Kahani Bangtan Bhawan ki

Sadmon ka sadma

Jinu bhaiya the ek prakar ke sadme main. Ab aap puchoge kyun, to kyunki sinu ke drame ke baad unhe apni kartut ki yaad achanak se aa gayi. Roopsundari ki khubsurti unke antar man main tak dhina dhin kar rahi thi. Office main unki body to thi par dimaag chat pe dol raha tha. Is sab idhar udhar main unko uss sundari ki rosy lips ki yaad aa gayi.

" Are seokjin, tumhari tabiyat thik nhi hai kya? Gaal lal ho rakhe hain tumhare. Kahin baarish waarish main nhi na phas gaye the tum? " Jin bhaiya ke senior collegue Mr Rupak Jain bole.

" Nhi wo Kal baarish main kapde utaarte hue thoda bhig gaya tha sir." Bhaiya ne apne gaalon ko chupate hue bola.

" Haaye haaye... ek kaam karo aaj tum half day karke ghar Chale jao. Tumhare boss toh waise bhi chuti pe hain. Main approve karwa dunga."

Jinu bhaiya kuch bole nhi par unhe us ladki ki shehed si meethi awaz yaad aa gayi..... Kal yahin isi waqt...

Haye raam ab nhi raha jayega is prani se. Usse Milne padega mujhko. Meri ticket to katt gayi.

Jinu bhaiya half day lekar sidha ghar bhag aaye. Idhar Jimin muh latkaaye Maria se breakup karne ke baad apne kamre ke andar pada tha aur udhar taehyung phirse college ki chutti maarke audition dene ke liye nikal raha tha.

Taehyung gaya audition dene aur bhaiya bhage chat ki aur. Meeting ke liye abhi bahut time tha par bhaiya se shabar Hota kahan hai. Chat pe chair Tika ke roopsundari ki raah taakne lage.

Ye Monday to usual Monday se b zyada busy hai re. Saare bangtan bhavan ke niwaasi kahin na kahin bhag Rahe hain. Bechare mere bas ek yoongi bhaiya aur shri namjoon hi apna usual Monday bita Rahe the , warna yahan toh kisiki zindagi main aag lagi padi thi phir koi aur dusre ki zindagi ki aag bujha raha tha. Very problematic.

Thik sham ke baje sadhe panch aur baju waali chat se phatak khulne ki aayi awaz. Bhaiya ki ankhein Jo jolt marke us disha main ghumi hain wo toh bas bhagwaan hi jaane.

Par ye figure to correct nhi lag raha. Ek din main figure badal diya kya? Roopsundari ki Patli qamar gayi kahan? ye itna bada pet kahan se nikla hai? Is jhatke se bhaiya ne apni ankhein upar uthayin aur dekha...

" SHARMA JI AAP ????!??"

" Are tum itna zor se kyun chikh Rahe ho. Main hi toh hun koi saanp thodi." Ye keheke Sharma ji ne muh banaya. Mundi hila ke wo phir bole "Tum aise yahan kyun baithe ho? Ab kisse ladai karni hai tumhe? "

Jinu bhaiya ko jis hisaab ka jhatka laga tha wo to shayad thor b na seh paata. Excitement-Excitement main bhaiya bhul hi gaye the ki ye chat thi toh sharma ji ki hi. Phir wo ladki thi koun? Nhi nhi sharma ji ke ghar pe kiraayedar hogi paka. Aise insaan ki itni sundar beti? Hah main manunga hi nahi.

"Are Tani tu yahan kya kar rhi hai. Chat gila hai. Fisal jayegi. Jaa andar jaa."

" Haan... wo ...wo mummy bula rahi thi aapko han wo kuch dawa...dawai lene."

" Acha? Thik hai . Tu phatak band karke aa, main Jaata hun. Jaldi aaiyo."

Jinu bhaiya ke hosh udd gaye. Ye roopsundari aur sharma ji ka kya rishta hai?

