❤🥀في عاصفة الحب🥀❤

الحلقة 8 💗😍

باااااك..

تعداو سوايع و قمر مازالت في غيبوبة مقامتش

مادام فضيلة و سي شوقي مفارقوهاش حتى لحظة خائفين علاها و مش فاهمين شنو الي صار يستناو فاها وقتاش تفيق بش يستفسروا منها الحكاية و الي خلاها توصل للحالة هذي بعد مرفض هارون انوا يجاوبهم على سؤالهم .." شنو الي صار حتى لين توصل قمر تدخل في هستيريا وقت الي شافتك " و قرر انو ينسحب

.....

عند هارون كيما كل مرة تصير مصيبة يهرب عند صاحبوا امير في بلاصة العادة في البار يشرب ورا الكاس مخو تحرق بالتخمام مكانش يتصور انوا باش يجي نهار و يتواجه مع غلطة من غلطاتو الي مكانتلوش لا عالبال و لا عالخاتر

انوا باش يدور الزمان و يعاود يجمعوا باها و الغريب في الحكاية انوا جمعوا باها في دارهم وسط اموا و بوه {{ و هذا ما يسمى بالقدر }}

..

امير:  صاحبي كيفاه تو؟

هارون :  مش عارف و مصيبة و مقريتلهاش حسابها

امير: متخافش بوس كيما فضيناها قبل نفضوها تو

هارون: (بعدما كسر الكاس في ايدوا مالغزول و يمكن مالخوف زادا من اموا و بوه و حيرتوا شنوا شيكون قرار بوه) هات اعطيني شنو الحل الي تحكي بيه خمم بيه شنوا الحل معايا اصاحبي راهو تحشالي

امير: ارميلها تفتوفة فلوس سكرلها باها فمها و طردها مالدار

هارون: زعما تقول أنتي تسلك هكا

(هما كاك و تلفون هارون يناقز )
...
عند قمر

ترمش في عيناها تحس فيهم رزان تحب تقوم و متنجمش بدنها مهدود

شافتها مدام فضيلة بدأت تتحرك مشاتلها تجري

مدام فضيلة: بنتي قمر لاباس

قمر تخزر مزالت مش فاهمة شئ

فضيلة: قمر عيش بنتي جاوبني طمني عليك أنا و بوك شوقي متحيرين عليك بارشا

ترمات في حضنها تبكي بالشهقة  و غارسة راسها في صدرها و تقول

قمر: هو يا امي هو رجع باش  يدمرلي حياتي متخلينيش عيشك خائفة خبيني عندك

فضيلة و شوقي يسمعوا و مهمش مصدقين صحيح ولدهم يعرف بنات و يخرج و يسهر أما مش لدرجة يغتصب طفلة بريئة و زوالية و يدمرلها حياتها و مستقبلها

جبدت روحها من  قمر  و بعدت علاها مالصدمة و كبست على زنودها الزوز بالقوي و ترج فاها و تبكي

فضيلة : « قمر قول الحق ، هارون ولدي عمروا ميعمل هكا اني نعرف ولدي عمروا ميغلط في حق انسان كان تحب فلوس قلي نعطيك أما متكذبش عليا هالكذبة قول الحق حل فمك و تكلم شبيك ساكتة»

قمر : « امي فضيلة فاش تقول راك قاعدة تظلم فيا والله نقول في الحق والله مانيش نكذب ،، والله والله نقول في الحق مانيش نكذب  (تحكي بصوت عالي و تضرب في روحها لين صوتها تفقد و عاوت داخت) »

في هذا اللكل سي شوقي قاعد يتفرج في مرتوا و قمر من بعيد و قرب وقتلي شاف قمر عاوت داخت  ، حاول بارشا انوا يعاود يفيقها أما يا خيبت المسعى منجمش الشئ الي خلاه يكلم الطبيب و يطلب منوا انو يجيه للفيلا فيسع ...

💛💛