حب ولا واجب

الجزء الثامن

حب ولا واجب
(الثامن)

عند مكتب حمدي وهو يسمع كلام الضابط نبيل علشان حل لغز مشكله جمال.
الضابط نبيل:احنا عرفنا ان سياده المستشار جمال كان في ايده قضيه فساد كبيره في الميناء ،وكان فيها اسماء كبيره وشكله كانوا بيهددوه ،..بس احنا مش عارفين التفاصيل المشكله ان ملف القضيه مختفي من ساعه الحادثه واكيد لو لقناه حنبتدي نفهم !!وبالنسبه لسميره الي احتلت بيت سياده المستشار اكيد. تباعم ومعني كده ان الملف لسه مش عارفين مكانه..
هما ارسلوا  الست ديه تدور عليه، والورق الي ظهرته اتعمل عند مأذون ولما سالت عن المأذون ..اكتشفت انه اشتري ارض ،بنى  عليها بيت وهو معدم وعلشان محدش يسأل عن سر الفلوس الي معاه قال للناس انه ورث واحنا اتاكدنا ان ديه رشوه بس ..مش عايزين نقبض عليه دلوقتي علشان اقدر امسك الخيوط بيدي ،وخصوصا ان ليهم عيون كتير في كل منطقه.
حمدي:جمال كان تحت التهديد وانا مش عارف حبيبي يا خويا طيب والولاد الي بتقول ولاده ومعاها شهادات ميلاد
نبيل:يا فندم اكيد سهله يطلعوا شهادات وبتاريخ قديم.
حمدي :انا معايا صور الولاد بعتهم ليك اكيد كده دول مخطوقين
نبيل :ماشي يا فندم بس ارجوك حاول ان اول سياده المستشار يفوق يتكلم يكتب علي ورقه علشان القضيه تنحل ورق القضيه فين بس؟
حمدي:انا حنزل واروح ليه واسال الدكتور اني ينفع اتكلم معاه
نبيل :لعلم حضرتك الحادثه الي سياده المستشار عاملها … كانت بفعل فاعل وبشهاده فلاح قال انه كان راجع بيته وشاف تريله كانت بتضرب في جنب عربيه سياده المستشار وقاصده تقلبها والضرب كله كان ناحيه مدام نجوي الله يرحمها.
حمدي:شد علي ايده   وعروقه كلها شدت وقال حسبي الله ونعم الوكيل.
نبيل :استاذ حمدي محدش لازم يعرف المعلومات ديه علشان القضيه .
حمدي:متقلقش ان متصور كل حاجه

في كافتيرا علي النيل قريبه من الجامعه زي ما مامت مي قالت قاعدين
محمود :كلمي مامتك طمنيها اننا وصلنا
مي كلمت مامتها فعلا وبصت علي محمود الي وشه كان مبتسم جدا .
محمود:بصي يا مي انا طبعا عارفك من مده صغيره بس الي تقف مع صحبتها بالجدعنه ديه واشوف اخلاقك ديه لازم اعجب بيكي انا عرفت عنك كل المعلومات الي تخليني اتمني تكوني مراتي وحبيبتي.
مي: وشها احمر ومش قادره تبص عليه بس رفعت عينها بحاله من الذهول والكسوف واسئله كتيره في دماغها بس فضلت السكوت .
محمود:ومش عايز نظره الزهول ديه ايوه حبيبتي وخلتيني مراهق وبدور عليكي وعلي مواعيدك واجري وراكي بالعربيه الي انا فيه حب  عمره ما حصلي.
مي بأندهاش :احنا عارفين بعض من يومين بس..!!
محمود بسرعه ومن غير تفكير : الحب بيتولد في لحظه بيقلب حال الانسان وانت عملتي كده .
مي :بصوت مش طالع وقمه الكسوف انت عندك معلومات عني…!! طيب انا ارد عليك وانا معرفش حاجه عنك  .
محمود:انا علشان كده قلت نقعد  هنا علشان اي سؤال ارد عليه ولا اقولك انا هعرفك بنفسي بصي يا ستي .
انا محمود عزت  ،قريب مرح وحسن من بعيد ،والدي يبقي ابن خال والدهم  ،وطبعا انا وحسن اصحاب من زمان،  خريج كليه الهندسه ، وبشتغل في المواقع ، ومتبهدل كل فتره في بلد ، والحمد لله انا رجعت لان في مشروع هنا في بورسعيد كبير  ،وانا من المهندسين الي فيه يعني مفيش سفر تاني ان شاء الله ،عندي شقه وبوضبها مرتبي الحمد لله يفتح بيت ديه الحاجات الماديه.
بالنسبه للاهل انا ليه اختين متجوزين بره مصر  ،وعايش مع والدي وولدتي وهما ناس طيبين جدا .
عزت باشا ولدي وكيل في التربيه والتعليم وامي فريال مدرسه لغه انجليزيه وشايفه طبعا ان بابا وماما في نفس المهنه ،وخدين بعض عن حب ،وانا طول عمري  نفسي احب زيهم ،واعيش زيهم البيت الي فيه حب بيقي دافي و وبتحبي تنتمي ليه.
مي:ممكن اسال سؤال؟
محمود :طبعا اتفضلي.
مي :اشمعني انا ؟  في كتير بنات غيري ،واحلي مني كمان، واكيد انت عرفت كتير شاب بوسمتك تجذب البنات ليك.
محمود :ببتسامه وضحكه عاليه ،انا وسيم الحمد لله، وبجذب البنات كمان .
شكلها هتحلو بصي يا ميويه انا مش حقولك اني كنت مترهبن ومعرفش بنات …لا انا كان ليه علاقات بس بحدود، عمري ما عصيت ربنا .
واشمعنى انت …انت بالذات فيكي مغنطيس ،اول ما شفتك تحت بيت حسن ،ونظره الطفوله والفرحه اتعلقت بيكي وادبك معايا عندهم وانك كل حاجه والدك وولدتك علي علم بيها معرفش بقت بحلم بيكي بفكر فيكي رجلي بتخدني عندك بصي شكل حب من اول نظره!!! طبعا مش هفرضه عليكي ،واحترمت منك لما قلت هختبرك واختبارك بس انا عايز اكون تحت الاختبار واحنا مخطوبين ممكن يا مي وعلي فكره انت زي القمر وحلاوه روحك محلية وشك اكتر.

