حياتي مؤلمة 💔💔

الحلقة 15💜

ŘÖŘŸ ÄŁ 💙
ابراهيم: مش واثقة فيا يعني💔
أني : القصة مش هكي أني هذا شي يخصني انت كيف تشوفه وطلعت نجري ونبكي
مع ان نعرف الموضوع ميستاهلش بس منعرفش ليش بكيت حرقني اول مرة حد يشوف صوري 😭💔
ابراهيم لحقني: ختام استني
أني : ابعد من عليا 😭😭وطلعت بي السيارة وقعدت نبكي
إبراهيم: ركب سيارته ووراي زي الطلقة 🌫️
ويرن عليا
أني : مش عارفة شن صايرلي غصة في قلبي قوية ووجعة مش من موقف إبراهيم بس فيه شي تاني قلبي مقبوض ونبكي بي صوت عاللي 💔
بديت نرتخي مش قادرة نشوف كويس الطريق درست على جنب بديت نشوف في شي مش مفهوم صوت مش مفهوم
إبراهيم؛ خفت عليها لما درست مشيت نجريلها
إبراهيم فتح الباب :  ختام ختام ويهز فيا تسمعي فيا
أني : مكنتش معاه نسمع بس مسكرة عيوني صوته كان مش واضح فجأة صوته ضاع وبديت نسمع في صوت تاني يقول
: ماما حبيبتي صح ربي خداني منك بس نبيك تسامحيني أني نحبك تمام ماما وردي بالك على بابا تمام سمحيني  حتى لو بوك مقالك عليا سيوره يقولك وذكريني بي الشامة اللي في معصم ايدك لان عندي زيها تمام ماما أني امك ونحبك غاليتي ❤️😭وكانت تبكي
فتحت عيوني بي صعوبة ونشبح في مراءة جميلة تشبهني هلبااااا وشادة بنت صغيرة وحاطة ايدها مكان الشامة اللي في معصم البنت الصغيرة وكانت تقول ختامي حبيبتي يسلملي الغزال أني اللي يشبه امه ووتبكي وأني كنت واقفة ونشوفلها وحاطة صبعي على مكان الشامة في معصمي وكنت نشوف لي إيدها في نفس المكان وفجأة يختفي كل شي البنت والأم ضاعوا كنت نعيط ونقلها ارجعي بس مفيش حد خلاص كأنة سراب ومعاش شفت شي الا لما فتحت عيوني في ارض الواقع المؤلم وكانت فيه بهرة ضي قوية
..............في هذا الوقت عند إبراهيم
إبراهيم: ختام تسمعي فيا ردي عليا فجأة ختام رتخت بين ايديه يبخ مية على وجهها مفيش فايدة قامها وطار بيها لي المشفى
............
