حياتي مؤلمة 💔💔

الحلقة 16💜

# ŘÖŘŸ ÄŁ 💙
أني : نشبح لي إبراهيم : الطير اللي عويناته سوووود
البنات : يا ليل يا ليل
أني : نصيدوا فيه بلا باروود
والبنات يعيطو 😂😂
الشباب : اقواى عليهم ختام 😂😂
أني : غيرت نغمت الدربوكة لي اغنية تانيا
أني : جيراني جيران ملاح
البنات : جيراني ورد و تفاح
أني : جيراني جيران الفل
البنات : لا فيهم عيب ولا ذل
أني : الجار الباهي نمشولة
البنات : صباح الخير نقولو
😂😂😂😂😂
أني : صاحب خويا وين يجينا
البنات : حي حي حي حي
أني : يانقعد نرقص في الكوجينة 😂
البنات : حي حي حي حي
أني : صاحب خويا وين يمر
البنات : حي حي حي
أني : يا نقعد نرقص في المامر
البنات: حي حي حي حي
أني : صاحب خويا وين يعدي
البنات حي حي حي حي
أني : يانقعد ناخد في الموهدي
البنات : حيييييييي
أني :مريضة مانبيش حبوب
البنات : حي حي حي حي
أني : مريضة جيبولي ايووووب
البنات : ووووووووو
أني : مريضة ما نبيش دواء
البنات: حي حي حي حي
أني : مريضة جيبولي علاء
ناض علا يصفق 😂
أني : والللون ذبلنا اسمر سمح اللون ذبلنا
البنات : حي حي حي حي
أني : يا في سبها نسينا هلبا
البنات: ييييييييي
مريان : مانبوش ذهب وحرير
البنات : حي حي حي حي
مريان : يا نبوآ جنتل من الاخير
البنات : حي حي حي حي
أني : ولد العم شكارت خيشة
البنات : حي حي حي حي
أني : والبراني معاه العيشة
البنات : ووووووو
الشباب : شن قصدكم
أني : ولد العم شكارة سكر
الشباب : إيه هكي كويس
أني : يا والبراني عسل يقطر
البنات : ووووووووو
الشباب لاا هكي هلبا
أني سامحني يا ولد العم
البنات : حي حي حي حي
أني : يا غلا غيرك يجري في الدم
البنات حي حي حي حي
أني : سامحني يا ولد الخال
البنات : حي حي حي حي
أني : يا غلا غيرك قاعد  في البال

أني : دايراي روحة شخصية
البنات: حي حي حي حي
أني : ياكل في خبزة و شامية
البنات: خهههههههههه
أني وقفت : أني خلاص معاش نقدر حتى يديا صاروا حمر
الشباب مشاء الله وين هذا كله
البنات : ختام دربكيلنا مصري شوية
أني : ندربك عينك
البنات : هيااااااا
أني : وواااا تو تبدا تصرعوني وبديت نديربك مصري والشباب ناضوا داروا جو أني وقفت على خاطر تيليفوني
يانس خيرك وقفتي
أني لحظة بس ونضت رديت
أني : ايوا
إسراء : تي وين يا باردة يا تافهة معاش تردي خزي
أني : والله معاش فضيت بهي
إسراء : امممم باهي معذورة
أني : ههههه بسيف عليك يا ماما مش بي اختيار هوا
إسراء: مبردك ... شن ديري صوت دوشة جنبك
أني : أني في حوش عمتي ومدايرين جمعة ودربوكة كيف وقفت على صوت تشرينك
اسراء  : خزي يا كلبة كان أني غادي ره مدرتي شي
ايات : ختام تعالي تشربي عصير
أني : لحظة جاية وراك
ومشيت معاها
إسراء : نسيت مقتلكش
أني شني وشديت العصير وقعمزت
إسراء : البنت اللي اسمها علياء الللي تقراء معانا
أني : إيه عرفتها خيرها
إسراء : امس كان عرسها
أني : شرقت بي العصير لي درجة تبزع من فمي وقعدت نكح
أني : كح كح كححححححح كحكح
تلقطوا البنات عليا ولي يدق في ظهري من الخلف واللي شرب في المية ولي يقولي تنفسي والشباب ميتين بالضحك 😂😂
أني : ااااااااه خلاص هديتولي ضهري
إسراء: يا دراه انتي شن توا شن تحسي تمام
أني : شن بندير لك قريب متت من جرايرك
إسراء: عادي فداي
أني : المهم مش وقت الدوة شن منوا كيف صار
