فتح عينيه لقاها مقابلاتو راقدة و خدودها حمورا
حط يدو فوق خدها و قعد يمسح عليه
ريان:ياسمين نوضي ....يااااسمين.ياااسميييييييين
حلت عينيها بلعقل و شافت فيه
ياسمين:علاه تحب تنوضني بالعياط🥱😣 الرجال كامل ينوضو نساهم بالحنانة و رومنسية غير نتا تحسب راك تنوض في صاحبك😤
ريان:لوكان جيتي نتي كيما لبنات لي غير تهزهم ينوضو راني نوضتك بالحنانة عندي ساعة و انا عند راصك نهز فيك بصح والو
ياسمين:اممم صح عندك الحق بصح هكاك و مايلزمش تنوضني بالعياط
ريان:امم اوكي راصك ماراهش يوجع
ياسمين:نن بالاك كان خاصني الرقاد علابيها يوجع ايا انا نهبط راه الليل نوجد كاش حاجة نتعشاو بيها رقدنا حتى خمرنا
ريان:ماكاله امشي نخرجو ناكلو برا
ياسمين:راني عيانة
ريان:هايا نوضي تفاجي على عمرك
ياسمين:بصح
ريان:ايا اطلعي علابالي لوكان ماتخرجيش ياكلك قلبك
تبسمت معاه و راحت لبست عباية و رمات خمارها
ريان:تخرجي هكا
ياسمين:ماعنديش الخاطر باش نتهلى في روحي و اصلا انا واش نلبس تجيني شابة
ريان:اخااه شكون كذب و قالك هاد الهدرة
ياسمين:امشي امشي نخرجو😒
ريان:بطلت مانخرجش روحي طيبيلي
ياسمين:و الله ماتجي في يدي بركا ماراك تتمسخر بيا امشي اصلا راني عيانة
ضحك معاها و سبقها للطوموبيل
كانو يحكو حتى حبس الطوموبيل و ياسمين شافت فيه تاع منيتك🙄
ريان:وشبيك🤔
ياسمين:زعما يخلونا ندخلو
ريان:امشي نسيو زهرنا
ياسمين:راني خايفة يحسبونا طلابين
ريان:ربي يستر
هبطو للزوج و شافو في روحهم شادين الضحك
هي لابسة عباية تبهدل و رامية خمارها ملفوق و هو لابس تريكوتبو و سروال تاع بيجاما ڨري مع كلاكات
شدو بعضاهم. يمشو بالثقة الزايدة
غير دخلو للداخل الغاشي كامل شافو فيهم و هوما زعما ماشي سامعين بالدنيا و هادا كامل خاطرش مستر ريان جابهم لمطعم هااي كلاص و هوما لي يشوفهم يحسب هجالة مع خوها الزطايلي🤦🏻
كمونداو ماكلتهم وقبل ما يجيبولهم الماكلة جات لعندهم وحدة تمشي و تتعوج
....:احححمم معليش تتفضلو معايا نحكي معاكم
ريان:تنجمي تحكي هنا
....:وي نقدر مي مانيش حابة نحشمكم قدام الغاشي
ريان:علاش نحشمو حنا
....:هه شوفو روحكم واشمن نيڤو راكم و الراسطو تاعنا النيڤو تاعو وين
ريان:لحد الان مافهمتش واش تقصدي
ياسمين:دوك نفهمك هادي حابة تقوللنا بلي بلاصتنا ماشي هنا و هادا زعما تاع لقماقم ماشي تاع الزوالية
ريان:ايييه صحا دوك فهمت
....:اييه مادامكم فهمتو اتفضلو معايا
ريان:ههه نتي لي دوك تتفضلي لبرا
....:مافهمتش
شاف فيها و جبد تلفونو
ريان:راني لتحت اهبط تريڨليلي حاجة
ياسمين:انا جعت مازال باش تجيبيلي دوموند ديالي
غير كملت هدرتها شافت واحد وقف عند ريصانهم
.........:اووووو شكون جا لعندي
ريان:صفا محمد
محمد:صافا حمدلله ايييه واشمن ريح رماتك هنا
ياسمين:باينة ريح الجوع
محمد:اههه هادي المدام ياك
ريان:امم
محمد:متشرفين دوك يلحقك الدوموند تاعك
ريان:طولتوو
أنت تقرأ
🌼ياسمين و ريان🌼كاملة
Romansaسلام هادي راح تكون اول رواية ليا فهاد الكونت نتمنى تعجبكم و تتلقى دعمكم
