#عشق وعذاب ....بقلم اروى الشرقاوى
❣الفصل الثانى عشر❣
وعندما كانت رويدا شارده فى التفكير اتى مهاب ولم تنتبه له
مهاب :رويدا .رويدا
رويدا :ايه فى ايه يامهاب
مهاب :ايه انتى بتفكرى فى ايه انا هنا بقالى شويه بنادى عليكى وانتى ولا هنا
رويدا :مفيش
مهاب ونظر لروما النائمه بحزن :ايه لسه مفاقتش
رويدا :خليك جنبها انا رايحه للدكتور اتابع معاه حالة مروان
مهاب :اجى معاكى
رويدا لنفسها :معدش ينفع تبقى معايا ....لا خليك هنا مع روما
وخرجت رويدا
وذهبت للطبيب
وخرج مهاب للجميع بعد ما اطمن على روما
محمد:طيب يامهاب يابنى احنا هنمشى دلوقتى وبكره هانجى نطمن عليهم
مهاب :ماشى ياعمى وشكرا لحضرتك
محمد :احنا اهل يامهاب
ياله ياساره انتى وحسام وانتى ياريم يابنتى تعالى معانا
لان اكيد رويدا هتقعد مع اخوها مروان واحنا اكيد مش هنسيبك تقعدى فى البيت لوحدك
ومش هينفع تفضلى هنا
ريم :لا انا هقعد مع رويدا مش هينفع اسيبها فى الوضع ده لوحدها
مهاب :انسه ريم متقلقيش انا معاها ومش هسيبها
اوامت لهم بالموافقه وذهبت معهم بعدما ذهبت لرويدا واطمئنت عليها وهى عند الطبيب
رويدا عند الطبيب
رويدا :يادكتور الحاله مستقره ولا لسه فى خطر
الدكتور:الحمدلله ساعات الخطر عدت
رويدا :دكتور هى مواعيد الادويه امته انا هساعد معاكم وانا متخرجه من طب وده اخويا اساعده
دكتور :انتى حالتك دى متسمحش انك تساعدى حد متقلقيش الممرضات عنده وه خلص كل الجرعات انهارده
رويدا :شكرا يادكتور انا هستأذن دلوقتى
وذهبت امام غرفه مروان
مهاب :الدكتور قالك ايه
رويدا :بخير الحمدلله
مهاب :طب تعالى نقعد فى غرفه روما
رويدا بحزن :روح انتا وانا هجى كمان شويه
مهاب حضنها وقال :متقلقيش كل شئ هيبقى كويس الحمدلله
رويدا بدموع :انا خايفه يامهاب خايفه قوى
مهاب طلعها من حضنه ومسك وشها بإيده :اوعى تقولى كده مش انتى بتقولى انى انا سندك
رويدا :علشانى سيبنى لوحدى دلوقتى وروح اطمن على روما
ذهب مهاب لروما وظلت رويدا امام غرفه مروان واقفه امام شباك غرفته وتلعن نفسخا انها سبب مل ماهو بيه
وفجإه وجدت ممرضه تتوجه لباب الغرفه وكادت ان تدخل الغرفه ولكنها اوقفتها
رويدا :انتى رايحه فين
الممرضه بتلخبط فى الكلام : داخله للمريض اديله الجرعه بتاعت العلاج
رويدا :بس الدكتور قالى انه خلص الجرعات
ورينى العلاج الى معاكى ده
الممرضه زقت رويدا وجريت بسرعه ورويدا جريت وراها ومقدرتش تحصلها وفجأه رن هاتفها ووجدت رقم غريب
رويدا :الو مين
مراد :عرفتى ان ممكن اعمل الى انا عايزه واقدر اوصل لاخوكى وانتى كشفتى الممرضه
علشان انا كنت عايز كده عايز اعرفك انى مبهددش
رويدا :حرام انتا ليه بتعمل كده
مراد :الحل فى ايديكى تنقذى خيات اخوكى
رويدا بحزن كبير على ماوصلت له:موافقه بس اطمن على مروان والنتيجه تظهر وانا هختفى من البلد كلها
مراد :براحتك بس خليكى فاكره انا ممكن اعمل ايه ..وقفل السكه
رويدا لنفسها :انا تعبت مش عارفه اعمل ايه وانهارت فى البكاء