إسراء: حتى اني نصدمة زيك ولا بعتالي بطاقة ليا وليك وتحكيلي تقولي أحمد حبيبي دارلي وقالي على أساس تبيني نعاودلك وتنقهري
أني : ههههههه على أساس انتي معاودتيش توا
إسراء: تعرفي انك تافهة
أني : باهي ربي يهنيها وبعدين أحمد ميهمنيش أني مبنيتش معاه شي هوا بني أحلام مع روحه وبعدين جي يستفز فيا يعني يكلم في روحه بروحه
إسراء: عبط.عبط مدوري شي
إسراء: قوليلي شن اديروا
أني : ستني نفتح فيديوا وفتحت فيديوا
إسراء : هاي شن الجو بنات
البنات : تمام
إسراء : اسمعوا بنحكيلكم على ليلة عرسي
أني : لااااااااااااااااااااا
إسراء: ههههههه خلاص بنحكي
أني : لالا ورأس امك اسكتي معانا شباب
إسراء: شني شباب مني
أني : وجهت الكاميرا عليهم
إسراء : أو ووووووو إبراهيم هنيي شني ختاااااااام فرحانة ولا ح....
أني : خيرك شن تقولي سكري خيرلك بلا برادة
الشباب : شن فيه
أني : وه تتكلموا مع بعض مبردكم
شافوا لي إبراهيم
إبراهيم: خيركم سكر جلغتك انت وياه لاتخشلك ذبانة
أني : ريحوني منكم وانتي التانيا سلامات نحكوا بعدين
إسراء: تهربي تهربي
أني : سلااااام وسكرت عليها
وشفت لي إبراهيم اللي كانت نضراته ليا مش مفهوم اعجاب وحب وغيرة واعصاب بس محبيتش نبين
...........فات اليوم عادي لكن ميخلاش من العراك مع انور بس المرة هذي أني وابراهيم مع بعض
أني : هيا خلي نبي نروح نرتاح تعباااااانة
انور : تعالي نحيلك التعب
إبراهيم: خيرك شن حسك قلت انت ماتبيش تحترم ولا كيف
انور : شن ليك علاقة انت من دوي معاك وبعدين شن اللي خالك استانس وتقعد عندنا واحد منعرفواه من وين
أني : خلاص اسكت معاش نبي نسمع صوتك ولا فاضيا بيك ريحني ترا
انور : كيف تحبي ترتاحي عطيني طريقة وأني نطبق 😏😉
أني ...و
إبراهيم:  هجم عليه وبدي يضرب فيه بس بسرعة ما فكيتهم أني وشباب وجيت لي إبراهيم ترا خلي نشوفك شن صارلك وريني وكنت خايفة عليه
الكل كان يشوف بي صدمة
أني بعدت عليه : اااا قصدي علاش ضاربين بعضض تبوا تهبلوا انتوا .... غيرت اقوالي على أساس
فيه عيون صدقت وضربت الشك في راسها وفيه اللي مادورش
أني : بالله عليك نبي نروح أني اخطوني
وطلعت من جنبهم
سلمت على الكل وركبت في السيارة نستنى في خواتي
كنت لاهية في تلفون وطق الروشن خلعني
أني : ووه خلعتني
على : 😂😂اسف وين سرحتي
أني : لالا غر كنت نرد على إسراء
علي : به نبي نحكي معاك في موضوع
أني : تعالا اركب لي بين ماجو المفرخ
على: انتي ابداع موسع بالك
أني : على أساس إنت ناقص 😂
علي : مبردك به خليني نحكي ركب وقعمز جنبي
أني ؛ قول هيا
علي: تحبيه
أني : وات 😳
علي: بلا غباوة واستعباط تحسابيني منعرفش ولا منشوفش
أني :  kim. (من )
علي: ختاااااااام
أني : افففف تمام اوكي نحكوا غودة انت عندك الإجابة خلي نهدرز ا غدوة بعد نجتمعوا لكن والله تجبد حرف لي حد نقطعك
علي: ههههه والله من الاول أني ومنذر كنا عارفين بس سكتنا
منذر : صار بروا يا ختام ومنغير ما تقولي
أني : ااااااااااا من وين طلعت انت
ركب منذر السيارة من الخلف لما كنت نحكي مع علي ومركزتش عليه
منذر : ههههه هههه شفتي كيف
أني : باهي خلاص قلت نهدرز ا غدوة
على : تمام أصلا خواتك جو تصبحي على خير
أني : وانت من اهل الخير سلام
منذر ؛ سلام يمتع بروا
اني : صكرفمك
.................. ....
