#عشق وعذاب
❣الفصل الرابع ❣
ومر الليل على ابطالنا وجاء الصباح
عند مروان ورويدا
مروان :انا سيبتك بليل لان شكلك كنتى تعبانه
مالك بقى حصل ايه لكل ده
رويدا بغضب :قابلت صحبك الى اسمه مهاب ده هناك وقال ايه بيقولى روحى الوقت اتأخر واعملى ومتعمليش هو ماله بيا بنى ادم رخم صحيح
مروان :رويدا عيب كده فيها ايه يعنى لما طلب منك تروحى بدرى عادى خالص هو خايف عليكى زى اخته انتى بس الى مكبره الموضوع
رويدا:مكبره الموضوع انتا اصلا مشوفتش عاملنى ازاى اصلا هو ماله مدير المطعم يكلمنى ولا لأ هو ملهوش فيه
مروان :نعم ....مدير المطعم يكلمك بتاع ايه صدقى عنده حق مهاب فى الى عمله
رويدا:انتا هتعمل زيه كل الحكايه انو كلمنى لانى غنيت وسمع صوتى وعجبه وعجب الناس وكان بيطلب مينى انى اغنى فى المطعم هناك وإدانى الكارت بتاعه علشان لو رجعت فى قرارى ووافقت اغنى ايه المشكله بقا
مروان :غنيتى من غير إذن والمصيبه كمان عايزه تغنى هناك علطول دانتى اتهبلتى واتجننتى
رويدا :وفين المشكله مطعم محترم وكويس ومش هياخد من وقتى كتير وغير كل ده المبلغ الى هطلبه اخده
مروان بزعيق :هو انا كنت قصرت معاكى فى حاجه من يوم ماما وبابا مماتو ا......انطقى ناقصك حاجه
رويدا :مش حكايه كده انتا عارف إن انا بحب الغنى قد ايه وبعدين هغنى فى مطعم كبير زى ده واوعدك مش هقصر فى دراستى
مروان:خلاص سيبنى افكر فى الموضوع ده
يعنى ده الى كان مضيقك امبارح ومخليكى راجعه مخنوقه كده ...قومى ياله البسى وروحى الجامعه وانا هبقى ابلغك بقرار
رويدا :ربنا يخليك ليا يامارو
...هطير انا بقا علشان الجامعه
ودخلت غرفتها وابتسمت فجأه وحطت ايديها على شفايفها وغصب عنها افتكرت مهاب والى عمله ولكنها حزنت مره أخرى لأن مهاب فعل مالم يكن من حقه ودعت ربها ليغفر لها ٩
************
فى النادى عند برلنتى هانم كانت تجلس مع داليا وتقى (طبعا الاخت تقى لازقه لبرلنتى وهى فعلا عاجبه برلنتى لانها نفس العينه بتاعتها)
برلنتى :بجد ياتقى انتى ذوق جدا فعلا هتبقى سيده مجتمع اما تكبرى
تقى :مش معقول ياطنط الكلام الجميل ده ليا ميرسى ياطنط جدا
برلنتى :قولتلك انتى زى روما صراحه انا نفسى الى هتتجوز مهاب ابنى تبقى زيك كده ادب واخلاق وكمان متفتحه
تقى :ومين ياطنط متتمناش انها تبقى بنت او مرات ابنك بجد اى حد يتمنى
داليا :بجد يابيرى انتى دخلتى قلوبنا من اول مره اتقابلنا فيها ...انتى مش عارفه تقى بتحبك ازاى دى ملهاش كلام غير عنك وعن جمالك وشياكتك واسلوبك فى الكلام
برلنتى :طبعا انا كمان حبيتها جدا
(اه منهم جوز العقارب دول جابولى شلل ..يعينى عليك يامهاب هيلبس فى العقربه ده مكنش يومك 😂😂😂 )
تعالو نشوف حد غير الناس ديه
************
عند رويدا فى الجامعه
كانت تجلس هى وريم
ريم :عملتى ايه فى موضوع الغنى وافقتى ولا لسه
رويدا :مش عارفه لسه بقرر مش عايزه اهتم بالغنى واسيب الدراسه دى اخر سنه
