هارون بعد مخرجت قمر هبل في مخو مهوش فاهم احساسوا حس روحوا كيلي كثرلها في كلاموا ماهوش عارف علاش كي بكات غضتوا قعد متحير علاها خلط وراها ملقهاش يطلب فاها متهزش
هارون: يخي اني شيهمني فاها تخرج و لا تقعد شبيني متحير علاها بفففف
......
شد علاها فران دقيقة و لا يعفسها بالكرهبة
امير: قمر لاباس؟
قمر: (عيناها حمر بالبكا و حالتها حليلة) لاباس، سمحني تعرفني
امير: قمر اني امير صاحب هارون نسيتني!!
قمر: اا سمحني امير داخلا بعضي معرفتكش
امير: ميسالش أما أنتي لاباس ؟؟ تبكي!!
قمر: لا لاباس
امير: ماشية لبلاصة تحب نوصلك
قمر: لا عيشك
امير: قمر بلحق تحسك سفابا قلي شفما خليني نعاونك
قمر: لا مفما شئ
امير: خلينا نقعدوا في بلاصة في قهوة و احكيلي شبيك نجمش نخليك و أنتي هكا ضاهرة بيك حاجة
قمر : يعني مكبش أنتي تو
امير: هههه اكثر ملي تتصور
قمر: ههه باهي
......
قعدوا في قهوة و قمر حكات للمير شصار بضبط من أول نهار شافت فيه هارون و اغتصبها لنهار هربت من دارهم و تعرفت علي مدام فضيلة و سي شوقي حتى اليوم و الحديث الي قالهولها هارون
تحكي و دموعها مكفتش امير حس باها و بطيبة قلبها و قلبوا وجعوا علاها و علي صارلها اللكل حملها و هي تبكي حضنوا
امير: قمر اهدئ و يزي مالبكا عيشك
قمر: سامحني امير كسرتلك راسك بحكايتي
امير: يزي تحكيش هكا بالعكس اني فرحت خاترك فرغتلي قلبك
و الليوم احسبني صديقك تحتاج أي حاجة كلمني و نوعدك شتلقاني واقف معاك
قمر: عيشك امير
امير: خوذ نومرويا قيدوا عندك و كلمني في أي وقت
قمر: (خذات قيدت النومروا و قعدوا شويا يحكيوا و يفدلكوا)
...
قمر: معادش وقت خليني نروح
امير: باهي خليني نوصلك
قمر: منحبش نتعبك
أمير: تعبك راحة يا للا
قمر: هههه عيشك
امير: (امير سرح مع ضحكتها) محلا ضحكتك
قمر: (حشمت و خدودها حماروا) عيشك
وصلها امير قدام الدار و تلاقاو مع هارون في الباب
قمر شافتوا دورت وجها و سلمت علا امير و شكرتوا و دخلت و خلاتهم و هارون مغزرتش حتى الوجهوا الحاجة الي خلاتوا تكرز اكثر
هارون (بصدمة): امير!!
امير: اهلا صاحبي
هارون : عسلامة شتعمل هنا
امير: تلاقيت معا قمر في الثنية لقيتها تبكي هازيتها عملنا قهوة و حكينا شويا و تو روحت باها
هارون: أي باهي ياسر هالصحبة الجديدة
امير: هههه تقليش غرت
هارون: هاو عينيك شنجبدهملك و فاش قام نغير
امير: قلت بالك غار على مرتوا هو بصراحة اني كان جات عندي مرتي كاك كيفها والله نغار علاها حتى مالنسمة مش من صاحبي برك و سورتو خرجت و متغششة مني
هارون: شنوا حكاتلك فيسع
امير: شدخلك أنتي
هارون: هاو شندخلك في بعضك نحب نفكرك تحكي على مرتي راك
امير: ههههه قتلك راك غرت
هارون : برا اقلب منضرك روح خير منفسدهولك
امير: هههه ماكش شتضيفني
هارون: فاش قام نضيف فيك
امير: ههههه و لا غاير علا مرتك مني
هارون: امير(بغش)
امير: هههه باهي باهي هاو روحت
.....
روح امير و هارون دخل للدار و هو يغزل على امير و كلاموا المستفز
دخل للكوجينة لقا قمر تشرب في الماء شافتوا دورت وجها
هارون : وين كنت مش قتلك فماش خروج!!
قمر: طفاتوا مجاوبتوش
هارون: باهي خلينا نحكيوا
قمر: معانا فاش نحكيوا
هارون: قمر قتلك خلينا نحكيوا متهبلنيش
قمر: و اني قتلك معنا فاش نحكيوا
هارون: يخي ماكش ناوية تنحي صحت راسك
قمر: و أنتي ماكش ناوي تبعدني ،
هارون: قمر تهبلنيش
قمر: بربي فاش شنحكيوا و لا نسيت كلمة مهنتنيش باها مبكري تحب تقولها تو
هارون : باهي مش لازم أقعد فاها ،، أما تو نتفاهموا على عمايلك متع اليوم اللكل مش ناساهم جيست نلملك فاها
طلع لبيتوا بدل دبشوا و خرج طربق الباب وراه و مشا البار عداه ليل كامل يسكر و روحوا في خشموا مش عارف شبيه و لا هما ملي دخلت قمر لحياتوا و هو معادش فاهم روحوا ضيع خدمتوا و مخوا و لا ديما سارح فاها سعات يخمم وعما هو بلحق ظلمها و هو الشيطان في الحكاية و لا هي الطفلة الهاملة الي متصلحش
💛💛
أنت تقرأ
❤🥀في عاصفة الحب🥀❤
Krótkie Opowiadaniaكرونيك هباال❤❤ تشمل الكبرياء و الغرور في صراع داخل نار العشق تحتوي على الظلم💔 ، الإغتصاب ، (الإنحراف🔞🔞) السلطة ، التكبر ، الحب, ♥️ كره ، إنتقام ، جنون... بلهجة تونسية🇹🇳🇹🇳