فات كل شي عادي والامور طيبة جي بابا وكان واضح عليه تعب بس قال مرض شوية وجي يوم  فاتحة امل وكان فيه مفاجأة نستنى في ختام
أني : ووووك عليا مش هني
كنان : تبي باهي ره الصندوق رزين
أني : غر تعالا حط هني
كنان : وك وانتي من الصبح خاشة في بعضك
أني : مش عارفة نحس انه فيه حاجة ناقصة
كنان : لالا كل شي تمام وبعدين انتي فاتحة العصر وفي الليل بديري حفلة بسيطة لي العيلة ولا معناها خلاص ... أني بنركب نرتاح شوية
بابا : كناااااااااااااااان
كنان : ياربي خيره كنان انشاء الله تشتاقوه بهي
أني : سكرفمك معاش ترد على بوك خلاص برا تو نشوفه أني
كنان : مشي وهو يتمتم
أني : نعم بابا
بابا : كححححححح كحكح اسمعي قولي لي كنان يعطيني مفتاح السيارة بندير دورة
أني : يابابا انت تعبان وين بدير دورة
بابا : يا بنتي قتلك بردة ولا خلاص معناه وبعدين فيه مفاجأة نستنى فيك بعدين
أني : شن هيا
بابا : كان قتلك معاش تبداء مفاجأة.    تعالي قعمزي جنبي
جيت وتكيت على صدره
بابا : قوليلي توا عمتك حكتلي على شي اللي صارلك واللي تشوفي فيها شن قصته فهميني
أني : اااااا بابا متهتمش عادي تخاريف
بابا : بنتي ختام احكيلي شن صاييرلك
أني : تنهدت بي وجع وحكيتله كل شي
بابا : نخطف لونه وبدي يكح بقوة
أني جبتله امية نجري .... بابا بابا تمام انت رد عليا
بابا داهش : تمام تمام غر انت امتى بدت معاك الحالة هذي وهل عرفتها من تكون
أني : بابا مش وقته بكل هذا
بابا : سألتك جاوبيني 😡
أني : تمام تمام متعصب صارتلي جو 4 أو 5 مرات لكن معرفتش من تكون ليش بس فهمتي
أني : بابا أني حاسة ان فيه شي مخبيه عليا قولي وريحني
بابا : مسح على شعري بحنان: لا شن بنخبي عليك مفيه شي غر انتي تتوهمي بس
أني : اوكي تمام .... محبيتش نزعجه بي الاسإلة لان كان تعبان خليته يرتاح وطلعت من عرفته ومية سؤال في راسي
اتجهت لي غرفة امل ودرت رنة لي الاء وكنان لان متعودين على جمعة مع بعض في دار كل واحد من
هدرزنا شوية وبكينة على أمل  لكن فرحانين هلبا وضحكنا عليها وبصرنا ولقحنى وبعدين كل واحد انجه لي شي يدير فيه
في الليل بعد قروا الفاتحة وتزغريط واغاني ينقلب الدنيا
أني : بابا بابااا كنت تنادي عليه في المربوعة
منذر ' خير
أني ترا ناديلي بابا
منذر به لحظة
شوي وجي بابا
أني : اسمع أمل كملت نمشي نجيبها ونجي
بابا تمام غر ارفعي معاك البارد كنان
أني : به كلمهولي
بابا تمام
مشيت لي السيارة ولعتها وقعمزت فيها ونشوف لقدام ونتكلم في داخلي 💙
