Kahani Bangtan Bhawan ki

Shuruat kuch aisi....??

"...aap apne naariyal ke pedko apne paas rakhiye naa. Saare nariyal humare makaan ke upar hi attack kar rhe hai."

" humara ped aapko free main nariyal de raha hai uske to hum paise bhi nhi maangte par tum ho ki pedko katwaane pe tule hue ho."

"toh nahi chahiye na bhai . Lelo ye rakho "

"ye kya mere upar kyun phenk rhe ho? aa o maa save me.. Bhaago bhagwaan ye nhi to mar dalega"

"Kya jinu bhaiya phir sharma ji ke saath ladai karli?" Sneha boli.

"Chup kar sinu. Tujhe kya pata iss chhat pe kya bit rhi hai aur agar galti se  ye mere sundar face pe  gir gaya to kya hoga?"

" Bhaiya pehele to chhat apke face pe nhi sar pe girega. aur dusra face ka kya hoga chodo aapki zindagi ka kya hoga socho."

"chup rehe chipkali tu toh bas mujhse jalti hain."

Sneha apne mathe par haath rakhkar apne room main chali jaati hai. Tabhi jimin nicche se chillata hai " oh bc meri toothpaste kon le gaya?"

"chup kar o haramkhor, is ghar main ek bachi rehti hai." jin bhaiya volume ko loud speaker sa phadte hue bole

"oh acha thik hai phir. oh chachundaron meri pyaari closeup ki tube ko kon chura le gaya?"

tabhi yoongi bhaiya ki neend khul gayi aur wo apne slipper se stairs par tak tak tak tak ki awaaz karte hue niche utare. unki uljhi fizaon aur adh khuli akhon ke bawajud unki neend ki jo disruption hui thi, wo uska hisaab chukta karne aa rahe the. Yoongi bhaiya kuch bolte usse pehele hi jimin ke pasine chut rahe the. Yahan mahaul ek dum tense ho raha tha ki achanak taehyung ke kamre ka darwaza khula. "sahibaan meherbaan kadardaan isse pehele ki kuch aghatan ghatit ho main pesh karna chahunga.." tae bola aur side se ek speaker nikala "our yoongi ka favo rapper AGUSTD" aur phir agustd ka gaana bajta hai. Yoongi bhaiya ki ek ankh khulti hai aur dhere dhere duri bhi aur jaise hi gaana shuru hota hai unka dance chalu.

"Thank you besharam saale aaj tune bacha liya warna Rita widhwa ban jati."

"kon rita be?"

"are piche waali gali main rehti hai na wo rita . Meri girlfriend."

"saale parso to tu geeta ke saath date pe gaya tha. aur ab rita? kaise pat ti hai ye ladkiyan tujhse?"

"bhai dekh, ladkiyon ko main patata nhi wo apne aap pat jati hain. Mere jaisi adayein ho na to wo meneka aur rambha sisters bhi sharma jayen."

"abe ye log apsarayein thi gadhe sisters nhi."

"han to main kahan unhe natraj ki pencil bula raha hoon. Yaad nhi all indians are my.."

tabhi ek cheekh sab ke kano main sunai padti hai "KIS BURI AATMA NE MERE COMPUTER KA SCREEN TODA?" shri jungkook pubg khelne ke liye jab computer ke paas gaye to unhe is aghatan ka pata chala.

jo bhi aadmi jidhar bhi the wahin se saatve sur pe aawaz lagane lage "NAMJOON". bechare namjoon bhaiye bathroom main acha khasa baal set kar rahe the dar gaye. Bal set to huye nhi par jhaad zaroor ban gaye. "Sachi main yaar is baar to main room ke chaukhat pe hi khada tha. Pata nhi konse bhukamp ne screen fod di."