أني كنت نإن من الالم بس مش الم جسدي كان الم روحي وكنت نبكي بس فتحت عيوني كويس شفت إبراهيم بديت نبكي بصوت عالي الم غريب في قلبي وفكري مشوش من اللي شفته نبي نفهم شن هوا بس مش قادرة من هيا من تكون ومن وين تعرفني وليش تشبهني 💔
إبراهيم: حبيبتي 😰💔
أني : إبراهيم ونعيط ونبكي وحضنته بي قوة قعمز على السرير ويمسح على راسي ويهدي فيا
إبراهيم: خلاص حبيبي اهدي أني معاك ماتخافيش امورك طيبة أني معاك خلاص متبكيش
أني : أني شفتها شفتها منهيا منهيا شن تبي مني 😭😭😭
إبراهيم: من هيا فهميني شن صارلك بس
أني : مش قادرة نحكي قلبي يوجع فيا مش قادرة فيه إحساس في داخلي مش مريحني
إبراهيم: خلاص اسسس معاش تبكي حبيبي خلاص يا عمري اششش خلاص ارقدي ورتاحي هي
أني نبكي بشهقات مسموعة و إبراهيم يمسح على شعري لين رقدرت أو بمعنى كنت نرتاح وأني مغمضة عيوني
إبراهيم: كنت نسمع في صوت انفاسها وشهقاتها اللي مش قادرة توقفهم كنت نبي نعرف شن كانت تشوف أو شن صار معاها من هيا اللي شافتها كنت خايف عليها نحس بي دقات قلبها اللي بيطلع من مكانه من الخوف حاولت نهديها
...  بعد وقت
عطوني خروج وروح بيا إبراهيم وطول الطريق ساكتين
أني : كنت حاطة راسي على الروشن ونذكر في اللي شفته وحاسة بي ضيق وقلبي ينغز فيا واذكرت الشامة شديت معصمي بي إيدي وحطيت صبعي على الشامة
إبراهيم: كنت مركز في ختام وكيف واضح عليها الضيق خديت ايدي وحطيتها في ايدها
أني : بعد حط إبراهيم ايده في يدي حسيت بي رغبة في البكي ابتسمتله ونزلت دمعة من عيني وفيسع مسحتها
............وصلنا لي الحوش
نزلت أني
إبراهيم ستني أني ندخلك
أني : لالا احسن يقولوا الجيران علينا حاجة ولا كنان يشوفك
إبراهيم: كنا......
كنان: إبراهيم 🤨
أني : 😶
إبراهيم: اااا كنان شن الجو تي وين معاش تبان يا غالي 😅
كنان : اهوا ماشية قراية وخلاص شن جابك مع ختام ليش جايبها
أني : ااااا😰
إبراهيم: اختك تعبت شوية ورفعتها لي المستشفى وروحت بيها بس
كنان : ختام وجي يجري خيرك شن فيك شن تحسي شن قالولك 🥺
أني : هدي هدي شوي شوي مافيا شي بس حسيت بي دوخة وبارك الله فيه إبراهيم ماقصرش
كنان : بارك الله فيك صحيت وماننساه جميلك يا غالي
إبراهيم: مادور شي يا برو مش بجميل هيا
أني : شكرا هيا كنان خلي نخشو رجليا بنطيح
كنان : لالا خلي نمشوا تو اطيحي يفسد وجهك معاش يجيك حد نقعد حاصل فيك
😂😂
أني : مصح وجهك 😑
إبراهيم: 😂😂علاش ناخدها أني ماتخافش
أني : 😳
كنان : 😂😂تعالا نعطيهالك بي البجامة
أني : خزي عليكم بهي تو تشوف يا كنان 😒
إبراهيم: تم يا طيري أني غدوة جاي نخطب
كنان : ههههه بسلناها تو تحرج وتمد شاربها اللوطي زي العادة
تلفتولي التنين ولقوني 😗مادة شاربي اللوطي
إبراهيم &كنان : 🤣🤣🤣🤣🤣وووووه
