حب ولا واجب

الجزء الثالث

حب ولا واجب
(الثالث)
دخلت مرح من الجامعه بعد يوم طويل ومتعب وجدت امينه بتحضر الاكل .
امينه:انت جيتي يا حبيبتي احطلك الاكل مرح:لا حستنا عمو حمدي لما يرجع من الشغل ومسكه خياره وبتكلها.
مرح: اعمل السلطه. ؟
امينه:كان نفسي اسمع منك مستنيه حسن ده جوزك ولازم تقربوا من بعض مش تبعدوا كده ده قبل كتب الكتاب كنتوا بتتكلموا اكتر من كده انا بقول كده لمصلحتك مش علشان حسن ابني انت كمان بنتي .
مرح:اقرب ليه وحنا لازم نسيب بعض حسن مغصوب علي الجوازه ديه وانا مش هقبل  اني اكمل مع واحد مغصوب عليه حتي لو بحبه. امينه:😃بتحبيه كلمه الحق طلعت طيب تسبيه وانت بتحبيه ده كلام ليه كده.
مرح:لانه حيسبني وانا كرمتي حتنجرح فلازم احله من الجوازه ديه الي بابا غصبه عليها .
امينه:ولما بابكي يفوق يلاقيكي سبتيه .
مرح:ما هوده الي مخليني سكته .
كان حسن رجع وسامع الكلام بين مرح ومامته ابتسم بخبث وقال كده العب برحتي بقه… يعني احساسي صح ،وانا ماسك نفسي عنها واقول انها سمعت كلام بابها ،ومغصوبه اخيرا فهمت .
احساسي من ناحيتها كان الزعيق والمعامله الوحشه مني علشان ابعد عن حبها، انا بحبها ولازم اعترف لنفسي بكده وليها كمان.
طول عمري بحبها وبخاف حد يقرب منها حتى بخاف عليها من نفسي هقولها  ..بس مش دلوقت ودخل عليهم المطبخ .
حسن :بتعملوا ايه يا حلويين ؟
امينه :بنعمل الاكل ومرح بتعمل السلطه ،ثواني ونحط الاكل علي السفره روح غير هدومك حسن مشي  للاوضه ، وبياخد هدومه لمح قميص نوم مرح علي السرير اخده وحضنه وشم ريحه مرح.
(هو بينام بره الاوضه بس لبسه في دولابه )
حط قميص النوم انا عايز ارجع اوضتي ديه الاوضه احلوت اوي 😉😉.
امينه:روحي يا مرح اندهي حسن علشان الاكل عمك خلاص طالع علي السلم .
مرح راحت للاوضه وخبطت بس محدش رد عليها فتحت الباب ولسه هتنده جذبها حسن قفل الباب ،وكانت بين الباب وحسن ....حسن انفاسه كانت تلفح وجهها مرح مش قادره تتكلم من المفاجاءه ،وحسن وضع يده علي خدودها وقال .
حسن:الاوضه احلوت اوي …وبقيت احبهااوي من ساعه ما انتي نورتيها .
مرح بنفس متقطع :ابعد يا حسن ميصحش كده.
حسن:هو ايه الي ميصحش !.انا سيبك برحتك علشان الظروف الي كنتي فيها لكن عدا شهرين ودخلين في الثالث ،ولا انت نسيه انك مراتي ومنيماني بره علي الكنبه لما ظهري وجعني يا مفتريه.
مرح بنفس متقطع: خلاص نام انت هنا وانا هنام علي الكنبه .
حسن :يعني ده الحل من وجه نظرك🤔🤔متهونيش عليا .
مرح زقته لكن، هو احكم سيطرته عليها واتكلم بجانب ودنها بهمس انا عايز انام في الاوضه وهي حلوه بيكي ،فهماني وطبع بوسه علي خدها وهمس انا بحب الاوضه وانت فيها مش بره ،وطبع بوسه علي الخد التاني ولسه حيقترب من شفايفها .
حمدي :يا ولاد انا هموت من الجوع انتوا فين ؟
مرح زقت حسن ،وجريت بره الاوضه وحسن اخد نفس ليهدئ نفسه ،وقال شكل الاوضه ديه متعبه اوي 😉😢.
خرج حسن وكلهم علي السفره ،ومرح تتجنب النظر لحسن.
حمدي حس ان بينهم حاجه ،وابتسم لان هذا ما يتمناه وعايز كان يقربهم من بعض ومش عارف.
