عشق وعذاب ......بقلم اروى الشرقاوى
❣الفصل الثالث❣
ومرت الايام على هذا الحال
تقى تحاول التودد لبرلنتى هانم للحصول على مهاب وهو لايطيق هذا
ومهاب بيفكر فى رويدا اول مره واحده تعانده كده كلهم بيترمو تحت رجليه
وروما ومروان عاملين زى القط والفار وتذهب كل يوم الى الشركه لرؤيته
*********
وفى احد الايام فى شركه مراد عز
وخصوصا فى مكتب مهاب
كان يجلس كل من مروان ومهاب وذهب مهاب لجلب احد ملفات مشروع ***** ويتحدث فى امر مع مراد عز
وجاءت روما
روما وهى بتفتح الباب ولم ترى مروان
روما :هوبا حبيبى العشق ياناس الموز بتاعى انتا فين
ولكنها تفاجأت بوجود مروان
مروان :بقا كده مهاب العشق وانا بلح صح
روما :انتا هارت الهارت ياسطى
مروان: ياسطى اموت واعرف بتجيبى الالفاظ دى منين
روما :من بوقى والله
مروان :بجد صدقى مكنتش اعرف
روما :اديك عرفت عد الجمايل
مروان :وحشتينى علفكره
روما :لم نفسك
مروان :هموت واسمع منك كلمه حب
روما :مروان خلينا فى المهم هتقول لمهاب امته على موضوعنا
مروان :انا مش عارف افاتحه ازاى ومع انى عارف ان والدك مش هيوافق بيا علشان ظروفى الماديه
روما :جرب يامروان انتا مش عايز تتعب يعنى ولا انتا حبك ليا مش قوى لدرجه مش قادر تواجه حد بيه وبعدين انا زهقت من حبنا الى فى الظلمه عايز مخفش وانا بكلمك حد يشوفنا عايزه مبقاش خايفه دلوقتى لمهاب يدخل علينا
وبعدين ليه مش هيوافق انتا مهندس ومستواك المادى كويس وانا بحبك فين الغلط يعنى
مروان :اخيرا سمعت منك بحبك
روما :يالهوى الطم يعنى سبت الكلام كله ومسكت فى ديه هتشل منك قريب
ومسكت شنطتها وقالت انا همشى لحسن مهاب يجى وينفخنى ولا حاجه
وفى اثناء ذهابها فتح مهاب الباب
مهاب :روما بتعملى ايه هنا
روما: كنت جايه اطمن عليك
مهاب :رجلك خادت على هنا اوى خفى ياماما مش فاضينلك احنا
روما:صدق انا غلطانه جيت اطمن عليك انا رايحه لبابا حبيبى
مهاب :طب ياله هو هناك فى مكتبه عليه ياله علشان عندنا شغل
روما :طب انا هامشى ياعم المشغول سلام
وذهبت روما لمكتب والدها
روما دخلت مكتب والدها وكان يجلس مع احد اصحاب الشاركات احمد وولده ادم
روما :بابا حبيبى وحشتينى
مراد :تعالى ياروما وانا اقول الشركه منوره ليه
روما:انا لقيتك وحشينى قولت اجى اطمن عليك وانتا نسيت الصبح تصبح عليا وانتا ماشى يابابى وهطلع من هنا على الكورس
مراد يقدم روما لاحمد :دى بنتى روما
احمد :ماشاء زى القمر يامراد بقيتى عروسه
روما :شكرا يا اونكل من ذوق حضرتك
مراد :وده ادم ابنه ياروما
روما وهى تسلم على ادم
روما :اهلا ادم
ادم :ازيك ياروما
روما :الله يسلمك
ادم :وانتى بقا خلصتى جامعه ولا لسه
روما :انا اخر سنه فى هندسه بس مقولش ممرمطه امى منفوخه فيها والله
ضحك الجميع وفى هذا الوقت دخل مروان ليسلم ملف المشروع لمراد عز
وتضايق من ضحك روما مع ادم
مراد :اتفضل يامروان كنت جاى ليه
مروان :كنت جاى ادى لحضرتك الملف بتاع مشروع***
مراد :طيب حطه يامروان
واستأذن مروان ونظره لروما نظره لم تفهمها
واستأذنت روما كذلك للذهاب للكورس
واكمل مراد حديثه مع احمد وادم
ولكنه لاحظ شرود ادم ونظراته لروما وفرح كثيرا فأحمد نفس مستواه الاجتماعى وكذلك ادم شاب وسيم وناجح فى عمله
***************
فى الجامعه عند رويدا
