قلوبنا مليانه لحظات وذكريات وخوف وحزن وفرح
ساعات كنا بنضحك فيها بشكل غريب،
ساعات كنا فيها بنبكي بشكل غريب.
ايام ظلمنا فيها وايام انظلمنا.
قصص مخبيه لانه مافي كلمات تعبر عنها.
مشاعر مخفيه او يمكن مدفونه.
جواتنا خير،وجواتنا شر.
السند الي دائما بنسند نفسنا فيه كان نحنا.
الاشخاص الي بحياتنا مجرد نسائم
في الي فرحنا معه ،وفي الي ما شفنا معه يوم فرح.
وفي الي مستغربين انه نسينا هيك .
وفي الي خان وتركنا بنص الطريق.
ذكريات الطفوله الي بتمر دائما بالبال مع حنين غريب.
ولحظات السكون الي شريط الحياه بمر فيها قدامنا باقل من ثانيه
بفرجيك كم عانيت وعديت وتركت كلشي سيء وراك ولسا عايش .
احلامك الي ماحد عارف عنها اي شيء ابدا
بس انت سعيد بمجرد امتلاكك لالها.
سعيك وراء حاجه انت عارف رح تتعب فيها لكنك سعيد بمجرد انك بتحاول.
الشخصيات الي جواتك ونفسك تحررها لكنك لسا مخبيها.
الافكار الي احيانا بتدمرك واحيانا بتخليك اقوى واقوى.
الشغلات الي بنحبها وبنفرح مجرد نشوفها.
وشغلات بتذكرنا بايام راحت وياريت ترجع.
وحاليا كلنا شايلين جبل همومنا وماشيين بنبرهن انه نحنا لسا بخير.
نحنا غريبين :بمشاعرنا،حياتنا،شخصياتنا.
نحنا غريبين ومتميزين .
نحنا بشر بنختلف بهمومنا بمشاكلنا بحياتنا بالاشياء الي بنفرح فيها بكل تفاصيلنا.
نحنا بشر بنحس، بنتعب،بنفرح،بنحزن،بننجح ،كلمه بتجيبنا وكلمه بتودينا...نحنا مو روبوتات،نحنا بشر.
#نحنا_بشر
#في_داخلي_احاديث
#زهره_نيسان
Mayar Maabreh
اخر بارت❤❤
أنت تقرأ
في داخلي احاديث😶
Non-Fictionلا اجد من يسمعني ولكن ان وجدت لا اتكلم لان بداخلي كبرياء قاتل سيتقلني في ذات يوم 😔 ابتسامتي الساخره دائما تقلب الحقيقه وتبرهن للجميع بانني بخير.لكنني الان ساخربش بكل ما اشعر به فهل من قارئ؟وهل من يعيش ويحمل الام مثلي؟
