Kahani Bangtan Bhawan ki

Introducing our desi boyz

So brothers and sisters, aapke samaksh pesh kiye jaate hain mere kahani ke saat anmol ratan , the one and only gang of our desi boyz , sabke dilon ko churane wale chor - BTS!!!

Sarvapratham, the gang leader humare no 1 desi boy Namjoon sahab.

Inka sampoorn naam Sri Kim Namjoon hai. Bachpan se hi padhai main awal aur 148 IQ wale. inki yaha visheshta hai ki inke haaton main koi bhi cheez 'do pal' se zyaada tikti nahin. Inki maa ke ye ankh ke tare nahin balab (bulb in desi english ) hain. Inko kabhi bhi extra padhai karni hi nhi padi. Dekho aisa hai ki kambakt padhai bhi inki fan hai aur inke peeche bhagti rehti hai. Hehe he is the smart boy.

Dwitya no. pe hain maharaj Kim Seokjin Jinhe hum Jin kahete hain. Inki story bhi bahut leJINdary hai. Inki maa ko pehle ek beti chahiye thi lekin kismet main nhi tha isliye inhone apne beti ke shauk ko Jin par hi azmaya. Halanki jab 6 yrs ke jin ji apne nani ke yahan ruk gaye the tab inhone apni khwahish puri karli .  Inki behen ke baare main hum aage charcha karenge. Aur ek bahut important quality hai inki jo hai ki saari auntiyon ka ye ek lauta laadla ladka hai. Inke haath ke khaane ka to jawaab hi nhi. 

trutiya sthan pe hain Yoongle baba. Inke papa police main hain aur isiliye inhe police bilkul pasand nhi. Ye sahaab engineering to karte hain par pyaar inhe sone se hai ( sleep wala sona bhi aur gold wala sona bhi ).Aur ek aur badi baat jab inki satak jati hai to wo age piche nhi dekhte sidha maarne lagte hain chahe wo ladka ho ya ladki. Waise to ladka acha hi hai bas thoda zyada hi savage hai.

Ab aate hain humare hobi shree. Ye humesha apne room ke andar hi rehte hain. Inke papa teacher hain aur mummy bhi. Inke baare main ek secret bata doon. Ye Kavya naam ki ladki se andha pyaar karte hain arthat na unhone kabhi usko dekha hai na kabhi uski aawaz suni hai par us ladki ki kavita padh ke hi man hi man inke ladoo futne lagte hain.

Next hai Jimin ji . Ye hai international playboy (Sorry JK). Inke record hai 1 month main 3 gf minimum zaroor hone ka. bhai dil se ekdum sweetu hai aur jism se cutie, sexy and lovely. Badkismati inki ye hai ki maa inki jab ye chote the tabhi chal basi. Phir papa ne dusri shaadi karli par par par inki sauteli maa inka bahut khyal rakhti hain aur bahut pyaar karti hain. 

Aur ek dhuadhar dhamekedaar entry ke saath aaye taehyung ji. Hain to ye acting ka keeda par padhai main pura dheela. Bahut muskil ke baad engineering ki par ye janab acting ke auditions main bina bataye tapak jaate hain.Inki favourite actress hain Miss Jennifer Paul. Jennifer ji hain to inki hi age ki par bachpan se hi acting karti hain aur papa bhi inke director hain.

Aur last but not the least hain cute bunny Jungkook. Ye sahab all rounder hain. Matlab inke baare main kya kahun main to pagla chuki. Bas 1 saal hua hain inhe college main aur senior logon ki to waat hi laga daali hain inhone. Kintu parantu apeetu inki ek bahut badi problem hai aur wo hai Ladkiyan. Jab janab 5th main the tab Riya naam ki ladki pe inhe crush aaya par riya ne inke crush ko literaaly crush kar diya. Is rejection ke baad jab bhi inhone ladkiyon ko dekha tab aise bhaage jaise safed bhut dekh liya ya kisi daayan ko nagin dance karte hue dekh liya. 

Aur ab baari hain humari mahila mandal ki

Krishna- Ladki ye ekdum sanskaari hai. Papa ki pari par darti bhi unhi se hai. Aur inki ek bua ji hain jo inko humesha taunt marti rehti hai '...aur beta shadi kab kar rahi ho?' Pehele kuch baar toh inhe bahut bura laga phir aadat si ho gayi. Aur kuch dino se to ye unhe jawab dene b lag gayi 'bua ji jab apka beta 12 pass ho jayega tab. Kya hai na shaadi main saara kaam b wohi karega na.' Kyunki basically bua ji ka beta 12 kabhi pass hoga hi nhi.

Taniya- Ye kathak dance main pro hai. Khanna banana to aata nhi par baatein achi achi bana leti hain. Inki maa toh pereshan hi ho gayi hain inse. ' Kuch kaam seekh le warna ghar kaise chalayegi?' jab maa aisa bole to apni feministic approach se bolti hain ' main kyun ? wo karega kaam saare. Main to Queen hun pair pasar ke sofe pe padi rahungi.'

CV- Papa inke kisi zamaane main gunde the. Ye pyaari hain par ragging ki rani hain . Sach bataun to pure nariyal ki tarah hai bahar se sakht aur andar se narm. Aur anger issues hain inko. Maa inki humesha isko dantti rehti hai. Par kaan main inki to ju tak na rengti.

Sneha- Ye hain seokjin ki behen . Sab inse bahut pyaar karte hain par inke romance main bhaag phute hue hain. Jab 11th main thi tab inko Sooraj naam ke ladke se pyaar ho gaya par usne inki best friend Siya ko confess kardiya. Dard to hua par inhone sacrifice kardi apne pyaar ko dost ke liye. Ab ye medical college pe focus kar rhi hain. Talent ki kami nhi par ye bahut jaldi senti ho jaati hain. 

Aashiyana- Agar jimin International playboy hai toh ye international playgirl hai. Lucknawi nawab ki beti hain ye. Saral hain par circle jaise bahut ghumati hai. Inko roz raatko nikah ke sapne aate hain par allah kabhi inhe inke sauhar ke thobde ko dekhne hi nhi dete. Jaise hi muh dekhne ki baari aati hain ammi niche se chillane lagti hai 'Aashi uth jaiye nhi to late ho jayengi.'

Jessica- Introvert Introvert Introvert. ek secret batati hun inke baare main ye Miss Jenny Paul hain par without makeup and with chasma. Waise toh sundar hain par jab bhi bahar jaana ho aur attention ko avoid karna ho to ye thobde pe thoda dark wala foundation pot deti hain. bas perfect.

Swara- Ye dance aur Music class leti hain  aur I mean it ye hain to 24 par 18 ki dikhti hain. Movies aur music videos ke liye ye dance choreograph karti hain aur inke youtube channel pe music covers karti hain. Maa aur papa inke delhi main rehte hain par ye mumbai main apne chote bhai ke saath rehti hain.

That's it for today. I hope you guys will like it. And han my updates will be very slow. I am very lazy you know. Love you guys. Saranghae 🥰🥰🥰🥰. Please stay tuned.