ناضت الصباح قبلو و هبطت توجد القهوة حتى حست بيه موراها سواسوا
ياسمين:ااه صباح الخير
ريان بنعاس:علاش نضتي
ياسمين:ههه رانا خمرنا بالرقاد راهي الحداش غير وايدا راك نعسان كمل ارقد
ريان:امم مي مانقدرش بسك نضتي
ياسمين:اامممممممم مالا روح تغسل تلقاني وجدتلك القهوة
ريان:امم حاب نقولك حاجة
ياسمين:غير الخير
قرب ليها لدرجة ولات تتنفس هواه
ريان:عجبتني ريحتك
تبسمت معاه بحشمة و لي زادت غرقت فيها بعد ما حست بشفافو فوق خدها
ريان:حطيلنا نتقهواو دوك نرجع
ضحك معاها و راح دوش و كي رجع لقاها حاطة راصها فوق الطابلة
ياسمين:بببف راصي راح يطرطق
ريان:ياسمين وشبيك
رفدت راصها بلعقل
ياسمين:راصي حاساتو راح يطرطق راه يوجع بزاف
حطو يدو في جبهتها يمس فيها
ريان:ماعندكش الحمى نعطيك تشربي كاشي
ياسمين:مااه مانشربش الكاشيات يضرني
ريان:صحا عمري اشربي قهوة يخف عليك راصك
زيرت على شفافها و وجها ولا حمر بسباب الكلمة لي قالها
ريان:اواه نتي سور عندك الحمى شوفي وجهك راح يكلاطي راه حمر بزاف اصبري تشوفي
ياسمين:اييه ايه سور الحمى
هههه كوفت روحها ڨاع واش كاين
ناض و رجع في يدو قرعة مازهر
و بدا يرش فيها
ياسمين:اخااه ريان واش راك دير
ريان:اصبري لازم نشمخك مليح بالمازهر باش يحبس راصك بركاي ماكي تبوجي
حكمها بيد من كتفها و الزاوجة قعد يشمخ فراصها بيها
ريان:اياي تريحي بالاك ضربك الريح
ياسمين: بصح علاش هكا حاسة روحي حبة شاراك راني نريح حلوة اعع
ريان:ايا للفراش
ياسمين:ااه يا نتا راصي راه يوجع برك ماتزيدش عليها
ريان:خفي قدامي و ديجا مازالني نعسان نرقدو للزوج
ياسمين:هه و الدار شكون يستكلف بيها خلاص ريان روح ريح دوك شوية نجي اصلا ماكاش بزاف الخدمة
ريان:اطلعي
ياسمين:مااه ندير عالاقل لفطور
قلب عينيه و رفدها كيشغول شكارة تاع بطاطا فوق كتافو
ياسمين:تسما نتا لصقة شووف الدصارة يااو حطنييي
ريان:خلاص رانا لحقنا اصلا
ياسمين:دخت والله راصي راه يوجع
ريان:من جيهة تتوجعي و من جيهة ماتحكميش بلاصة دوك كي نرقدو يزل عليك شوية
سكتت شوية ابري بدات تضحك
ياسمين:رانا دايينها غير رقاد تحسب كوالا
ريان:اممم بصح والله راني نعسان اياي عندي
جبدها لعندو و عنقها بصح ماجاو يرقدو حتى صونا تلفون تاع ريان
تنهد بقلة حيلة و ريبوندا
ريان:وعليكم السلام
............
وجهو صفار و هو يشوف فياسمين لي تقعدت في بلاصتها كي شافتو مشوكي
و قلبها بدا يخبط بعد ما سمعت كلامو
ريان: لاحول و لا قوة الا بالله خلاص رانا جايين
كوبا و حكملها وجها بين يديه
ياسمين:غير الخير ريان شكون لي مريض
خذا نفس عميق و بلع ريقو
ياسمين:ريان جاوبني ماتبقاش ساكت هكا
ريان:يماك
ياسمين:واش راك تحكي يا راجل انا ماما ماتت عندها عشر سنين
ريان:بصح راه عيطلي باباك و قالي بلي مرتو راهي على فراش الموت
غمضت عينيها و تنهدت
ياسمين:و المطلوب
بقا يشوف فيها كيفاش ناضت و هي تزير على يديها و وجها ولا حمر
ريان:راني نستنا فيك
حركتلو راصها و هو خرج و خلاها
هبطت موراه لابسة عباية و رامية خمارها و ديماراو
أنت تقرأ
🌼ياسمين و ريان🌼كاملة
Romansaسلام هادي راح تكون اول رواية ليا فهاد الكونت نتمنى تعجبكم و تتلقى دعمكم