أني ركزت على روحي ودخلته وخشيت لي الحوش
إبراهيم: هيا برة شوفها زعلت .... هيا تم ماتبي شي
كنان : ميه ميه يا طيري صحيت واشروا لي بعض بي يديهم
ونطلق إبراهيم
كنان حس بي انه إبراهيم كان يحكي جد شاف اللمعة اللي في عيونه لما شافلي
كنان : والله لو ياخدها إبراهيم لاتكون اسعد وحدة ونتهنا أني عليها
خش لي الحوش لقاني متكية على الصالون
كنان : شني إبراهيم وغمزلي
أني : 😳😶
كنان : تعالي احكيلي شن عندك وردبالك تكذبي عليا
أني : خيرك انت شن. تخرف
كنان : أني عارف أنك تكلمي في إبراهيم وعارف انه يبيك ويحبك فا مدسيش عليا
أني : شن تقول انت ومن قالك الكلام هذا
كنان : قدم لي وجهي وفنص بس طريقة تخوف وقالي شفته في عيونكم وضحك
أني : حيوان خيرك باسل هكي
كنان : اوكي متعترفيش هوا اعترف انتي متعترفيش
أني : مدام قالك هوا خلاص شن تبي تاني مني
كنان : 😂😂😂وووه صار فيه منه الكلام اني كنت شاك وهو مقال شي
أني : 😳😳
كنان : 😂😂😂😂😂
أني نضت وفي صدمة مزال وجيت بنمشي ناض كنان يسعد فيا
أني : نحي ترا معاش تكلمني
كنان : لا تماديتي هكي تبيه يرفعك لي سريرك هلبا هكي
أني فكيت ايدي منه نحي يا دراه الكبد ومشيت لي الدروج
كنان جي يجري : نبصر عليك يا ودي تعالي نركبك
أني سكتت وخليتها يركبني
حطني على السرير وقعمز جنبي
أني : 😒شن فيه
كان شد يديا : شوفي بنقولك شي ... صدقيني أني فرحت هلباااا لما شفته جايبك لي الحوش ويساعد فيك اني شفت اللمعة  في عيونه إبراهيم
ره إبراهيم شخص ميتعوضش ردبالك تخصريه والله قداش ما فرحان ان انتوا مع بعض أني وياه ولينا صحاب وكل شي مع بعض ونحكوا لي بعض أني بعد عرفت شن صار فيه اول مرة وجعني أني نبيك إنتي تسديله الفراغ اللي صارله نبيك تخليه يتأكد ان حبك ليه مش مجرد لعبة او تسلاية ره إبراهيم مش من النوع اللي يلعب ويتسهوك من النوع اللي كان حب حد خلاص يعطيه روحه كان طلبها فا نبيك تكوني جنبه ديما وردبالك تسيبيه في يوم ونفس الشي انتي مش تقولي نشكرر فيه وانتي لا لا ره أنتي شي غير حنيتك وطبعك الحلوا ميتعوضش انتي لما تحبي حد تحبيه بي كل شي فيك تحبيه بي صدق وهذا يكفي الحب يكفي احيانا انه يسد ممرات تانيا فاضيا ويعبيها ونفس الشي التفاهم لازم تكونوا متفاهمين ..... ونصيحة مني ردبالكم تخسروا بعض لأن طالعين على بعض هلبا ❤️
أني : دمعوا عيوني وهوا يتكلم حسيت بي غصة في قلبي فجأة لكن محبيتش نحسسه
اني : حضنته يا خيتي على وخي اللي بدي يعرف في كلام الحب والجمال الله غيراته مروة 😂
كنان : إيه باش نمشوا نخطبوا الاسبوع الجاي
أني : اطلع برة نبي نرقد 😂😂
كنان : وقف في بابا الدار : يا بتع بروووووو😂😂😂
أني : حدفت عليه المخدة : اطلع برة يا حيوان 😂😂😂
.................
