حياتي مؤلمة 💔💔

الحلقة 17💜💜

ŘÖŘŸ ÄŁ 💙

نضت خشيت لي الحمام (حاشى القارئين ) دوشت ولبست ووضميت غرفتي وفتحت باباها كان مزال فجر وضلام خطمت على غرفة الاء ودخلت وغطيتها وبستها وطلعت ونفس الشي لي كنان
وبعدين ماريت على غرفة بابا سمعته يقرى قرأن
طقيت على الباب وكان عارف اني أني متعودة عليا انوض بكري ونطق عليه ديما
بابا : تعالي حبيبتي خشي
خشيت
أني : صباح الخير وبسته على راسه
بابا : صباح ألنور شن توا تحسي احسن
أني : تمام احسن خلي ننزل نضف الحوش نوتي الفطور
بابا تمام
وأني طالعة رن تليفوني
بابا : ردي عليه يا بنتي من امس حاير
أني : حاضر
بابا : استني
أني نعم
بابا : خودي هذي
أني: ششن هذي ممتقولش 🥺😢
بابا : إيه 😔💔
أني فتحت الصندوق كان فيه
شال من الصوف لونه احمر وطاقية صوف حمرة
تيشرت صوفي لونه اسود بي البيج
ومن تحت كان فيه حوايج بيبي متع بنت
بابا : هذوا كانت امك تلبس فيهم وتحبهم
أما ملابس البيبي فا كانوا اول حاجة شرتها اميرة لما عرفت انه بنت وديما معاها واول حاجة لبستيها
أني : رفعت الشال وشميته كانت نفس الريحة كأنها قاعدة عالقة في خشمي نعرفها الريحة هذي أني نزلوا دموعي واني ساكتة وبين خديت حوايج البيبي قعدت نشوفلهم ورجعت كل شي لي مكانه وسكرت الصندوق وشفت لي بابا لقيت دموعه تنزل قربت منه ومسحتهم
أني : هي لو كانت عايشة كانت تحبني صح ولا
بابا : حضني وأني قعدت نبكي في حضنه زي البيبي
بابا : انتي قطعة من اميرة قلبي 💜 اللي مستحيل ننساها ومستحيل نحب غيرها انتي كأنك هيا كأن هيا واقفة قدامي وصدقيني لو قعدت عايشة كانت حتحبك واكتر أني متأكد
أني بعدته عليا بي هدوء وبسته على راسه نحبك بابا
بابا : وأني نحبك
أني : خلاص وقت عليا خلي نمشي نتم كل شي
بابا : به بري سلم بنتي
أني طالعة بعدين رجعت .. بابا بنسألك
بابا : قولي حبيبتي
أني : ههما أني معنديش خوال او شي هكي
بابا : امك عندها اخت وحدة وهيا اللي ساعدت امك تهرب معاي وقعدت تتواصل معاها يعني لو شافاتك ممكن تتقبلك
أني : وخوت عندها
بابا : إيه عندها 3 بس حتى لما جيتي قالوا منبوكش ولا حتى حبوايسمعوني ومتقبلوكش ابدا
أني : امممم به عادي نتعرف على خالتي
بابا : حاضر تو نكلمها
أني ؛ بسته وحضناته بي فرحة ايييي محلاااك تهبل 😍😍
بابا : ههههه امشي قبل ما ينوضوا وعلى فكرة اليوم عماتك كلهم جايات هني
أني : تغيروا ملامح وجهي لي وجع وابتسمت : باش تخبرهم ولا
بابا : إيه هيا سلم بنتي كملي شغلك ومتفكري في شي
أني : تمام وطلعت تكيت على الباب ودموعي نزلوا اااااه بس ليش الوجع هذا كله بس شفت لي الصندوق على الاقل مزال فيه ذكرة رجعته لي الغرفة ونزلت نضم وتيت الفطور وبدلت وناضوا فطروا كلهم وكنان مخلا مقال 😂😂
أني نبي في انقلب في الماكلة ومكليتش شي
كنان : ختااااام
أني : اااااا وه يا عن شكلك خلعتني