أني : به مش كان قعدتي ولميتي حوشك وصغارك ره فرحانة توا بي بنتك لكن شوفي حبك وطمعك وين وصلك معقولة سيبتي صغارك سنين لا تندري عليهم وين ولا عارفة شن يديروا تجي تاخد فلوس وتخفي لهدرجة الام هكي هذا هوا وظيفة الام بجد أني خايفة نصير ام في يوم من الايام ومنعطيش صغاري حقهم من الحنان كيف بنعطيهم شي أني معشتاش شي أني محسيتش اذكرت لما قبل في المدرسة يديروا تعبير على الام ومنعرفش شن نكتب كنت نشوف في الصغار يكتبوا ويعبروا وأني في الامتحان نقعد نبكي الكل كانت نضرتهم ليا نضرت شفقة يغيرولي في موضوع التعبير بس كنت مرات نكتب أي شي نشوفه في الرسوم أو عند بنت خالتي ايلول لما تحكي على امها بس كله مكانش يسد 10 اسطر
كنت خاطري نجرب الاحساس هذا خاطري نعيش شعور زي هذا نبي تكون عندي ام نبي لما نقول كلمت امي تطلع من فمي بكثير من المعاني تحمل معاي مافيهاش حدود بس أني محسيتش بولا معنا ومجربتش ولا معنى من اللي قوله الناس فقت من شرودي على على صوت تليفوني يرن ودمعتي اللي نزلت على وجهي سخونة مسحتها وابتسمت لما قريت الاسم
حياتي ❤️
أني : الو
إبراهيم: اهلا وين مغيبة
أني : ههه والله حوسة والزحمة والشوشرة الي في راسي معاش خلتني نفضى لكن صدقني في البال وستغربت ما كلمتني
إبراهيم: ستاحشتينيش
أني : لو تعرف كم فاقدة هالصوت والروح الحلوة والضحكة الحلوة لو تعرف الشوق اللي فيا بس والله اكتر حتى من شوقي اللي حطان راسي على المخدة والراحة😂
إبراهيم: محلاها يا ربي ❤️
أني : امممم وينك انت هني عندنا
إبراهيم: لالا مزال مجيتش
أني علاش شن مزال ادير
إبراهيم: عندي موضوع الحق ومرات منجيش
أني : تبصر لالا بالله عليك تعالا مدايرين جو العيلة بس معانا حد
إبراهيم: والله كان بودي لكن طلعلي موضوع مهم
أني : اهم من شوفتي يعني وتوا كنت تقول مستاحشك
خش كنان : هيا اطلعي متخلوش الواحد يتريح تو نشوفوا لما نديرلكم العار غر نتزوج لما نعذبك
أني : وراسك اسكت وريحني
إبراهيم؛ ختامي حبيبتي اسف والله انتي الغلا شي بس والله عندي موضوع ما يتأجل
أني خلاص خلاص مش مشكلة خلي موضوعك ولما تبدي فاضيا ردبالك تكلميني تمام موضوعك تو ينفعك وسكرت الخط
كنان : توا عليا اني اديري في الطروح خلينا ندوا بي التريس واضحة تكلمي فيه علاش الجو
أني: مدام نتكلم بي التريس اخطاني ره واصلة حدها
كنان : به يا معصبة اطلعي
طلعت ومشيت لي أمل وطلعت ركبها كنان كانت لابسة قفطان وردي طويل منفوخ شوية ومكياج بسيط وناعم
أني كنت لابسة قفطان سكري طويل لكن مش هلبا على قولتنا ثلاث ارباع منفوخ فيه شدو من الوسط مدرتش غير ايلاين ومسكرة وروج خفيف
الاء كانت لابسة قفطان عنابي قصير من قدام وطويل من الخلف وشوي مكياج لان منعتها 😂😂الأخت المتحكمة غر عمتي قتلها ديري شوية عادي لان جو عاطين فيها كلمة وهكي يلا كلهم كبروا وأني في عمرهم مادرت ديرهم 😂 المهم
روحت بي امل واني مغصوصة لكن كنان غير الجو وهو يمكن حس بيا فا حاول يغير الجو
أني. : باهي ربي يحضرني عرسكم ونشوف صغاركم مع أني مش عارف كنان كيف بيتحمل مسؤلية 😂كنان : خزي وتشوفي