ورجعت مره اخرى لتنظر لمروان من زجاج الشباك
وفى هذا الوقت اتى مهاب
مهاب :رويدا انتى لازم ترتاحى كده مينفعش
رويدا:لا مش هرتاح واصلا مفيش راحه من غير مروان عايز ترتاح انتا اتفضل ارتاح او امشى انتا حر
مهاب :انتى ليه بتكلمينى كده
رويدا :انا تعبانه سيبنى دلوقتى خلاص هروح انام عند روما وروح انتا وتعالى الصبح سيبنى فى حالى بقا
مهاب:طريقتك اتغيرت مالك يارويدا اتكلمى فضفضى
رويدا :مفيش يامهاب انا كويسه اطمن
مهاب :خلاص براحتك طيب روحى انتى ارتاحى جمب روما وانا هقعد هنا ومتعترضيش ياله امشى
وذهبت رويدا لغرفه روما وتبقى مهاب بجانب مروان وهو يفكر فى تغير حال رويدا
*************************************
عند مراد فى قصره وخصوصا المكتب
.......:عايز افهم ياباشا دماغك ماشيه ازاى انتا كنت تقصد ايه من الحركه ديه كلاما كده كده مش هتموته
مراد :غبى اطرق على الحديد وهو سخن يامغفل هى دماغها كانت شغاله توافق ولا لأ وقلبها كان رافض كانت مشوشه وكامت شاكه انى ممكن اعملها تانى انا بقى بعت البنت ديه علشان اعرفها انى مش بهزر واحسم الصراع مابين قلبها وعقلها فهمت يامغفل
.......:انتا مدرسه ياباشا
*************************************
فى بيت محمد الشافعى
ساره :نورتى البيت يابنتى
ريم :البيت منور بأهله يا طن قصدى ياماما
ساره :ايوا كده ماما
محمد :والهى يابنتى الفيلا نورت بوجودك معانا ربنا يبارك فيكى
ريم :ميرسى ياعمى ربنا يخليكم
محمد :عمى مين بابا اشمعنا بتقولى لساره ماما
ريم تمازحه :اصل حضرتك صغير على كلمه بابا اوووى
محمد :شايفه ياساره علشان بقولك انى لسه شباب
ساره :والنبى ياريم كده ينفع ده صدق نفسه خالص طب دنا لسه شباب اكتر منك
ريم :صراحه ياماما عمى زى القمر مش خايفه البنات تعاكسه
محمد بضحك شديد :انتى مشكله ياريم بس هتقولى بابا بردك
ريم :احلى بابا فى الدنيا
حسام لم يعرف لماذا احس بالغيره من كلامها مع والده
حسام خلصتو ياله ياريم علشان تنامى علشان هنروح المستشفى بدرى
ساره :متتعبش نفسك ياحسام بنتى هتنام فى حضنى
حسام :ازاى ياماما ده
ساره :بنتى هتنام فى حضنى ليك شوق فى حاجه ياحبيب ماما
حسام :انتى متأكده انك مامتى ولا حوده البرنس
ساره :امشى ياد من هنا على اوضتك ونام
محمد يهمس لحسام بصوت مسموع :عندك حق ياواد ياحسام حوده البرنس
ساره :بتقول حاجه يامحمد
محمد :ساره حبيبتى دنا بقوله مامتك دى احلى موزه
ساره بحسب
ريم وهى تضحك بشده عليهم
ساره :ياله ياريم ياحبيبتى انتى تعبتى انهارده
وذهب الجميع للنوم
*************************************نرجع لرويدا فى غرفه روما
رويدا فى صراع مبين قلبها وعقلها
عقلها :كان لازم تعملى كده لازم تحمى اخوكى وتنقذيه من الموت
قلبها :لابس ده حبيبك حب عمرك هتتنزلى عنه ازاى بسهوله كده
عقلها :امال اسيبه يموت مروان
عقلها :كده عملتى الصح ده اخوكى بردك ومراد مبيهزرش بيتكلم بجد ده معندهوش رحمه
