#ŘÖŘŸ ÄŁ 💙
أني : إيه توا قول نبي نسمع منك أني 😡
عبدالله: انتي خيرك والعة
أني : فوته الموضوع تي على خاطر الموضوع الزفت هذا تعركت انى وياهاا 😡
ابراهيم: ما بعدك
أني : 🙂🙂
عبدالله: أني انقولك شن صار .... وبدي عبد الله يحكي
البنت اللي كنت واقف عليها وأصلا أني مش واقف عليها أني جايبها معاي
أني : باهه بنفاذ صبر 😡
عبد الله: البنت بنت عمي وكنت مروح بيها من المدرسة وقلت خلي نخطم على الجامعة. فيه ولد نبيه في موضوع خشت معاي ومشيت لي الكفيتيريا خذيتلها عصير وهني شافتني ايلول ...
أني : ومخلتكش توضح وبدت تعيط وقتلك ننفصلوا صح 😤
عبد الله: تماما......... 😌
ŘÖŘŸ ÄŁ:طبعا عبد الله م 1995 ومتستغربوش 🙂3سنين وهم في العراك يعني عادي
عبد الله: انتي شن خصك هذي حبي أني انتي شن ليك علاقة تحب ندخل في كل شي 😒ه
ايلول: صكر فمك انت أني معاش حبك برا روح 😡
عبد الله: ايلوليتي أني ا.....
ŘÖŘŸ ÄŁ:خلاص انت وياها مش فاضيا ليكم أني 🙂😒الفيزياء مسيبتها على خاطركم
المهم نرجعوا 🤭 😁
أني : تمام عندي حل يا قدر بس حيكون صعب شوي المرة هذي ... حبيت نغيرلهم جوهم 🤭
عبد الله: تمام يا برو قولي مدبينا 😁
إبراهيم : تقول مقعمز مع شلة ولاد صايعين 😂😂
أني : نننن 😂😂
عبد الله: 😂😂تي باهي خلاص خلي نسمع
أني : اسمع يا راس 😂😂
عبد الله: به خلاص مبردك 😂
إبراهيم: 😂😂😂 والله كان طلعتي ولد احسن
أني 🙂🙂
عبد الله: ختااااام إبراهيم خلاص عاد أني مرارتي بتنفقع وانتوا تتسهوكوا 😡
أني : اوكي خلاص ردبالك تبزعها عليا 😂
إبراهيم: حيه عليك وهه ههههههه 🤣
وشرحنا احني 2 لي عبد الله اللي كان يشبحلنل بغل 😠
أني : احم احم إيه قتلك ...........
أني : تمام هكي
عبد الله': تمام اتفقنا ياما يطلع منك 😂
إبراهيم: ووووك عقلك هذا خطير هذا علاش أني نحب....ااااا
أني و عبد اللله شفناله أني كانت نظرتي كان نبيه يكمل نبي نعرف شن بيقول
وعبد الله كانت نظرته عبارة عن 😳🤫🤫متقولش مش وقته اصبر
إبراهيم : اااا نقصد نحبه عقلك كيف يفكر هههه 😅😅
أني : سكتت 💔... ااا هه إيه ...
عبد الله حاول يغير الموضوع : ههههههه إيه
أني: هههه اكيد في المواقف هذي لازم تخاطر وديما نقول لي ايلول (أني شريرة 😈بشكل حلو 😌)
عبدالله: صدقتي 😂
أني : هيا توا باي 😂😂.
روحت لي الحوش 😌
رتميت على السرير وقعدت نفكر
أني : ليش مكناش كلمته ليش مقالش نحبك ليش
أني : أني شن نقول ارقدي ختام بلا دوة فاضيا 😩🙄
أني : فجأة سكت كل شي ونزلوا دموعي
أني: على من نكذب أني اني نحبه ومش قادرة نحب عيوني من عليه عطره يقتل فيا نظراته ليا تجلط احساس غريب عمري ما حسبته حتى مع يزن ابراهيم شي تاني ❤️ نضت مسحت دموعي ورقدت 😪😴
صبح جديد وحاجة حلوة تصير 😍😍
نضت الصبح ومشيت لي حوش خالتي غادة وقلت لها فيه ناس بيخطبواا ايلول وقالت مرحب بيهم 😍
وقلت لها متقوليش أني جبتهم قالت تمام وكلمتها ام عبدالله واتفقوا غدوة بيجوا وكلمت عمي صالح وقال نشوفهم وبعدين نسألو عليه ويصير خير ... .
