في داخلي احاديث😶

مين انا؟

مين انا؟...ياما سألت حالي هاذا السؤال وكثيير بمر ببالي .....

من انا وصغيره بكره الغلط وبكره تفكير الناس الغريب ،والي بعيد عنا وعنكم متخلف😑

بما اني من مواليد ال٢٠٠٠ الي كل الدنيا بتحكي عنهم انهم جيل طايش ومو واعي وبيعملوا اشياء كثير غلط، واتربينا على هاذا المستوى التفكيري.
وطبعا كمجتمع متشدد لازم يدققو على كل حركه بيعملها اي شخص وياويله الي بغلط 😐.......
وطبعا نحنا كاطفال صغار ما بنعرف شي بالحياه كنا نقلدهم مثل الببغاء شو ما يعملوا ويحكوا بنعمل مثلهم.
اجدادنا واهالينا كلهم من مواليد الثمانينات والتسعينات والسبعينات....والتطور الكبير الي صار غيرلهم تفكيرهم ١٨٠ درجه.... ويتشدد تفكيرهم زياده عن اللزوم....وصارت العالم كلها بكف ومواليد ال٢٠٠٠بكف ثانيه .
وتغير الحال الي كانوا عايشين فيه قبل 😶كل واحد سكر على حالو باب بيته ما بيطلع ولا بيرجع✌.. وبطل في اشي اسمه صله رحم
صاروا نادرا ما يسلموا على بعض،، ويلتقوا بالصدفه بالمناسبات الكبيره...
وكميه البرود زادت بقلوبهم لدرجه كثير كبيره.
ونسبه المتقاعدين والعاطلين عن العمل زادت .......وما في لا شغله ولا عمله.....
زادت نسبه التعصب الفكري والتشدد على الاطفال وخصوصا الاناث..
ظهر عصر التكنولوجيا والهواتف الذكيه والانترنت وشبكه التواصل الاجتماعي الي خربت عقول الناس كلها....
في كثير منهم كان رافض فكره وجود هاي الشغله من الاساس بس مستحيل ام محمود تشوف جارتها وولادها معهم تلفونات وتسكت..
وضل موضوع الغيره ماشي لحتى صار الاطفال الي بعدهم حديث ولاده معهم تلفون وعنهم حسابات على مواقع التواصل.....
وزادت فكره انه نحنا جيل طايش وما بنفهم وما بنعرف شي بالحياه ولازمنا تربايه ومن هالحكي، وطبعا اذا ضليت تحكي لاسد اكثر من مره انت قطه رح يصدق انه قطه ويعمل مثل القطط.. وهيك هيك لحتى صار عنجد جيل ٢٠٠٠طايش وهمجي 😐😐
والتكنولوجيا الي فضلتوها على كثير اشياء قلبت الطاوله عليكم😑

خربت الدنيا والاخوان صاروا اعداء والاطفال فقدت براءتها والذكور بيعملو شو ما بدهم والاناث من كثر ما نشد الحبا عليهم انقطع وفقدوا السيطره على تربايتهم...

ومثل ما حكيت من قبل انه بابا مغترب وماما بس شافت الوضع هيك سحبتنا من هيك واقع وانعزلنا عن الكل✊صفينا راسنا من المشاكل الي عم بتصير بهالدنيا.

وتربينا احسن تربايه بعيد عن كل الناس وعن كل الي عم بصير لدرجه انه ما كنا نعرف لاي درجه من الانحطاط وصلولها.