مي:طيب هتديني فرصتي افهمك وتصبر عليا ؟
محمود:طبعا يا مي  ممكن اخد ميعاد مع بابا امتي اجيب الحج والحجه عندكوا ؟
مي :اروح واكلمهم وارد عليك.
محمود :ازاي وانت مش معاكي نمرتي..!! سحب موبيل مي من قدمها ورن علي نفسه منه كده عندك رقمي وعلشان اعرف اطمن عليكي وبغمزه مي ضحكت ومسكت الموبيل علشان تطلب تاكسي.
محمود:بتعملي ايه؟
مي:بطلب تاكسي.
محمود:انا هوصلك .
مي: مينفعش غير لما تبقي رسمي واحنا بالنهار والوقت بدري كده احسن.
محمود :طيب اكلم ماما اني اوصلك.
مي:كده احسن يا محمود.
محمود :احلي محمود ديه ولا ايه ان مسمعتش اسمي يالحلاوه ديه قبل كده قولي محمود تاني كده وغمزه.
مي :ببتسامه العربيه وصلت باي وطولت في الكلمه …يا محمود.
محمود :يا لهوي عليا وعلي الي بيحصلي قام ركبها ودخل العربيه وعايز اغنيه توصف مشاعره وشغل يتعلموا يتعلموا من الرقة دي يتعلموا.
شوف هما فين وحبيبي فين
مشافوش كده ولا يحلموا
اللي عنده ضحكة زي دية
واللي لون عيونه مش عادية
يجي هنا جني يجي ليا
احكيله اللي شفته انا بعنيا
اموت اموت في الضحكة دي
اموت اموت في النظرة ديا
الله الله الله عينيه عليه
يتعلموا ويقلدوا دة مش بعيد يتعقدوا
شوف هما فين وحبيبي فين
مشافوش كدة ولا يحلموا
واللي عدى عدى عدى عدى
الجمال دة شفته مرة واحدة
عيني عيني عيني عيني باردة
عاللي خلي قلبي ناره تهدي

وصل حمدي المستشفي ودخل عند الدكتور الي بيباشر علاج جمال.
الدكتور:استاذ حمدي …جمال باشا بيهرب من الي حصل حاسس بالمسئوليه وانا خايف نضغط عليه .
تسبب مش في رفض للكلام بس يبقي رفض للحياه احنا ما صدقنا انه رجع يحب الحياه تاني.
حمدي:بس في معلومات مفيش غيره يعرفها انت عارف مركزه
الدكتور :ممكن تجيبها بالتدريج ومش مباشر ولو لقيت عدم استجابه متضغتش عليه.
حمدي :خلاص يا دكتور توجه حمدي لحجره جمال الي كان نايم علي السرير وفاتح عينه.
حمدي:چيمي حبيبي.
جمال:بيبص عليه نظره اطمئنان
حمدي :مش ناوي تسمعني صوتك الدنيا وقفه من غيرك يا سياده المستشار.
جمال:ملامحه اتغيرت وكانه بيسال وفي دموع في عينه
حمدي :في ايه يا جمال وحد الله مش انت السبب للحصل لنجوي ده قدرها ومحدش يقدر يغير قدره افتكر مرح محتاجالك ،والدكتور قال انك ممكن تطلع كمان يومين مش قادر تتكلم اكتب وانا معاك بص انا جبتلك ورق واقلام اكتب كل الي انت عايزه ونفسك تقوله ساعدني يا جمال نرجع حق مراتك وحقك
مشي حمدي ومسك جمال القلم علشان يكتب
(فلاش باك)
مدير في المينا واقف قدام عربيه جمال بعد ما اعترض طريقه وبيقوله.
جمال بيه القضيه ديه تتقفل زي ما احنا عايزين… الواد اعترف انه صاحب الحرز خلاص هو الي يتحكم عليه ..ده لمصلحتك انت مش قدنا وبلاش تفتح علي نفسك فتوحه والغي قرار تفتيش كل مخازن المينا الي مطلعه خاف علي مراتك وبنتك.
جمال:انت بتكلمني انا كده محدش يقف قدام القانون انا بعمل الي يراعي ضميري وربنا الحامي لمراتي وبنتي.
ومشي بالعربيه وجاء له تليفون ان بعد تفتيش مخازن المينا وجدوا اطفال متخدرين وفي كميه مخدرات كانت داخله متهربه في صناديق ادوات طبيه، والظابط قابله في النيابه واعطاه اوراق الحرز وان النيابه عينت وكل الاوراق بين ايده، وان اسم تاجر كبير ورا عمليه التهريب ديه.
وان الولاد كانت هتتباع اعضاء ومخطوفين اخد الملف واخفاه بين ملابسه وخرج وذهب الي نادي القضاه وفي حجره الملابس وضع الملف في اللوكر المخصوص له وجاء مكامله ان اخو نجوي في المستشفي.
(باك)
توقف عن الكتابه والدموع بدأت في الهطول.
هنا ابتدت تتفك بعض الالغاز