بابا : احم احم
كنان : مانحسابش بروا واخذك  هكي كان هذا قتله تعالا أفطر
بابا: نزل راسه ويضحك بشوية
أني : 😲😳😳نضت واتصل إبراهيم
كنان : 😂😂😂لالا انتوا ابداع
أني : خلاص صكر فمك وطلعت من جنبهم وردتيت
أني : الو
إبراهيم: وينك يا ختام مش معقولة نتصل بيك مارديتش وتلفونك مقفل امس شن هو الجو هذا ترا 😡
أني : ابر
إبراهيم: خلي نكمل كلامي معاش تتكلمي أني مش بنقعدو وراك ره وانتي ولا معبرتيني لا ره تي شن الجو هذا انتي تعرفي أني منحبش نتصل بيك ونلقاك مقفل
أني : خلاص معاش تعيط اسمعني
إبراهيم: والله وفوقها علاش تعيط تي حقي حتى نضرب انتي وين ترا شن اللي يخليك هكي اديري
نبي نعرف ولا عندك في من تكلمي أكيد ليك فترة هكي  نكلمك تقولي بنسكر وكل مرة بسبلة  تي شني هذا لكن تمام خليك هكي تو ينفعك سلام
وسكر الخط
أني : قعدت نبكي خيره هذا شن درتله أني توا مش معقولة هكي 😭😭
__________________
عند إبراهيم
عبد الله: تي خيرك يا راجل شن دارتلك البنت فصلت فيها
إبراهيم: خليها مش نبي نرقد نبي نسكر نبي نرتاح خلاص خلي تسكر لما نسألها خيرك ماتبيش تحكي علاش
عبد الله: ياراجل انت خيرك عادي مرات مضايقة من شي ومتبيش الضايقك هيا هكي شخصيتها
إبراهيم: هذا كان قبل توا أني مرتبطة بيها توا أني هيا وهيا أني يعني مفيش شي يتخبا على التاني وهذا الكلام هيا قالتها ليا أني خايف تطلع مخبية عليا شي ومعاش نقدر نتحمل
عبد الله: ربي يهديك وريح بالك ختام مستحيل ادير شي من اللي في بالك أفطر وانت ساكت
إبراهيم: 😒😤
..................
أني نزلت ومسحت دموعي ونبخر في الحوش والاء تغسل في المواعين وبابا وكنان مشوا لي السوق باش يجيبوا حاجات
رن رن رن
قلبي دق نحسابه إبراهيم💓
أني : الو 😔
إسراء: اهلا بي مرت خوي شن جوك
أني : تمام انتي شن جوك
إسراء : ختام فيك شي صوتك مش مريحني
أني : لالا اموري تمام كيف حال امك وبوك
إسراء: تمام يسلموا عليك
أني : المهم سلمي عليهم
إسراء: ختام احكي
أني : شن بنحكي
أني : يا لولي شوفي فيه قهوة ولا لا وكرميل وكريم شانتي في الدولاب باش نوصي كنان
الاء:  به
أني : إيه سروا شن قلتي
إسراء: تكلمي
أني : شن تبي يا إسراء مش فاضيا أني
إسراء: شن اديري
أني : حوش عماتي بي جونا اليوم
إسراء: علاش
أني : هكي قال باب خلي نعزموهم
اسراء: اممممم به لكن ديري في بالك لازم تحكيلي
أني : باهي إسراء فوتيني توا
إسراء: تمام
أني : ستني متسكريش
إسراء: عيونها
أني : إبراهيم ققاعد
إسراء : لالا طلع من الصبح يفطر برا هوا وعبد الله لكن معصب واااجد (على قولت الشراقة ❤️❤️)
أني : علاش
إسراء: امس تعارك هو ونور جت لي الحوش وقعدت تهزب وانت كداب ومشعارف وعشمتني وسيبتني وسباتك مشى ضربها كف وزادت قتله اللي خاطبها تو تشوف شن تطلع بعدين وتشوف شن مخبية عليك وبنت مني هيا
