حب ولا واجب

الجزء التاسع

حب ولا واجب
(البارت التاسع)

عند بيت جمال
سميره قاعده والولاد بيلعبوا وعاملين دوشه وبيجروا ورا بعض .
سميره:اتلم ياض انت وهو ولهي اولع النار وانتوا عارفين ،علي وعمر جريوا وخبطوا علي اوضه مرح الي فتحت الباب وبتبص عليهم.
مرح:بتزعقي ليه للولاد؟
سميره :انت مالك انا عايزهم ينشفوا كده.
مرح: اه ينشفوا بس اهدي عليهم شويه. فين حنيه الام ولا كل حاجه زعيق
سميره بلخبطه :دول نور عنيا ،…بس اي ام لازم تربي وانا تربيتي كده وكانت عاجبه سي جمال .ربنا يرده لينا بالسلامه مرح نظرت ليها نظره طويله علي رن جرس الباب راحت تفتح لقت مي وعلي شها ابتسامه.
مرح:اتاخرتي ليه.؟
مي كان عندي مشوار وروحت البيت وبعدين جيت علي طول.
مرح :مجتيش عليا من الجامعه ليه مي لسه حتتكلم لقيت سميره بصه عليهم .
مي:مفيش مكان غير هنا نتكلم علشان في ناس رميه ودنها.
مرح بصت ناحيه سميره واخدت مي الاوضه
مي:عندي خبر ليكي.
مرح ايه الي اخرك  ؟ وروحتي ليه ؟ مش متفين تيجي عليا علي طول،
مي :ما الخبر السبب بصي يا ستي ،وحكت لها ما حدث من محمود وانها كان لازم تروح تقول لمامتها الي حصل .........
مرح:حلو الكلام طيب طنط رأيها ايه؟
مي :احترمته جدا، وقالت حتقول لبابا ،ويحددو ميعاد وجيتلك علي طول صحيح انت حتفضلي محبوسه هنا؟
مرح:ما ينفعش اسيبلها البيت وربنا من عنده الحل وحسن وعمو حمدي يحلوها تليفون مرح رن وكان حسن.
مرح:الو.
حسن:احلي الو بسمعها ايه الحلاوه ديه وحشتيني يا قمر.
مرح :عامل ايه يا حسن؟
حسن:ايه ده اقولك وحشتيني تقولي عامل ايه يا حسن ماشي كويس يا انسه مرح ،جي عليكي بعد شويه قلت اشوفك تكوني عايزه حاجه اجيبها غير الاكل لاني متاكد انك مكلتيش حاجه من الصبح.
مرح:ربنا يخليك ليه ومتزعلش مني انا مش بعرف اقول كلام زيك واحده واحده وبعدين مي هنا معايا.
حسن :ماشي يا ستي مسافه السكه وقفل.
مي:يظهر ان في كلام ومشاعر وقلوب بطير.
مرح:بضحك مش جوزي عادي يعني.
مي :بجد مش ده الي مجبور انه يتجوزني وكان واجب عليه وكلام كتير كده.
مرح:لا ما انا حقولك اقعدي وبدات مرح تحكي لمي ..
عند حمدي في البيت امينه بتحط الاكل وزعلانه وحمدي مستغرب
حمدي :مالك بس زعلانه ليه؟
امينه:البيت وحش من غير الولاد.
حمدي :الظروف اتلخبطت وبعدين انت هتعملي ايه لما يتجوزوا ويروحوا بيتهم؟
امينه:مكنتش اعرف انها صعبه كده.
حمدي :لا صعبه ولا حاجه هما يشوفوا حياتهم واحنا كمان نرجع الماضي.
امينه بضحك:يوه يا حمدي انت بتكسفني
حمدي :بكسفك بعد العمر ده كله احلي حاجه فيكي يا منونه قلبي كسوفك.
امينه :بتضحك اما انت عليك كلام يلخبط.
حمدي :طيب قومي انا عايز الخبطك اكتر.

وصل حسن ورن الجرس
وفتحت سميره الي بتبص علي حسن برغبه وعين بجحه، وبتقوله اهلا بسيد الرجاله نورت عارف الحاجه الوحيده من قعده البت مرح فيها فايده، وجودك هنا واني بشوفك.