امل : ههههه خلاص وراسكم معاش نتحمل عيوني بيدمعوا من الضحك
كنان : اااا قصدك خايفة على الستوك اللي ملعقتيه على وجهك 😂😂😂😂
امل : سكرفمك يا بارد اني حلوة تو نشوفوا ستوك مروة اهي جاية ونشوف ا
كنان : متخافيشش تو تشوفي غر بالله عليك شن نوع الملعقة اللي ستخدمتها لك بالك ندير بيها حوشي 😂😂😂😂
أني : شادة الضحكة بسيف : خلاص كنان بلا برادة زايدة
وصلنا لي الحوش ولما دخلت امل الكل يزغرت بس كان فيه حد فرحان لدرجة قعد يبكي بروحه الاء
اول ما شافت امل مستحملتش وركبت لي غرفتها تبكي 😭😭😭😭💔
أني : يا بنات وين الاء
البنات : والله منعرف ابصير وين مشت كانت هني توا
أني : به تو نشوفها ...  ماريا تواصي العصير وين
ماريا : في غرفة كنان حطيتهم هما والشكلاته
ان. : هيا تمام خلي نسقدوا الناس( طبعا كان فيه صحبات امل وصحباتي أني وصحبات الاء وشوية من الجيران ومعارف علاقتنا بيهم قوية )
ركبت لي الدروج نسمع في صوت شهقات قوية
مشيت تتبع في الصوت لي ن وصلت لي غرفة الاء فتحت الباب بي خوف
أني : لولي خيرك
الاء : ختااااام 😭😭😭😭
أني : لولي وخديتها في حضني علاش تبكي يا ماما خيرك متعاركة انتي  واحمد
لاء : لا
أني : املامن كلمك فهميني
الاء : منبيش امل تمشييييي😭💔💔
أني : تنهدت بي وجع .. خلاص حبيبتي هذي سنة الحياة يعني ضاروري تمشي وبعدين هيا فرحانة مع ميلود ومش حتباعد يعني هيا حتجينا ديما وتو يبدا عندها صغار ونديروا جو معاهم معقولة أنتي متفرحيلهاش هيا فرحانة تفرحي معاها خدت اللي تحبه وامورها تمام متكونيش انانية وبعدين تو بتطلعي حتى انتي شني معناها نقتل روحي أني
الاء : 😢 لالا بعيد السو عليك بس والله بنستاحشها منحبش حد منكم يفارقني
أني : قرصت خشمها : يخيتي محلاها اللي تحبنا وبعدين يا مهبولة امل مزال قاعدة مزال شهر كامل قاعدة على قلبك يعني امورك انتي وياها خليها حلوة في الشهر هذا خليها متنساشي
الاء : إيه صح معاك حق به خلي انوضضوا معاها ونديروها جو باش تفرح
أني : ياعمري ❤️ هيا خلاص نوضي وبعدين شفتها بي صدمة الاءءااا😲
الاء: خيرك
أني : وجهك ولا اسود ساحت المسكرة اللي قلت مديريش منها 🤣🤣
الاء : خزي عليك خلعتيني بهي مبردك
أني : به شن قلت على المكياج أني
الاء : درت شوية أني بعدين أني  مخطوبة يعني عادي
أني : تو نتفاهموا بعدين غر هيا خلي انزلوا الحاجات
نزلنا ونزلنا الحاجات
امل : وين الاء مقابلتنيش
ايلول: والله ما عارفة تبخرت هيا وختام
نزلت الاء وختام وكانت العيون على ختام هلبا
مشت الاء تجري لي أمل
امل : تي وينك يا طشة
الاء : قعمزت جنبها امولة العروسة ربي يهنيك وخيتي ويعطيك ما تتمني ويحققلك كل احلامك وتعيشي سعيدة مع ميلود وتنسي الماضي معاه واكتبي حياة جديدة حلوة معاه