حمدي :اخبارك ايه يا حسن؟
حسن :الحمد لله بابا روحت لعمي وانا راجع والدكتور بيقول ان سيبدأ معاه جرعه جديده بس بيقول لازم يسمع اخبار تفرحه .
مرح:اخبار ايه الي تفرحه نجيبها منين هي بتتباع .
حسن :انا بقول نعجل بالجواز يا بابا يا حبيبي اكيد الخبر ده يفرحه.
حمدي :ماشي علي العموم شقتك جاهزه فوق مش ناقصها غير وش نظافه ،وانزل انت مرح ونقوا العفش والجوازه تبقي بعد الامتحانات.
مرح بذهول :فرح مين وامتحانات مين ايه الكلام ده ماما لسه مكملتش ٣شهور ازاي اتجوز كده!؟
حمدي :ما انا بقول بعد الامتحانات يعني كمان خمس شهور ،وتجاهل حمدي ردها وكلم حسن دور علي نقاش ،ولا شركه يخلصوا الشقه في المده ديه وقام من علي السفره ضحكت امينه :وبتقول مبررروك يا ولاد وقامت هي كمان وبتقول استني يا حمدي نصلي جماعه مرح علي السفره هي وحسن لوحدهم وحسن ببتسامه .
حسن :مبروك يا عروستي سكته ليه؟
مرح بذهول  :عروسه!!
حسن :واحلي عروسه واتحرك من علي كرسيه واقترب منها ،....وفي لحظه كان اخدشفايفها في بوسه سريعه وقال الثالثه كنت هموت واخدها في الاوضه لكن انت هربتي بس علي مين.
مرح زقته وجريت علي الاوضه وقفلت الباب ووضعت ايدها علي قلبها ،وبتقول هو في كده وسمعت خبط علي باب الاوضه وكان حسن ورا الباب وفتحه ووقفت امامه.
حسن:علي فكره انا موجود ومش خارج
هتحبسي نفسك في الاوضه علشان بوسه علي كده انت مش هتطلعي منها ديه البدايه وقفل الباب وخرج.
مرح مش مصدقه نفسها مسكت التليفون وكلمت مي.
مرح:مي لازم اشوفك في تطورات خطيره. مي:طيب عقبال ما نتقابل خطوط عامه مرح:طيب فرحي بعد الامتحانات /حسن بيعكسني/حسن بسني بوسه سيما.
مي:لا بصي كده انا جيه في الطريق باااااي حسن بيكلم محمود صديقه :ايوه يا ندل شهور ما شفتكش.
محمود:ايه داخل بزعبيبك ليه كنت مسافر وانت عارف ولسه راجع من كام يوم .
حسن:طيب تعالي عايز اشوفك .
محمود:طيب عايز اغراء حاجه حلوه طبق بسبوسه حته جاتوه ايس كريم.
حسن:تعالي وهات الي نفسك فيه وانا احسبك.
محمود:اذا كان كده ماشي ساعه واكون عندك .
عند حمدي وامينه
امينه:شاطر يا حبيبي كده امر واقع ال تسيبوا قال بس شوفت وشها كان احمر ازاي يظهر حسن قالها انه بيحبها .
حمدي:يا ريت المهم اديهم فرصه يبقوا لوحدهم علشان يقربوا من بعض .
امينه:حاضر ده يوم المني انهم يحبوا بعض .
وتحت المنزل مي بتحاسب التاكسي ،ومحمود بيركن العربيه مشيت مي من جنب عربيته وبتبص علي علبه الايس كريم الي في يد محمود وبتكلم نفسها الله ايس كريم ومن النوع الي بحبه 🤪🤪يا سلام..
محمود لاحظ عنين مي علي علبه الايس كريم ودخل العماره وهي ودخله محمود اتزحلق ووقع علبه الايس كريم وكل لبسه بقي ايس كريم.
محمود :ايه العين ديه رشقت صح كنتي قولي ماشاء الله !!
مي :انت بتكلمني انا ؟
محمود:بكلم خيالك الي قلبني وقلب الايس كريم .
مي بعصبيه:ليه يعني محرومه منه انا ذنبي ايه رجلك مخلعه ومش عارف تمشي عالجوا نفسكوا ومشيت ناحيه الاسنسير وركبته وطلعت لمرح .
محمود لنفسه انا اتهذقت بجد ،وسكت ايه ده طيب مش هسكت  للبت ديه دي عندها ٤٤لسان وقام وقف الله ديه نزلت دور حسن نبدء الانتقام.