أحببت مختلفاً

اقتباس

كنت ماشية بخطوات خوف بصيت لقيت
الباب مفتوح دخلت وقفت جنب الباب بصيت على الكرسي اللي قصاد الباب لقيت حد قاعد وماسك لاب توب فضلت بصاله لغايه ما سمعت صوت وهو بيقول هتفضلي واقفه كده بصيت على الصوت لقيته صوته بس إزاى عرف ان أنا واقفه لاني مشيت بخطوات ما حدش يحس بها بس برضو لسه باصص في اللاب توب قفلت الباب قعدت على الكرسي اللي جنب الباب بصيت لقيته قفل اللاب توب وشد كرسي من وراء اتفاجئت أن هو ما بيعرفش يمشي كانت صدمه عمري بصيتله وقلتله أنت مشلول لقيته بصلي وقالي

_;إيه انتي ما تعرفيش ولا إيه ولا بتستعبطي
رديت عليه لا ما اعرفش لقيت رد علي
-"أحسن برضو ملكيش دعوه بي انتي واخده فلوس قعدتك هنا مش عاوز اشوف وشك قدامي ماشي

رديت عليه قصدك إيه يعني ما ردتش علي لقيته مشي دخل الاوضه سك الباب وراء فضلت قاعده مش فاهمه حاجه لغايه ما تعبت من التفكير ونمت مطرحي

**
فتحت عيني على بالليل قمت مخضوضه لقيته قدامي بيبص علي قلتله أنت بتعمل إيه هنا لقيتو رد علي
_ده بيتي وأعمل فيه اللي أنا عايز وبعدين إيه اللي نيمك هنا

رديت عليه بحزن آسفه أنا ما اعرفش حاجة هنا لقيته رد علي
_ تمام اللي هناك دي اوضتك
ماشي

_أستنى عندي شويه قوانين
رديت عليه وأنا مدياله ظهري قوانين إيه
_ أولا اوضتي متدخلهاش ثانيا ما تدخليش في حياتي ثالثا والأهم مش باحب دوشه ياه
رديت عليه تمام أسمى ريلام
_ تمام

دخلت الأوضة اللي هو قالي عليها كانت حلوة مترتبه بس هاعمل بها إيه أحلامي كلها ضاعت اللي كنت بتمناها وآخرتها أجي هنا حتى الإنسان اللي كنت هتجوزه سابني اللي حبيته من كل قلبي افتكرت اليوم ده
Flash back

دخلت اوضتي عشان اكلمه بس ما ردتش علي بعدها بشويه داخل على عمي اللي هو جوز ماما قالي انكتب كتابي النهارده بصيتله بصدمه إزاي هو مش بيرد علي لا مش فادي واحد تاني وانتهى الكلام وفادي تتنسي خالص لا نسالكي وخطب واحدة تانيه والنهارده خبطه عليه واحدة زميلته في المستشفى جهزي نفسك عشان هتروحي بيت جوزك النهارده سابها ومشي

-:تقول ريلام لنفسها / أنا لي بيحصل فيا كل ده أنا مش عارفه أنا عملت إيه بس ياربي أنا نفسي في حضن أمي قوي بس هي عمرها ما حضنتي زي ما بتحضن أخواتي حتي ده مليش بخت في حتي فادي سابني علشان واحدة تانيه ،

شكل العيب فيا أنا معرفتش احبب الناس فيا كل الدنيا بتكرهني و اجهشت في البكاء ،،،
قطع بكاءها صوت هاتفها وكان المتصل مها
ريلام بصوت باكي / الو أهلا يا مها إزيك
مها/ مالك يا ريلام صوتك عامل كده ليه في حاجة

ريلام / متخافيش يا مها الحمدلله بخير ،، أنا يا مها أنا حكمو عليا بالإعدام .. هيتجوزني واحد تاني النهارده ما اعرفش هو مين ولا ايه شكله

مها: طب فادي
ريلام/ فادي سابني يا مها وخطب واحدة تانيه زميلته في المستشفى
مها: طب هتعملي إيه دلوقتي
ريلام/ هرضى بالأمر الواقع
مها: هتتجوزي حد مشفتهوش ولا تعرفي
ريلام: ده نصيبي رضيت بي
:-مها\ أنا مش عارفة اقولك إيه
ريلام:- ما تقوليش حاحة أدعي لي أن ربنا يقويني على اللي هاشوفه
:-مها/ يا رب يقويكي ويحميكي يا حبيبتي مع السلامه أبقى أكلمك تاني اطمئن عليكي
ريلام: يا رب مع السلامه

back
فوقت من تفكيري ومسحت دموعي قمت غير الفستان اللي كنت لابساه رجعت أنام تاني بس ما عرفتش لأني كنت جعانة ما كلتش حاجة من الصبح افتكرت ان هو كمان ماكلش حاجة تلاقيكي هو كمان جعان قمت خرجت من الأوضة بس أنا مش عارفه حاجة هنا رحت ناحيه الأوضة بتاعته خبط بس ما ردتش علي خبط تاني بس برضو ما ردتش علي خفت ليكون جراله حاجة فتحت الباب بس اتفاجئت ان هو ....