جي اليوم اللي بيج فيه الناس ❤️
رن رن رن
أني : الو من غير نية.. .. لأن حني من يوم اللي تعاركنا معاش كلمتها
ايلول : ختام الحقيني بيخطبوني بالله عليك ختام 😭😭
أني : شني انتي موافقة وعبدالله.... واني من داخل شادة ضحكتي 😂😂
ايلول : لا مش موافقة غصبوني عليه اهئ اهيئ 😭😭
أني : شن بنديرلك هذي نهايتك انتي درتيه بي يديك 😞
ايلول : لا أني بنكلم عبد الله
أني : علاش بتكلميه مش معاش تبيه خلاص ايلول الولد مشي علا حاله وشاف نصيبه مع بنت تانيا 😥
واني من داخل 😂😂😂😂😂😂
ايلول : انتي شن تخرفي عبدالله ميديرهاش سكري تونكلمه 😭💔وشكرا في وجهي
أني نفلقت بي الضحك 😂😂😂😂😂😂😂😂😂وهي منحسابش بيصير هكي حي عليا 😂😂😂
كنان : ربي يتبت علينا العقل والدين 🤲يارب وينزلك في بير
أني : هههههه 😂 اسكت خزي عليك
طلع ومدورنيش
..........عند ايلول
شرينة ايلول على عبد الله لقاته انتظار 😂😂الفالح كان يكلم في ابراهيم 😂😂
عاودت. تاني 💔
عبدالله: الو
ايلول : عبدالله 💔
عبدالله: شن تبي
ايلول : بدت نبكي وتعيط عليه كيف تتخلى عليا بعد السنين هذي 💔
عبدالله: مش أني اللي تخليت عليك بعدين مش انتي تبي هكي خلاص اهو جت بدالك وحدة تعرف قيمتي هيا سلام يا هه خاينة 😏
طوط طوط طوط
ايلول اكتفت بي الدموع نارية تنزل على خدودها 🔥💔💔
عندي اني في الشريكة
كنت انكلم في حاجاتي وطالعة
طق طق طق
أني : تفضل
إبراهيم : طالعة شكلك
أني : إيه .. تبي شي
إبراهيم: نبيك إنتي .. وكان ذايب في ضحكتها وجماله❤️❤️
أني : تحشمت وصار وجهي احمر واثار الصدمة على وجهي 😳 بس قلبي من داخل كان يرقص حسيت كأني نبي نحضنه بديت نحبه بس مزال ممنوع في نفسي ❤️🤦
إبراهيم: فاقد على روحة ااااا قصدي نبيك إنتي تشوفي الملف هذا 🤦😂
أني : ترا نشوفه اممم اعطيه لي ميلو يزيد يشوفه
إبراهيم: تمام يا طرفوشة ههههه 😂😍
أني : ههههه مبردك لكن هذا من ذوقك وطلعت
تنهدت تنهيدة معبية حب وراحة زاحاسيس ملخبطة ❤️❤️
إبراهيم: شن درت انت يا غبي 🤦بس وحق ربي الا طرف 😍❤️❤️
روحت لي الحوش خديت شور ولبست قونة سماوية مش طويلة وبلوزة سودة كمامها مفتحة من الكتاف وفيها سيور وكتافها طايحات وكانت طالعة خيال عليا 😍😍 درت شعري كعكة وفيه خصلات مازالت على رقبتي وشوي ميك اب بسيط 💜
3:30 العصر طلعت من الحوش اني وخواتي وصلت وخشيت نزغرت طبعا مشاء الله حتى في الحقيقة ❤️😂😂
أني : لووووولي
سلمنا وباركنا لهم ومشيت لي ايلول 💔
طق طق طق وفتحت الباب
أني : بسم الله خيرك 😳
ايلول : مش الناس بي جو نوتي في روحي نطلع مبهدلة يعني 🙄🙄
أني : لالا 🙁
ايلول : متتفرجيش عليا تعالي ساعديني
أني : به به 🙄
لبسة ايلول سروال اسود واسع وعليه بلوزة ورديا ووشاح اسود وفيه تنقرش بي الوردي ولمست ميك اب خفيفة وطلعت 😍😍
أني : ايلول تهبلي 💖 مشاء الله ربي يحفضك .. نبي نفهم شن صارلك وين حبك لي عبد الله
ايلول : خلاص حبه مات مش هو خدي حب تاني خلاص حتى اني نشوف حياتي .. هيا ننزلوا نسعدوا ماما
أني : اوكي براحتم هيا تعالي 🙁
أني خليتها طلعت وقعدت واقفة ... مع أني عارفة انها تكذب بس يلا خلي المفاجأة لي بعدين 😂🍃
....
جو الناس وقعمزت معاهم خالتي وهدرزوا
أني : خودي طلعي القهوة
ايلول : معاش نقدر أني معاش نبي انتي طلعيه 😖😩
أني : سكري فمك وارفعيها 😒
ايلول بإستسلام : حاضر بس مردود
أني : 🙄
ميرال : بري اطلعي خيرلك
ايلول : انشاء الله يصيلك هكي يا ميروو😂
ميرال : امشي يا كلبة. 😤😡
طلعت ايلول وضيفتهم
ام عبد الله: بسم الله مشاء الله ربي يحفظك 😍
ايلول : تسلمي عميمة ☺️
عمتي عبد الله خديجة : الله واحد عليك ربي يخليك لي اهلك 🥰
ايلول : شكرا ☺️ وقعمزت معاهم
خديجة : انتي اليوم يا غادة عارفة سبب زيارتنا
غادة : انشاء الله 😊
امنة ام عبد الله: أني نبي نطلب بنتك ايلول لي ولدي أحمد
غادة : ليا الشرف والله بس الرأي راي البنت وبوها ☺️
خديجة : انتي مشاء الله سمحة وكويسة طبعا ولدنا يخدم وحوشة قريب يكمله بإذن الله شن رايك
ايلول : في قلبها لالا منبيش .....اااا نفكر قبل
امنة : فكري يا بنتي براحتك والدنا نصيبات
ايلول : انشاء الله 🥰
........