   2:00
أني نرن على بابا ميردش
وكان قلبي قابضني
بعدين رد
أني : الو بابا حبيبي وينك
بابا بصوت تاعب : ايواة ختومي شن جو ك
أني : تمام خيرك نحس فيك تاعب
بابا بي توتر : ااااا لالا غر كنت نتمشو أني وعمك سالم ودهشت. خلاص كبرت
أني: هههه لالا وين كبرت مزال قاعدشبوب ..سلم عليه عمو سالم
بابا : لالا خلاص هوا هذاك العمر معاش مزال غير شهور بس ....فاق على روحة ااااا قصدي ان العمر في يد ربي منعرفش امتة وقتك   يوصل تو نسلملك عليه
أني : بابا احكيلي شن فيك
بابا : شن فيا ما فيا شي
أني : بابا أني عارفة ان فيك شي أني حاسة لدرجة معاش تبي تجي هني ونتصل بيك معاش ترد وديمة كحة وداهش شن فيك
بابا : نقولك حاجة اموري طيبة غر ما فيا شي و أني جايكم بعد غدوة لي فاتحت امل وقاعد معاكم
أني : والله جد
بابا. إيه خلاص هوا جايكم لين تملوا مني
أني : مستحيل نملوا منك أنت بونا وكل شي عندنا في الدنيا هذي
بابا : انتوا كح كح كححححححح كحكح
أني : بابا تنفس بالشوية عليك
بابا : شاف لي ايده
بابا : ختام أني. توا لازم نسكر عمك سالم ينادي عليا
أني : شني تحس بس فهمني انت تمام
بابا : خلاص ختام قتلك أني تمام ولا هيا سلام واسلمي عليهم
أني : بي ضيق : سلام يوصل
وسكرت الخط نزلوا دموعي مش فاهم ليش
....... عند بابا
قعمز على الكرسي وساعده عمي سالم لان كان داهش هلبا
سالم : يامحمد ميجيش هكي ليش ما تمشي لي المستشفى صحتك اولا
بابا : يا سالم أني عارف شن فيا  والدكتور قالها بروحه يعني قداش مزال من العمر 7 شهور لان المرض منتشر خلاص معاش فيه حل
سالم : لا إله الا الله غر ياراجل ماتقول هكي الاعمار بي يد الله ربي هو اللي يحي وييوميت خلى أملك بالله كبير ياراجل مش على خاطرك على خاطر صغارك
بابا : ونعمة بالله
سالم : ليش ما قلتلها
بابا : على شني
سالم : على مرضك وعلى الموضوع هذاك ياسر كان لازم تعرف من زمان بس أنت دسيت عليها وهذاا شي ميندسش
بابا : بالنسبة لي موضوعي اني ماشي غادي تو نقوللها منبيش نجلطها من هني
سالم : به ممكن هذا راي والموضوع التاني
بابا : بللله ماتفكرني خليني ساكت والله ماعارف كيف بنقوللها
سالم : لازم تعرف يا محمد هذا حقها
بابا : انشاء الله خير تو أني نروح نقوللها
سالم : إيه احسن من تسمع من حد تاني وتنصدم
بابا : ماتخافش أني موصي ان محد يجبد الموضوع هذا بكل بابا : رفع راسه وشوف لي السماء
بابا : شفتي مشيتي وخليتلي شبيهتك هني ونزلت دمعة من عينه مستاحشتيني خلاص هانت شوي ونكون جنبك
بابا : اذكر .........
: يامحمد ردبالك تخليها بروحها في يوم ردبالك منها هيا امانة مني خليتها عندك
محمد : ليش تقولي هكي انتي حاتقعدي ليا أني وهيا
: محمد خلاص أني عارفة يومي هذا هوا ردبالك على روحك وعلى ختام أني حنقعد نحبك عمري كله ومش حننساك ومش حننساها انت لما تبيني اذكرني لما تشوفها
: محمد اسمعني حتى بنتزوج صدقني مش حنزعل  لازم تتزوج يا محمد على خاطر ختام أني نعرف أن قلبك مش حاينبض لي غيري ومتأكدة من الشي هذا بس النصيب هكي كاتب أني منبيهاش تتربى بروحها
محمد : خلاص اسسسس يا اميرة قلبي  معاش تتكلمي ارتاحي بس
: محمد قول لي ختام أني نحبها واني مستحيل ننساها في يوم وان مكانش بي إيدي المرض كان اقوى مني ها ها ها ها محمد أني نحبك
توووووووووووووووووو .... الجهاز صفر
محمد لالا ا....... بالله عليك متسيبينيش أني وختام محتاجينك بالله عليك
الدكتور : عظم الله لك الاجر ربي يجعل مثواها الجنة
محمد : يضرب في الدكتور : شن تقول انت شن تقول تسمع ودانك شن يقول فمك مستحيل ا...... تسيبني مستحيل