حب ولا واجب
(العاشر)
في المستشفي وصل حسن وبيجري لقا جمال في السرير والدكتور بيلف دماغه بشاش.
حسن :ايه الي حصل ومرح فين؟
الدكتور :معرفش كل الي اعرفه اني دخلت لقيت استاذ جمال دماغه بتجيب دم واهو لسه ما فقش ،الانسه مرح كانت هنا وشنطتها كانت مرميه وتليفونها مكسور ومرمي علي الارض.
حسن بيضرب بيده في الحيط ،وهو امن المستشفى فين انا مراتي انخطفت ،
الدكتور :اكيد الامن موجود يا فندم .
حسن :بلا موجود بلا زفت .
وبيكلم باباه. :الحق يا بابا مرح انخطفت.
حمدي وقف :مرح بنتي ايه الي حصل.
حسن:مش عارف يا بابا وعمي جمال مضروب ومغمي عليه.
حمدي :انا جي
الدكتور :علي فكره استاذ جمال اداني ورق امبارح ومكتوب عليه حمدي.
حسن :فين الورق.
الدكتور :معلش لما الاستاذ حمدي يجي.
حمدي كلم الظابط نبيل وقاله علي خطف مرح وقاله ان اللعب كده علي المكشوف وانه يحصله علي المستشفي.
وعند مرح فاقت لقت نفسها متربطه في اوضه صرخت الحقوني الحقوني.
شخص :صوتك يبقي واطي ..ومحدش يعمل حاجه ليكي ،لان كده كده محدش هيسمعك وقرب منها وحط ايده علي خدها وقرصه ،سمعه يا حلوه انا مش عايز ازيك .
دخلت عليها سميره ومعاها شخص باين عليه الاجرام.
سميره :بصي ابوكي طلع عيننا بس شكلك انت هتحلي لينا الموقف طبعا عارفه دول ومسكت مفاتيح باباها وقالت لها دول ومسكه مفتاحين ،بتوع ايه خزنه في البنك صح.
مرح :معرفش بتوع ايه صدقني ومعرفش ان بابا عنده خزنه ولا لأ.
سميره :طيب التاني بتاع ايه واحد منهم فيه الملف افتكري… يا بت بدل ما اسيب الواد الحلاوه ده عليكي وانت عروسه زي القمر.
مرح :معرفش حاجه صدقني بتعيط جامد.
سميره :وفري دموعك لبعدين يا حلوه .
وخرجت من الاوضه
محمود وصل مي الجامعه بعد موافقه باباها ومي وهي في الجامعه كانت مستغربه لان مرح كلمتها وقالت لها انها جيه وبتكلمها تليفونها مغلق كلمت محمود.
مي : الو.
محمود:الو ده انا ربنا راضي عني النهارده
مي :محمود انا عايزه نمره حسن ممكن.
محمود :نعم يا ختي …عايزه ايه منه ؟ تكلميه بتاع ايه ؟اي طلب انت عايزه قوليه وانا الي اكلمه انا بغير جدا علي فكره.
مي :محمود انت بتهرج صح يعني هكون عايزها ليه بكلم مرح تليفونها مغلق .
واكيد حسن معاها لانه مجاش الجامعه.
محمود :راجل ومراته وقافله الموبيل افهمي بقه بلاش تقطعي ارزاق حد يا حبيتي.
مي:ارزاق ايه مرح كلمتني وكانت رايحه المستشفي عند باباها وقالتلي انها جيه الجامعه.
محمود :طيب من غير نرفزه انا حكلمه وهرد عليكي .
مي :ماشي.
محمود :طيب خلصنا من مرح وحسن خلينا في نفسنا ممكن وانا مرجعك اعزمك علي الغدا قولي لماما عقبال ما اكلم حسن ،وبعت بوسه
مي:بخضه ايه الصوت ده.؟
محمود:مفيش يا روحي بوسه في الهوا،
مي :قفلت السكه بسرعه من الخضه،
محمود:البيت ماتت ديه ولا ايه ديه بوسه. في الهوا شكلي هتعب اوي.
أنت تقرأ
حب ولا واجب
Romanceحب ولا واحب مقدمه هل جمع الحب ولا الواجب قلوب شباب رويتنا . مرح فتاه رقيقه وحسن ابن عمها جمعتهم الظروف والقرب هل الظروف تجعلهم يقربوا من بعض والحب يجمعهم ولا يستمرا في هذه العلاقه من اجل صله القرابه . الغاز تقرب بينهم يحاولون حلها مع بعض انهم...
