Monday ki subah thi. Sinu har monday ki tarah uthkar apne kaam main busy thi . Bas aaj subah se usne hobi bhaiya ka mukhda nhi dekha tha. Yun toh har subah Hobi bhaiya use unke floor ke bathroom ke samaksh daant ghaste hue milte the but aaj usne unki ek jhalak toh chodo parchayi ko bhi nhi dekha.
Aisi bhi kya baat hai ki aaj unhone good morning tak nhi bola mujhe? Badi ajeeb si baat hai.
Sinu naha dhoke hobi bhaiya ke room ke nikat mandra rahi thi tabhi piche se usko kisine bulaya.
"Sinu aaj mere saath chal main tujhe bahar breakfast khilane le chalta hun. Ye awaz thi JK ki.
"Tu? aur breakfast ? kya hua kya hai tujhe aaj? "
"Chal na..... tujhse kuch urgent baat karni hai."
"Are wo sab to thik hai par ye hobi sir kidhar gaye hain kya subah subah ? unke darshan nhi hue."
"Han wo.... Wo apne ghar jaane ki ticket katwaane gaye hain."
"Acha? thik hai phir...chal phir ... par Jinu bhaiya ko toh bol dun main.."
"uske baare main mat chinta kar. Wo main unhe bol chuka ..tu chal toh sahi."
"thik phir . Chal."
Bechari Sinu . Usko lagne wala tha hazaar volt ka jhatka. chalo koi baat nhi kal ke drame ke baare main jab tak wo sunti hai tab tak hum Jimin ji ki khabar lete hain.
Jimin bhaiya ki is month ki chauthi gf , Maria , apne college ke bahar khadi thi. Shree meena bai college ke bade se sign plate ke niche khadi thi wo aur uski doston ki toli.
"Are yaar humari ammi ki kasam bas ek kadam dur the hum apne shohar ki shakal dekhne se. Are nhi sahi main . Par phir chuk gaye."
"Aashi tumna agli bar usko parde ke niche se dekh lena."
"Nhi yaar wo humne pichle hafte try kiya tha par parde ke niche se not possible."
"phir upar se hi try karlena." Tina boli.
"Are.. Dekho......dekho wo aa gaya..." Maria ki ankhein chamkne lagin.
"kon kidhar kahan ? "
"Are yaar tum dono bhi na...us bargad ke niche bike leke khada hai. Dekho udhar."
"Are ye toh bada hot hai yaar. Teri toh lottery hi lag gayi Maria. Zara puchna toh usse koi dost wost mere liye ho toh "
"thik hai thik hai... dekh dekh lal tapak rahi hai tere muh se ... band karde warna makhi chod puri beehive hi ghus jayegi usme."
"Le kar diya izzat ka kabada."Tina ne apne gal phulate hue bola.
"izzat? ehhh? izzat thi tumhari ?"Aashi boli aur teeno bade zor se hasne lagi.
"hahaha very funny ... ab jaa warna kahin aashi ki nazar attak gayi us launde pe toh tere sapne churr churr ho jayenge."
"Le ye kya baat hui ? hum apne doston ke bando par ankh nhi daalte. Tum jaao Maria , Hum isko zara kone main sidha karke aate hain."
Maria phir dheere dheere matkti huyi jimin ke paas aakar khadi ho jati hai. Apne baalon ko set karne ke kriya main magan Jimin ne Maria ko aate huye dekha hi nhi.
"Bolo koun?"Maria ne apne haathon se Jimin ki ankhon ko band karte hue pucha.
"Duniya ki sabse khubsurat ladki aur koun." ye kehe kar Jimin ne uske haathon ko halke se apne ankhon par se uthaya aur usko tadne laga.
"Hat pagle..... main itni bhi khubsurat nhi.....ab chalo warna koi dekh lega hume."
Jimin use apni bike pe bithakar leke aaya sidha kalu prasad ki dukaan par.
YOU ARE READING
Kahani Bangtan Bhawan ki
FanfictionA crazy fanfic by me. It has a little masala , a little crackheadness , tonnes of laughter and infinite desi dhamaka. Bts in the daily indian life - how is it going to be? Are up for this indian drama? cover by-Dippy08, @Dippy08 thanks for the amaz...