أني : كككيف بنت مني
إسراء: مدوريهاش كلام وخلاص الاء لو انتي مخبية شي حق
أني : كككيف شن بنخبي 😰
الاء : ااااااااااا🥴😵
أني : الاء ومشيت نجري خيرك لولي
الاء : 😭😭طاحة الصونية على راسي
أني ياماما قداش مرة نقولك انتبهي وحضنتها خلاص يا ماما معاش تبكي تعالي معاي
إسراء؛ ختام شن صار
أني : لالا مصار شي نكلمك بعدين
إسراء.: تمام بيبي باي 😘
أني : باي وسكرت مشيت خديت ثلج
ومشيت لي الاء خلاص يا عمري تكي راسك على رجلي ونحطلك ثلج
الاء : توجع يا ختام 😭😭
أني : خلاص يا ماما معاش تبكي
الاء : سكتت ودموعها تنزل على رجلي سخونة
لين رقدت
أني : خلاص نفشت
الاء: 😴😴
أني : ههه محلاها وهيا راقدة 🙈💕
أني : نشوفها ودموعي نزلوا
أني : قصدكم كلكم بتخلوني بروحي علاش ليش هكي يصير انتي مزال صغيرة باش تتحملي فراق شعور صعب أني خايفة كيف بتكون ردت فعلكم ووامل اللي حامل كيف وكان يصيرلها شي يا ربي ياربي نزل عليهم صبر نزلت دمعتي على خد الاء
الاء : اه يا راسي وشافتلي
الاء: ختاام خيرك 🥺
أني : حبيبتي ولا شي ابتسمت وبستها مكان الضربة خلاص مشي الوجع
الاء. : اكيد مدام انتي اللي داوتيه
طق طق طق
أني : كنان عنده مفتاح وبابا من بيجينا توا
الاء: بنشوف وجت بتنوض
أني : سبقتها ووقفت لالا انتي خليك   .... فتحت الباب
امل :  اهلين شن جوك
أني : امووولة وحضنتها بقوة
امل : به عصرتيني
أني : مزال حاضنتها وبنبكي بس شادتهم
امل : ختام حبيبتي انتي تمام
أني : ااا لالا تمام غر ستاحشتك
ميلود اشر من بيده 🖐️
أني : بنفس الحركة 🖐️ انزل تعالا
ميلود : لا لا في الليل جاي انشاء الله
أني : تمام براحتك
..................
جي المغرب وكان كل شي واتي عشانا واتي والحلو وكل شي
أني.: طق طق
بابا ؛ خشي
أني : شني سيد محمد متأنق 😉
بابا : اني ديمة متأنق 😌وانتي مشاء الله طالعة أميرة قلبي 😔❤️
أني : دموعي نزلوا بهي خلاص بابا
باب : ارجوك بنتي يتطلب منك.طلب صغير
أني: عيوني ليك روحي لو تبيها خودها 😭
بابا : نبيك لما تفتح الموضوع تبكي
أني:  كيف
بابا : ايه نبيك متشديهمش عادي ابكي بنتي متشديهم ياسرك شدان تشدي مرات يصيرلك شي
أني: إنشاء الله
طق طق طق.
بابا : نعم
امل : بابا هيا حوش عمتي جو
أني: باهي نازلين
امل : فيكم حاجة
أني : لالا سلامتك قلبك ما فيه شي .
امل : تمام هيا تعالي عمتي تسأل عليك
أني : به
نزلنا أني وبابا وسلمنا وانتوا تعرفوا السلام كيف 😂😂
............
منذر : يا ختام بصراحة ولا حاجة روعة العشي
أني : عارفة 😂😂😂
منذر : وهي بدت في الفشخرة
أني : كيف لصقت الخرة في الفش شن معناها 🙂😂😂
منذر : باردة
أني : مش ابرد من الحوت🙂
منذر : خلااااص مبردك منحبش نضرة الاستفزاز اهيا
أني : ا....قطع عليا تليفوني يرن
منذر : ردي قبل ما يبدا يبرح ويديرلك عرس بردحة 😂
أني : صكر فمك 🙂ونضت