"Sinu plate laga de table pe" Jinu bhaiya bole.
"AAI bhaiya!" sinu upar apne kamre se naha dhoke nikli.Bangtan Bhawan main 3 floor the. groundfloor pe jimin taehyung aur jin bhaiya rehte the, 1st floor pe namjoon, yoongi aur jungkook bhaiya tatha sabse uchhatam floor pe sinu aur jhope ke rooms the. Aur uske upar  storeroom and chhat thi jispe humesha sharma ji ke nariyal ped se nariyal aakar girte the aur usi wajah se ghar main roz mahabharat hoti thi. sinu college ke liye taiyaar hokar hobi ke darwaze ke paas jakar khadi ho gayi. Darwaze pe kaan laga ke sunne ki koshish ki. " Ma abhi kaisi condition hai papa ki?...acha aur didi ka interview kaisa gaya?....hmm main thik hoon...kitne chhahiye?... acha main dekhta hun...han aap chinta mat karo ... main agle mahine aaunga... nhi direct hospital aa jaunga tum chinta mat karo... hobi is there ok? han ..."
Sinu ne apni peeth seedhi ki. bansi sir se baat karni padegi. apne man main sochte sochte sinu niche aai.
"Lo table laga nhi ki bhukkad khane aa gaye."
"oye bhukkad kise bola?"
"ab aa hi gaye ho to khud plate leke baith jao."
"sinu jimin bhaiya ko sorry bolo." jinu bhaiya bole
"jimin bhaiya.."
"aaaa mummy dard ...aaa" jimin apni chhati ko pakkad kar zor se chekha.
"kya hua bestie?" Tae bola out of concern.
"sinu, bhaiya mat bula. It hurts yaar." jimin bola aur gift main usse sar par ek tapli mili jinu bhaiya se.
"chup kar. jab dekho line marta phirta hai."
"jinu bhaiya main hobi sir ko bulake lati hun wo niche aaye nhi."
"ok jaa." jinu bhiya ne upma parosna shuru kiya.
"waise jinu bhaiya ye ladki aise to hum sabko bhaiya bhaiya bulati firti hai phir hobi ko sir kyun?" namjoon bhaiya bole.
"Han aur usne last rakshabandhan ko use rakhi b nhi bandhi thi." Jimin ne support kiya statement ko.
"Par wo to isliye na kyunki wo ek mahine ke liye ghar gaya tha. Yahan hota to jinu bhiya rakhi nhi bandhwa dete usse. upar se wo akeli ladki hai is pure bangtan bhawan main." Yoongi bhaiya upma chabate hue bole.
"oye ye ghar humara hai aur tum yahan pe kiraye pe rehte ho thik hai. Meri behen ke baare main aise waise sochna b nhi." jinu bhaiya super sonic ultra pro max voice nikalte hue chilaye.
"han to thik hai na hum thodi uske baare main adang sadang kuch bol rahe hain. par mujhe lagta hai ki ....um bas lagta hai thik hai no other intentions....ki use humare hobi pe crush hai" Jungkook bhai bol pade.
"han aur usse bhaiya na bulana? uska kya?" jimin ne aag main ghee add kar diya.
"wo isliye kyunki jab sinu 8th main thi to hobi usko tuition padhaya karta tha. tabse wo usse sir hi bulati hai." jinu bhaiya ne misunderstanding ka safaya kiya.
yahan in logon ki charcha chal rahi thi aur udhar sinu hobi ke darwaze ke bahar khadi thi.
"Hobi sir niche aa jaiye khana lag gaya."
band darwaza khula aur andar se hobi nikla. "chalo main aata hun ."
"ji sir" sinu wahin khadi rhi aur hobi ko room ka darwaza lock karte huye dekhti rahi.
"jaana nhi hai?" hobi sir bole ek smile dete hue.
"...han han wo mere room main kuch chut gaya tha main lene jaa rhi thi. aap chaliye."
"hmm ok main niche jaa raha hun phir."ye kehkar hobi sir niche gaye. sinu ne ek chain ki sans li.
"uff gaye... chalo now back to work." apne jeans ki pocket se ek chhabi nikalkar use tala khola aur andar gayi. Andar zyada kuch tha nhi bas ek wardrobe , do books ke liye rack aur ek study table. Sinu ko jo chahiye tha wo wahin table pe pada tha. sir ka piggy bank. use apne dusri pocket se dher saare sau dosau aur panchsau ke note nikal kar piggy bank main bhar diye. Phir chupke se darwaza  lock karke niche pahunch gayi khane ke liye.
"Mission accomplished." sinu ek badi si smile dete hue upma ko khane lagi.

So this it for today. Main ye wala same day pe publish kar rahi hun taki you can enjoy it a bit.I know its a little short but I have exams every two weeks 😭😭😭 Aur bhaiyon and beheno kahani achi lagi ki nhi batana jarur. Milte hain phir kabhi , tab tak ke liye tata and bye bye. O(∩_∩)O😘😘😘😘 Saranghae💜💜💜