت علي الباب وبتكلم نفسها ده بيراقبني عرف منين اني صاحيه ردت عليه (علي فكره كنت نايمه ).
حسن قرأ الرساله وضحك ورد(نايمه ونور الاوضه منور  ).
مرح بغيظ ردت (ايوه بفتحه وانا نايمه ).
حسن (ليه بتخافي من الضلمه لو بتخافي اجي اطمنك).
مرح بصدمه وضعت يدها علي قلبها (لالا مش خايفه انا متعوده علي كده ونام بقه تصبح علي خير).
حسن بحب وابتسامه مليه وجهه وقلبه (وانت من اهل الحب كله ).
ومش عارف ينام خالص

وفي حجره حمدي وامينه
امينه :هتعمل ايه يا حمدي ؟
حمدي :في ايه.
امينه :في جوازه حسن انا عايزه افرح بيه.
حمدي:طبعا قصدك ايه.
امينه انا عايزه اعمل فرح.
حمدي :ما انت شايفه الظروف .
امينه :انا عارفه انه عيب علشان موت نجوي بس ده ابني الوحيد.
حمدي :متخفيش ان شاء الله نعمل فرح لسه خمس شهور علي الميعاد نعرف نحلها ساعتها
حمدي :نامي يا امينه ربنا يسهلها

الفجر اذن قامت مرح علشان تصلي  حسن سمع حركه في الاوضه وغلق باب الحمام وباب الاوضه بعدها ، خبط علي الباب مرح رديت
مرح:مين.
حسن :انا يا مرح لو هتصلي تعالي نصلي جماعه هستناكي .
مرح :دقيقه وطالعه.
حسن لقي مرح طلعه باسدال الصلاه وام بيها وصلي الفجر.
مرح :تصبح علي خير نام شويه قبل الشغل حسن :مسك ايدها عقبال ما نصلي في بيتنا وجه يقرب سمع صوت حمدي
حمدي :خلصتوا صلاه حسن اتخض.
حسن :ايوه يا بابا.
حمدي :ادخلي نامي يا مرح دخلت مرح الاوضه وحمدي بيبص لحسن
حمدي:بص يا حسن مرح مراتك وكل حاجه بينكم مش حرام بس متضعيش فرحتها بتهورك خليك امانها واحتفظ بفرحتكوا ليوم الفرح .
انا عارف ان الموضوع صعب وخصوصا انها معانا في بيتنا بس انت راجل وهتحافظ عليها حسن :بابا انا بحاول اقرب منها نشيل الخجل بس متخفش علينا
حمدي :انا قلت الكلام ده علشان ساعه المشاعر العقل بيروح عايز عقلك موجود وحاضر في الوقت الصح ....
ديه بنت عمك امانه فاهم  
وتصبح علي خير حسن نايم علي الكنبه ودعي يا رب قويني
مرح وبعدين معاك يا حسن اما متلخبطه بجد خايفه امشي ورا مشاعري بس ايه الحب ده كله وحضنت المخده،يعني الحب بيجي فجاءه كده .
حسن لنفسه هو كده انا بحبها ولا علشان هي قدامي …لا انا بحبها وطول عمري بحبها دي عروستي الحلوه طول عمري بقول كده.
ربنا يهدينا لبعض وبص علي باب الاوضه ايوه بحبك يا مرح .

في مكان مشبوه
مجهول :انت عارف لو ملقناش الملف ده هنروح في داهيه.
مجهول تاني :متخفش هي دورت في الشقه واكيد هتعرف تلاقيها.
المجهول الاول :لو فاق قبل من نلاقي الملف كأننا معملناش حاجه.
المجهول التاني :احنا مراقبينه.
المجهول الاول:انجز والي يقف في طريقك ريحنا منه.