ملمومين على الطاولة ، مدام فضيلة فرحانة بجية ولدها سي هارون ، يستناو فيه على نااااارشوية و ناقز الناقوز ، مشات البون تحل في الباب
دخل هارون كيما كل مرة وهرتو سابقتو يمشي بكل ثيقة راسو مرفوع بكل تكبر و غرور ..
عرضتو مدام فضيلة بالحملة و البوس
فضيلة :« مرحبا بولدي الغالي ، شحوالك يا بابا طولت علينا الغيبة .. »
هارون :«حمدالله أمي لباس كالعادة»
فضيلة :«هكا يا وليدي تخلي ميمتك وحدها هالمدة هذه الكل ... ؟»
هارون :« سمحني يا سلطانتي الغالية ، كلو مالخدمة »
قص علاهم سي شوقي :« يا مرا سيب الطفل خلي يقعد قبل و مبعد تو نحكيو ..»
فضيلة اليد في اليد ولدها داخلين للصالة و الضحكة مالية وجوهم
في نفس الوقت قمر تسمع في صوت ضحكة مهيش غريبة علاها ، احساس غريب تملكها ، تحب دور تشوف شكون و مترددة مش عارفة علاه
فيقتها من سرحتها ايد مدام فضيلة الي تحطت على كتفها
فضيلة :« بنتي فين سرحت ، نعرفك هذا ولدي هارون »
و كانت الصدمة ....
على التلفيتة وقفت ماغير ما تشعر ، تغزر و مش مصدقة ، الرعشة سرات في بدنها ، العين فالعين و القلوب باش تخرج من بلاصتها ، خوف كبير تملكهم
الهدوء عما المكان ، تقول في كلام مش مفهوم ، لونها تخطف و انفاسها متسارعة ..
مدام فضيلة و سي شوقي مش فاهمين حتى شيء ، يكلمو فاهم و مما فما حتى اجابة ،
كان من هارون كالصنبة واقف في بلاصتو علامات الصدمة باينين عليه
و كان من قمر ترعش بكلها و خزرتها ضايعة و تمتم .. « هو .. هو ..» و تشير بصبعها الى هارون
قدمت منها مدام فضيلة باش تكلمها ، وخرت علاها و دخلت في هستيريا صياح و بكا ..
قمر :« هو .. هو .. رجع يا امي رجع ...» كانت هذه آخر حاجة قالتها قمر قبل ما طيح دوخ ..
فلاش باك ...
💛💛
أنت تقرأ
❤🥀في عاصفة الحب🥀❤
Storie breviكرونيك هباال❤❤ تشمل الكبرياء و الغرور في صراع داخل نار العشق تحتوي على الظلم💔 ، الإغتصاب ، (الإنحراف🔞🔞) السلطة ، التكبر ، الحب, ♥️ كره ، إنتقام ، جنون... بلهجة تونسية🇹🇳🇹🇳