كانت تجلس هى وريم وهايدى
رويدا :والله زى مابقولك يا ريم بنى ادم رخم
ريم :بقى عليا ان الكلام ده ده مهاب عز ياماما الى بنات بلدك كلهم بيجرو وراه
الطم ياناس بقى ده تكلميه بالاسلوب ده هتشل منك ده بنات كتير هيموتو ويقابلوه
رويدا :ليه يعنى على ايه ده رخم
ريم :ماشى هعديهالك المره ديه
هايدى :هنبلعها يارودى المره دى ده مهاب عز
رويدا :واالله انتو فاضين ورايقين خلينا فى المذاكره يابنات
هايدى :بصو بقا انا نويت اعملكم حفله بسيطه كده على قدنا
ريم :بمناسبه ايه يقا
هايدى :اصلك جاهله عيد ميلاد رودى
رويدا :يابنت الايه دنا كنت ناسيه
هايدى :وانا اقدر ياباشا انسى عيد ميلادك
رويدا :اصيله يا ام رحاب تتشل الى فى بالى وهى تنظر لريم
ريم :على فكره انا كنت عارفه وجايبلك الهديه معايا هنا بس هديهالك بليل فى الحفله
وفى هذا الوقت جاءت اميره
اميره :حفله مين قال حفله ومن غيرى ياغجر انا زعلانه
هايدى :يخربيتك باجور اهدى شويه عاملين حسابك ياساتر
اميره :ايوا كده بحسب
ريم :ابقى اجمعى يا اوختشى
اميره :الحفله دى ليه
رويدا :عيد ميلادى ياندله وانتى ناسيه طبعا
اميره :ومين قالك انى ناسيه
ونظرت ريم وجدت حسام يمشى ركزت معه ونسيت اصدقائها تماما
رويدا :ريم ريم ريم
لم ترد نظرت بأتجاه اعينها وجدتها تنظر الى حسام
هايد واميره ورويدا :رررررررررريم
ريم :ايه فى ايه
رويدا :الى واخد عقلك
ريم بنحنحه :ده واخد العقل والقلب هموت ويبصلى
رويدا :ادعى ياريم انه لوخير يبقى من نصيبك
اميره :احنا مقضينها كلام وناسين محاضره الدكتور حازم
ريم :يانهار ياله بسرعه ده مركز معانا وخصوصا رويدا
رويدا :يتفلق ياله نروح المحاضره علشان نخلص من ام دى سنه
وذهبو للمحاضره
**************
فى شركه مراد عز
يجلس هو ومهاب
مهاب :خلاص ياباشا اتفقنا هروح انا وتوفيق باشا نقابل الناس الى جايه من لندن
مراد :مش عايز غلطه يامهاب
مهاب:عيب ياباشا هو انا تلميذ انا عارف هتعامل معاهم ازاى دنا تربيتك وتوفيق باشا اكيد عنده خلفيه
مراد :ماشى متفقين ويارا حجزت ليكم فى مطعم *** الساعه 9 انا متفق مع السواق هيوصلهم هناك
اتصل بتوفيق وظبط معاه يقابلك هناك
مهاب: تمام ياباشا اتفقنا هكون هناك فى الميعاد المظبوط
ومشى مهاب ليخبر توفيق ويستعد للموعد
**************
ومر الوقت وجاء الليل سريعا ووصل مهاب الى المطعم الذى سوف تتم فيه المقابله
وكذلك توفيق
ولكن تأتى الرياح بما لاتشتهى السفن فقد جاء توفيق ومعه تقى فهى اتت بحجه اللغه
(طبعا احنا عارفين السبب هى جايه لمهاب اصلا هى دى البنات ولا بلاش مبتضيعش وقت 😂)
وتقابل مهاب مع تقى وتوفيق
توفيق:ازيك يامهاب عامل ايه..... مواعيدك مظبوطه
مهاب :بخير ياباشا..... .انا بحب الالتزام
مهاب:ازيك ياانسه تقى
تقى بسهوكه :الحمدلله انتا عامل ايه
(لسه ابوها سأل بس تقولو ايه رخامه وخلاص ماعلينا)
مهتب :بخير ..واكمل كلامه ياله ندخل الناس زمانها على وصول
ودخلو واستنو فتره بسيط
وجاء الوفد لاتمام الامور المتعلقه بالمشروع
(جون :شاب فى اوائل الثلاثينات يتميز بجماله الغربى والوسامه والجاذبيه وهو يعشق الجمال المصرى ولايهتم بالعمل كثيرا)
(مارك:نفس عمر جون ووسامته ولكنه يعشق العمل ويسعى لاتمام العقد مع شركات مراد)