Dhoom ta dhoom tana dhere na dhim tana dhoom ta dhoom tana dhere na dim tana aaaaaaaaaaaa
[ insert saath nibhana saathiya wala epic sound track]

" Tu .... Tu....Tu ..." bhaiya ke khayal sabse worst scenario imagine kar rhe the.
" Galat. Gaane ki rhythm thik nhi hai. Dekho aise hai 🎵🎵 tu...tu...tu...tu meri...ri...ri main Tera...ra..hone laga🎵🎵 "

" TU SHARMA JI KI BETI HAI ??????"

" Haan. Kyun kya hua ?"

" Apradh ghor apradh. Ye adharm hai adharm. Ye paap hai. Aisa nhi hona chahiye."

" hein ? Ye mahabharat ki line kyun bol Rahe ho ? "

Par jinu bhaiya ko toh sadmon ka sadma laga tha. Is anyaya ko jhelne ki kabiliyat unme nhi thi isliye weh shigra ati shigra us sthan se palayan kar jaate hain.

Bechari sharma ji ki beti miss Taniya ko ghanta samajh main aaya ki hua kya. So ye apni khopdi pe jor daalte hue sochne lagi ki ye kaisi paristhiti thi aur ye mahabharat kahan se unke beech aa gayi. Zindagi kabhi iss se zyada complicated ho hi nhi sakti meri. Yehi sochte sochte Taniya b phatak band karke ghar ke andar wapis Chali gayi.

Taehyung audition dekar theatre se nikla. As usual uska selection hua nhi. Theatre wale auditions ke criteria zyadatar bollywood roles waale audition se alag hote the. Par taehyung babu dono main se kabhi bhi kisi bhi audition main pass nhi ho paaye especially because bollywood ke roles ke liye audition dena selected logon ko hi allowed hota hai.

"Bas Acting ka keeda hone se kuch nhi hota. Aap trained professional nhi hain. We need something more out of the actor. Apki methodology ek Dum thik nhi hai. Aap please Sikh ke aayen." Yehi kehke reject kardiya taehyung bhaiya ko.

Taehyung wapis bangtan bhavan main pahunche. Darwaza khola namjoon bhaiya ne Jo kamre se niche aaye the tv dekhne.

" Mood off kyun? Kya hua ? "

" Kya hi hoga namjoon bhaiya. Phir reject kardiya."

" Koi baat nhi. Par college ki chutti maarke Har baar mat jaaya kar. Attendance ki shortage ho jayegi."

" kya bhaiya aap bhi na aate hi bade shubh shabdon se swagat kardiya." Taehyung sarcastically bola.

" Tannie!!! Yeontan!!!"

" woof woof." Yeontan sofe ke niche se nikla.

" Ye sofe ke niche kar kya raha tha?" Namjoon bhaiya ne pucha.

" Ab ye toh aap usi se pucho. Tannie bacha chalo tumhe dog park ghuma laata hun."

" Jaldi aana wapis."

Taehyung ne namjoon bhai ko bye bye ki aur dog park aa gaye.

Dog park baarish main keechad se bhara hua tha. Taehyung ne tannie ko niche rakha aur bench pe baith gaya. Mood to off tha par tannie ko khelte hue dekhke thoda acha laga use. Tabhi uske phone pe notification aayi. Taehyung ne use khola toh message aaya tha.

" We are sorry to inform you that you have not been selected for round 2 auditions. Thank you for your participation."

Taehyung ko chadha gussa aur usne uss message ko kiya delete. Phone ko wapis apne Jeb main usne daala. Aur phir usne ankhein daudayin saamne. Yeontan tha gayab. Usne Charo taraf dekha aur jhadiyon main bhi dhundha par yeontan ka koi namon Nishan nhi tha.

" TANNIE ??? YEONTAN ??? "

Akhir yeontan gaya kahan???

Aaj ka episode yahin tak tha. Toh ab aapko kya lagta hai kya hoga ? Jinu bhaiya ki roopsundari toh nikli sharma ji ki beti aur taehyung ne kho diya yeontan ko ?? Aise gazab gazab cliff hangers bas isi kahani main milenge aapko. So stay tuned. 😌😌😌