كرونيك هباال❤❤
تشمل الكبرياء و الغرور في صراع داخل نار العشق تحتوي على الظلم💔 ، الإغتصاب ، (الإنحراف🔞🔞) السلطة ، التكبر ، الحب, ♥️ كره ، إنتقام ، جنون...
بلهجة تونسية🇹🇳🇹🇳
قمر كانت قاعدة في بينها سارحة تخمم لين تسمع في عياط هارون تفجعت هبطت تجري تشوف شفما تغزرلوا شاد في ايدوا التلفون و يرعش وجهوا مقلوب قدمت منوا تسأل فيه
قمر: هارون شفما شبيك
هارون : .........
قمر: هارون امانك جاوبني شبيك شصار
هارون : امي يا قمر امي
قمر:(بفجعة) شباها امي فضيلة !!!!
هارون: جاتها جلطة هازوها للسبيطار
قمر: أي خلينا نمشيولها هارون فيق شبيك ياخي!!
هارون: أي اي خلينا نمشيوا
......
خرجوا يجريوا مالدار ديراكسون للسبيطار بالفجعة حتى دبشهم مبدلوشي جيست لابسين كبابط مالفوق و هارون الكياس حارقوا بالجري و قمر تغزرلوا و تحاول تهدئ فيه و زوز اصلا مفجوعين علاها في حالة
وصلوا للسبيطار ديراكت دخلوا يتجاراوا سئلوا في الريسبسيون علاها في أنا طاق و طلعوا يجريوا قابلهم سي شوقي قاعد على الكرسي وجهوا ميتفسرش داخل بعضوا قدم منوا هارون يجري
هارون: بابا شباها امي شصارلها
شوقي: يحكي بغصة و الله منعرف دخلت للبيت لقيتها طايحة في القاعة دايخة ديراكت جبتها للسبيطار
يضرب في ايديه على الحيط و العصب يهز فيه و يحط فكرة انوا يخسر اموا جننتوا قربت منوا قمر حطت ايداها على كتافاتوا بكل حنانة و تكلمت
قمر: هارون عيشك اهدئ امي فضيلة شتقوم لاباس متخافش
مخممش مرتين و ترمى في حضنها يبكي كي الطفل الصغير و هي معاكستوش كان قلبها محروق عليه و لا حالتوا حملتوا بكل جهدها لين حستوا هدأ جبدتوا قعدتوا على الكرسي و قعدت بجنبوا مكانش حابها تبعد عليه. هزلها إيداها و تكى راسوا فوق حجرها و حطلها ايداها فوق راسوا فهمت قصدوا و قعدت تعدي في إيداها على شعروا بكل حنية
..شويا و خرج الطبيب من غرفة مدام فضيلة ديراكت هارون و سي شوقي مشاولوا يجريوا و قمر معاهم
هارون: دكتور شنحوال امي لاباس؟؟
الطبيب: الحمد لله سي هارون اهدئ لاباس شويا و تفيق متخافوش علاها
سي شوقي: دكتور شباها مرتي شصابها!!
الطبيب: جاتها جلطة خفيفة و سطرها ربي لاباس خرجت منها لزمكم تحافظوا علاها و تسايسوها و تبعدوها على الغش و الستراس
سي شوقي: أما هي متغشتش جملا كيفاه صار هذا
الطبيب: أي عادي ينجم يكون ستراس قديم رجع علاها تو المفيد انتوما معادش تغشوها و تعبوها سي نو كان تصيرلها جلطة أخرى نضمنلكش شنوا ينجم يصيرلها
هارون: نجم ندخل نشوفها
الطبيب: وي اما مطوالش متعبهاش و الحمدلله على سلامتها مرة اخرى
.........
دخلوا اللكل طمنوا علاها و تعدات ساعات مدام فضيلة بدأت تفيق فرحتهم كانت متتوصفش شوقي كان يرعش علاها رعيش و هارون و قمر مسيبوهاش لحظة و هما يبوسوا فاها فضيلة شافتهم كاك فرحت و عيناها دمعت بعد نهارين خرجت مالسبيطار روحوا باها للدار و هارون و قمر جابوا دبشهم و قاعدوا بش يعديوا أيامات حذاهم منهم يزيدوا يطمنوا علاها و منهم باش مايرفضولهاش طلبها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