امل : دمعت عينه حبيبتي وضنتها 😢❤️
أني : لالا امل تخربي الدنيا كلها فكيتهم من بعض بطلوا عاد
امل : أني نحبكم هلبا هلبااات ❤️
أني : وحني
فات الوقت وقالوا ميلود بيخش يعطيها هديتها
روحوا الجيران والبنات وقعدنا العيلة بس خشوا الشباب وحني البنات لبسوا عبايت وهكي ستغربت خشوشهم بس مركزتش هلبا
عمتي : ختام تعالي قعمزي هني صوري
قعمزت على الكرسي متع امل ومش فاهم خيرهم يتهامسوا
طف الضي وأني مش فاهم شي
أني : ولعواوالمولد بسرعة تو تعتروا في حاجة
حسيت بي شي غريب خفت فجأة ولع الضي وكان واقف قدامي إبراهيم ولابس ومشيك وعطره اللي واصل لي الدنيا كلها وكيف مساوي روحة وبدلته الرسمية اللي طالعة عليه خيال 😍😍
أني : من الصدمة معاش عرفت نرد
إبراهيم: يضحك وركع  على رجله قدامهم كلهم
الشباب : اوووووو.
إبراهيم: تتزوجيني تقبلي تكوني شريكت حياتي ومعاي في كل شي تقبلي تكوني ام صغاري وقبل كل شي تقبلي تكوني امي وعيلتي كلها ودنيتي
ختامي تقبلي تكوني زوجة إبراهيم ال......
أني : من الصدمة حضنته طول موافقة موافقة
كنان ' يا عم هو ره في مجمع وانتي يادراه بوك هني
أني : فقت على روحي وبعدته ومن الحشم معاش قامت راسي خذي ايدي ولبسني الذبلة وكان بياني بي المرة بس كان فيه صدمة اقوى من هكي
إسراء: شني مرت خوي فرحانة
أني : 😳😲
إسراء: تشوف لي ختام وابراهيم وتضحك
أني : سسسسرزوووووووو وحضنتها ونبكي
اسراء: غر بالشوية خيرك ختام
أني : كيف متقوليش جاية وبعدين شفت هلبا نساوين وام إسراء
أني : اااا من اللي مع امك معاش فهمت شي.
إبراهيم: هذي اختي إسراء تكون اختي وسعاد تكون امي
إسراء دارتلي بيدها هاي وتضحك
أني : اااااا ممستحيل انتي اخت إبراهيم تكذبي صح
جت سعادة : مبروك عليك بنيتي ختام والله محلاك تهبلي وخير ما اختار وليدي ومانتمنى كنة غيرك ليه
أني : ااااا عععم تيي سسعااااد انتي ام اابراهيم
سعادة : هههه إيه أني ام إبراهيم مش من قبل نقولك بناخدك لي ولدي وشاء القدر وحبك ولدي ووليتي كنتي
أني : نشوف لي اهلي ولي إبراهيم
إبراهيم: حلوة المفاجأة ولا
أني : حي وبابا كيف صار
كنت نشوف لي بابا اللي يضحك ويغمزلي
أني : لحظة تدبير من عندكم ولا والله متتحشموا وايلول الحيوان من بكري وهيا ساوي روحك يا ختام وتعدل في المكياج صار عارفين
ايلول : نسيتي شن درتي فيا رديتهولك 😁
أني : به فهمني بس
إبراهيم: جبت امي طلباتك من عمتك وبحضور بوك وبوي وراجل عمتك وحكيت لي بوك ان أني نحبك وكل شي بيناتنا في الاول اضايق بس لما قتله انك تبي من الباب تغيرت نضرته سأل عليا ووافق وقتله نبوآ ندير لك مفاجأة وخلاص هذا هوا
أني : 😶😳
إبراهيم: يضحك 😂
أني : 🙂به غر نكمل الشوشرة تو تشوف انت واسراء وكلكم بهي تو نوريك
إبراهيم: 😂😂😂
فات كل شي حلوا وليلى حلوة على ابطللنا كلهم