كرونيك هباال❤❤
تشمل الكبرياء و الغرور في صراع داخل نار العشق تحتوي على الظلم💔 ، الإغتصاب ، (الإنحراف🔞🔞) السلطة ، التكبر ، الحب, ♥️ كره ، إنتقام ، جنون...
بلهجة تونسية🇹🇳🇹🇳
شكون اللي ما تتمناش تحمل قطعة في داخلها من حب حياتها
انها تجيب ثمرت حبها تملى علاها حياتها و تنورها
مالصباح و هي مسكرة على روحها البيت مخها باش يترشق مالتخمام نهار كامل و هي تخمم و ما لقات حتى حل خايفة لا ترفض و تحكي الى امها ، انو عرسهم على الورقة اكهو و مزال ماصار بيناتهم شيء و الخبر يقلقها و ترجع تمرض خاصة بعد ما تفكرت كلام الطبيب و من هارون لا يتغشش منها و يرجع يعذبها و يحملها هي المسؤولية و في نفس الوقت خايفة هي تقبل و هارون يرفض وقتها تحس انو كبريائها تمس ... لين خذاتها عينها و رقدت
في الشركة و بالتحديد في غرفة الاجتماعات
امير : ايا صاحبي نخرجو نفترو البرة
هارون : سيب علينا هانا قاعدين
امير : منيش نستنى فيك باش توافق ، خارجين خارجين و زيد الفطور على حسابك بعد المناقصة اللي ربحناها ههه
بلاصة كالم ما تشوف كان الطبيعة و تسمع كان صوت موج البحر هذي بلاصة ابطالنا اللي تعودو يفطرو فاها و ما تحلى القعدة عندهم كان غادي
بعد الفطور و الضحكو و الجو قررو يهبطو يتمشاو على البحر ..
امير : هارون عندي ما نحكيلك
هارون : نشالله خير
امير : انا نعرف اللي انت ما تحبش قمر و اللي انت عرست باها في خاطر امك و بوك و انك باش طلقها على قريب ، انا و قمر صحاب و انتيم صحيح اما الحاجة اللي ما تعرفهاش اللي انا نحب قمر نعشق كل حاجة باها برائتها ضحكتها غشها تخرنينها حتى طريقة كلامها و ماكلتها ، كان تنجم طلقها في اقرب وقت نحب نتقدملها و نكمل ..
مزال ما كملش و تجيه بونية في وجهو لين طاح
هارون يحكي و يصيح : ما تحشمش تحكي على مرت صاحبك ، خوك راني .. فيبالي بيك راجل تصون الامانة و ثقت فيك و خليتك تتقرب منها و تكون صديقها خوها اللي يسمعها خاطر انا ما تحكيلي شئ على الاقل تلقى شكون يفهمها ، ياخي حتيط عينك علاها يا خسارت العشرة اللي بيناتنا و هز روحو و مشى النار شاعلة فيه كان يلقى الارض تتشق و تبلعو و لا يسمع صاحبو يحب يعرس بمرتو و بالنسبة الى امير نفس الشعور يتمنى تتشق الارض و تبلعو على انو يخسر عشير عمرو و في نفس الوقت مصدوم من ردة فعل هارون اخر حاجة كان يتوقعها انو هارون ئغير على قمر و بالنسبة ليه خط احمر..
يسوق بطريقة جنونية العصب يهز فيه و يحط مش مصدق الي صار من قبيل قريب يهبل يضرب في الفولون بايديه و يعيط الغش ماكنوا من ساسوا الراسوا الجنون دائرة بيه آخر حاجة كان يتوقعها حاجة مكانش عامللها حساب جملا انوا صاحبوا عشير عمروا يخونوا بالطريقة هذي و يطلب منوا حاجة كيما هاكا كيفاش تجرأ و عملها مهاه كيفاش ماهوش فاهم بكل رقعة و عين صحيحة يحب ياخذلوا مرتوا صغرونتوا قمر بالنسبة ليه خط أحمر عشقوا لها تخطى المعروف
مستحيل يسلم فاها و لا يخلاها تبعد عليه مستحيل راجل غيروا يقربها
كيفاش خمم كيفاش خمم باش ياخذها منوا كيفاش .....
دخل للدار الجنون داير بيه ديراكت دخل للبيتوا ..
المنظر الي قداموا خلاه يتكبس بكل للحظة نسا غش و نسا كل شئ عينيه ديراكت مشات لها يغزرلها كيفاش راقدة بكل براءة عيناها المسكرين و فمها الصغرون كيفاش محلول شوية ساقاها الشمعة العريانين قداموا و صدرها و كرشها الباينين مالتوب كانت لابسة شورت و توب في الروز مضهرينالها كل تفاصيل انوثتها قرب منها منغير رادة طبع بوسات خفاف على وجها يغزرلها يتأمل فاها سارح مع جمالها بدأت تتململ شتفيق حلت عيناها لقاتوا قدامها لاصقها تغزرلوا عينيه حمر لكن عكس غزرتوا لها كلها حب و حنية و شهوة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قمر: (بصوت مغشغش بالنوم) هارون!
ديراكت حط صبعوا فوق شفايقها يسكت فاها حست بحرارة صبعوا على شفايفها كيف الكورو ضربها
هارون: شششش
زاد قرب منها حشا راسوا في صدرها و غمض عينيه يستنشق في رائحتها هز ايدها حطها على شعروا قمر فهمت قصدوا و خلاتوا قعدت تعدي في صوابعها على شعروا بكل رقة و هي زادة مستحلية قربوا لها كانت حاسة تاعب و مهموم مش فاهمة شبيه و علاها حالتوا هكا أما باين بيه حاجة
قاعدوا مدة كاك لين خذاتهم عينهم الزوز رقدوا و مستحلين نومتهم الزوز و مرتاحين 💛💛