عندي اني وميرال بعد ما طلعت ايلول
ميرال : خزي عليها الكلبة 😤😡
أني : غر تعالي انتي هني
ميرال : ههي 🤭😅خيرك شن تبي
أني : قعمزتها جنبي
أني : أني نعرف شن فيه بينك وبين منذر على فكرة فا خلينا من الاول فقش أني وياك زي منعرفك
ميرال : ااااااه به شن تبي توا
أني : خيرك معاه انتي ليش لما قالك بنجيب اهلي سكرتي في وجهها ومعاش رديتي عليه
أني : تعرفي أني اول مرة انشوف اللمعة هذي في عيون منذر لان معروف بناوتي لكن توا لا تغير هلبا والله لما يحكي عليك تقول يحكي على ملكة والله يحبك باهي وكلميني وقالي اني ناوي معاها الحلال ليش ماتبيش
ميرال : أني من قالك منبيش
أني : كيف يعني 🙂
ميرال : ختام مبردك إيه أني نحبه باهي وتعودت عليه بعد ما الكلب ولد الكلبة سيبني لقيت منذر جنبي في الاول مصدقتاش بس بعدين خليته عشقته حتى الاحياء مش زي احساسي مع حسن ❤️❤️
أني : الله الله وين كان هذا كله 😏😑
ميرال : هني وأشرت على قلبها ❤️
أني : به ليش معاش كلمتيه
ميرال : أني كنت نتأكد من مشاعري وقررت اليوم في الليل نكلمه بس انتي سبقتي
أني : اهااا باهي ربي يتمملك على خير يا ربي
ميرال : امين وعقبالك 😂
أني : سرحت وتفكرت إبراهيم وبعدين جي اندور في وسط عيوني اني : لالا اع اعوخزي عليك 😑😒😒
ميال ... وقطع تيليفوني يرن
أني : الو
زيد : ايوا اسمعي قولي لي ايلول تطلع لي المقابل الشرعية 😒
أني : به غر وسع بالك خيرك
زيد : تي مش راضي اختي تطلع لي ولد نحس فيها تقول .. استغفر الله
أني : والله ان دماغك مسوس وفيه زردة وسكرت في وجهها 😂
ميرال : خيره الحمار هذا
أني : اسلوبك زي وجهك .. المهم مش عاجبه قال اختي تطلع لي ولد نحس فيها ....
ميرال : والله خوي دماغة في زردة 😂😂
أني : فيها شواء وبورديم 😂😂
ميرال : تي امشي خيرلك
أني طلعت وأني نضحك وساكت عليهم
خديجة : مشاء الله هذي اختك
أني : لالا اني بنت خالتها
خديجة : شن تقري مواليد كم
أني : نقرى كل إنسان مواليد 1999
خديجة العمر كله مشاء الله تبارك الرحمان سمحة
أني : هذا من ذوقك عميمة ☺️.
خديجة مرتبطة
أني : اا لالا
خديجة : به شن رايك ناخدك لي ولدي م 1995 يخدم دكتور جراحة
أني : ربي يخليهولك بس الحق مش مفكرة فيه. الموضوع توا لان نبي نكمل قرايتي
خديجة : غر فكري
أني : انشاء الله ... ونقذني تيليفوني من الموقف
أني اسفة نستأذنكم ايلول تعالي معاي
امنة : اذنك معاك
خديجة : اذنك معاك وفكري زي مقلتلك والله منلقاش خير منك لي ولدي
أني : انشاء الله وطلعنا
أني : واااك هذا شني
ايلول : هههه خيرك يا حيوان المرأة كويسة تهبل
أني : مقلنا شي بس اني واضحة قلت لا
ايلول : به غر شن فيه
أني امشي بديري مقابلة شرعية
ايلول : لالا منبيش
أني : ايوا زيد تهبل جاياتك
ايلول : يا حيوانة
أني : سكري كشختك وبري .طلعت ايلول وهيا تشري وتلعن
ايلول : شادة الصفرة وترجف خشت لي المربوعة .............
يتبع ✨✨
انشاء الله تعجبكم الحلقة واسفة على الأخير بس والله قراية وسحن 😖😩
❤️❤️
أنت تقرأ
حياتي مؤلمة 💔💔
Roman d'amourرواية حياتي مؤلمة 💔💔 رواية حياتي مؤلمة مزيج من الخيال والواقع🌸 وخليط من الحب والحزن العشق و الألم 🍃 قراءة ممتعة😘 # ŘÖŘÿ ÄŁ💙