ومر الوقت وصار لازم نطلع على العالم الخارجي لحتى نتعلم ونبني مستقبلنا ونحقق طموحاتنا واحلامنا.
الموضوع كان كثير سهل على اخواني واخواتي لانهم اصلا اكبر مني بكثير وبيعرفوا يتصرفوا ....لكن انا كنت صغيره ولساتني ببدايه حياتي😶
المرحله التمهيديه خلصت على خير وما كونت منها صداقات لانه فعليا ما حبيت تصرفاتهم ابدا وغير هيك كانو يتنمرو على شكلي بسبب الحادث الي صار معي.
قررت كون انطوائيه مع حياتي الخاصه على جنب بعيد عن كل الي عم بصير.😶
مشيت اول سنه ثاني سنه حسيت في شي غريب طيب انا ليش اكون انطوائيه خليني اصير مثلهم وامشي على خطاهم شو ما بيعملو انا اعمل وصرت اعمل مثلهم وكنت كثير سيئه ومتكبره وما بعرف شو.... المهم ما عجبني الموضوع كنت اكره تصرفاتي بشكل كبير طبعا كنت صف ثاني اساسي😐وحكيت لا ....لا والف لا مارح قلدهم ما بحب تصرفاتهم وفضلت انطوائيتي على ان اكون مثلهم....
تخرجوا اخواني واخواتي وانجزوا انجاز عظيم ✊
اخوي الكبير طبيب واخواتي واخوي الصغير مهندسين وما ضل غير انا بس طالبه مدرسه...
كنت احب اخوي الكبير بشكل مو طبيعي كان بالنسبه الي ابوي الثاني وبعتبره قدوه الي وكنت كثير احب دراسته وحسيت اني بحب مهنه الطب وصرت شوف حالي دكتوره مثل اخوي والله وصار عندي حلم وطموح اسعى وراه.
بلشت خطوه خطوه من الصفر والدرج طويييل قدامي لازم اطلعه لحتى وصل لطموحي وصرت كمل، اتعب، احقق، افشل مره وارجع وقف مره ثانيه؛ لاني بدي حقق طموحي 👍 ونسيت الناس ونسيت المجتمع ونسيت الوحده والانطوائيه الي كنت فيها وركزت على طموحي😃
انجزت كثير انجازات ووصلت لصف خامس اساسي وبوقتها تعرفت على صديقات وصرت امشي معهم... وهيك كانو تقريبا بيشبهوني.
مره على مره لحتى اكتشفت انه هضول نفسهم الي كانوا يتنمروا علي بالمرحله التمهيديه😃
سبحانه مغير الاحوال كيف هيك صار ومتى ما بعرف
طبعا ما كانو اكثر من خمسه بنات بس👍
وباقي زميلات الصف مابعرف ليش كانو يكرهوني لدرجه مو طبيعيه ما اخذت فيها وعادي يعني مو مأثرين علي .....
الا بوقت صارو يحطوني بمواقف ويوقعوني بمشاكل انا كنت ما بعرف عنها اشي كنت طفله مو فاهمه اشي من الحياه ممكن تحكو انه شو هالمشاكل الي ممكن تقعي فيها وانت صف خامس لا فعليا انا وقعت بمصايب مش طبيعيه يعني مره كسروا مقعد واتهموني فيه وكانوا رح يفصلوني من المدرسه بسببه وغيره كثير اشياء يعني شيطانيه ما بتخطر على بال اطفال😂
وما كنت احكي لحدا عنها واحل المشكله من اولها وما اكبرها وتنتهي القصه.....
مرقت السنه على خير والسنه الي بعدها صار في عندي صديقات اكثر واكثر ومو معاقين فكريا ابدا .ولكن كنا في هاي المرحله على شكل احزاب كل حزب اله افكاره المتخلفه: في الحزب الي اعوذ بالله منهم مستحيل اختلط فيهم والي مفكرين حالهم كبار وبيعملو اشياء غلط الكل هيك بحكي عنهم😐 وفي حزب المؤمنين الصالحين والي هو الحزب تبعي الب بعدنا على براءه زمان ،وفي حزب المكيودين والغيورين وهضول اللهم اكفني شرهم😶
كنت كثير فكر بالايام انه ليش هيك حالنا نحنا اطفال الي كانوا قبل مثلنا ما كانوا هيك ابدا كان اكبر همهم يتأخروا باللعب وما يدرسوا بكير😃
وبلشت افهم الي صار وافهم طبيعه الحياه الي نحنا عايشين فيها .....واشتغلت فيها المصلحه الاجتماعيه وبلشت اهدي البنات واخليهم يبعدوا عن افكارهم هاي ويرجعوا لبرائتهم ويصلوا ويلبسوا الحجاب وفعلا في كثير بنات اهتدوا ورجعوا الطريق الصحيح .
وصار الي شعبيتي بالمدرسه وكلهم صارو يعرفوا مين انا....😃 لكن في شي ناقص في حزب الي كنت مستحيل اختلط فيهم وحاولت كثير اتقرب منهم وفعلا تقربت منهم واختلطت فيهم وسمعتهم وفهمتهم وعرفت انه حياتهم مش طبيعيه وفيها كثير مشاكل حاولت صير رفيقتهم وانصحهم وفعلا ردوا على نصيحتي
ولكن الفكره الي كانوا ماخذينها عنهم ما تغيرت
وبعدوني عنهم وحكولي انه مو من مستواكي تحكي مع هيك اشكال
انا استغربت من الفكره ليش مو من مستواي شو بزيد عنهم انا😐

ومنعوني احكي معهم وخلص😃
انا ما كان عندي مشكله اتركهم اصلا مش هالصداقه القويه الي بيني وبينهم بس طريقه تفكيرهم قهرتني😑

عدت السنه على خير ودخلنا على السنه الي بعدها
سنه ثاني اعدادي طبعا دخلت مرحله الخطر والدراسه المشدده بالنهايه انا الي طموح😃 ومعروف عندنا انه سنه ثانيه وثالثه ورابعه اعدادي بتكون من اهم السنين👍✊

يتبع...........

**************************