قلبها :كنتى بلغتى مهاب باالى مراد عمله كان اتصرف
عقلها :واما تبلغه يافالح مش هيقدر يموته هى عملت الصح اسكت انتا
رويدا حطت ايديها على ودنها وصرخت كفايه كفايه كفايه انا تعبت خلاص تعبت وقعدت على الارض
مهاب كان ذاهب يطمن عليها
ولما اقترب من غرفتها سمع صراخها وبسرعه دخل الغرفه وقومها
مهاب :رويدا حبيبتى مالك قومى فى ايه
رويدا بصراخ :ابعد عنى ابعدو عنى كلكم مش عايزه اشوف حد انا تعبت منكم كلكم انا تعبت انا الموت اهون
مهاب بإنفعال :ايه الى بتقوليه ده انتى اكيد اتجننتى
رويدا :اه اتجننت ارتحت كده ابعدو عنى بقى سيبونى فى حالى
مهاب :انا هسيبك دلوقتى اكيد اعصابك.تعبانه علشان مروان
وطلع مهاب وقعدت رويدا تفكر هتعمل ايه واتمنت انها تكون ميته احسن من موقف انها تختار بين حبيبها واخوها وعفت من كثرت التعب والضغط النفسى
عند مهاب محتار هى ليه بتعمل كده بس بيفسره انها خايفه على اخوها
*************************************
عند مراد بعد مالشخص ألى كان معاه طلع واثناء خروجه من المكتب
برلنتى :مين ده يامراد وكان عايز ايه
مراد :اخيرا هخلص من البنت ديه واجوز مهاب الى انا عايزاها
برلنتى :بجد يعنى خلاص انا ابنى هيتجوز بنت من الطبقه بتاعتنا عملتها ازاى ديه
مراد :متشغليش بالك المهم انه هيحصل
ياله ننام علشان نروح لروما الصبح
*************************************نرجع لريم وساره فى غرفه ساره
ساره :خدى ياريم البجامه ديه نامى فيها كانت عباره عن بنطلون من اللون الاسود وبلوزه قطنيه من اللون الكشمير وعليها كلام انجليزى
ريم :غريبه دى بناتى جداا انتى بتلبسى الحاجات ديه
ساره :انا طبعا هو انا صغيره انا فعلا بلبس الحاجات ديه بس دى مش بتاعتى فعلا انا معنديش بنات بس كل ماروح اشترى حاجات ليه وتعجبنى حاجات شبابى كده اشتريها واعينها للى هتتجوز حسام ايدبنى اتمنى يابنتى يعجبوكى
ريم قامت وحضنتها
ريم :انتى حضنك حلو اوى ياماما
ساره :وانا حبيتك ياحبيبة ماما تص.قى يابت ياريم انا حاسه انى اعرفك من زمان
ريم :وانا والهى انتو دخلتو قلبى بسرعه
واخذت ريم البيجامه ودخلت الحمام وتوضئت وخرجت لبست اسدال احضرته لها ساره وأدت فرضها ونامت فى حضن ساره ونامت نوم عميق
عند حسام بيفكر هو ليه غار على ريم من والده هو اصلا مبيحبهاش
حسام يحدث نفسه :انا بحبها معقول طب ازاى وامته لا انا مبحبهاش ده مجرد اشفاق على حالتها لانها يتيمه
بردك بتضحك على نفسك
انا مبحبهاش ومش هحبها انا بحب جودى ومش هحب غيرها
فلاش باك
حسام :جودى قولتلك متلعبيش مع الاولاد دول تانى ليه مش عايزه تفهمى
جودى :انا خلاص مبحبكش انتا بتزعقلى كل شويه وهقول لبابا
جودى:بابا .بابا
يوسف :فى ايه ياجودى ياحبيبتى
جودى:حسام كل شويه يزعقلى انا مش بحبه خالص
يوسف :مزعلها ليه ياحسام
حسام :بتلعب مع اولاد وانا ميت مره اقولها بلاش لعب مع ولاد انا مبحبش مراتى تلعب مع ولاد
ضحك الجميع
يوسف :اسمعى كلام حسام مش انتى بتحبيه وقولتيلى كده
جودى :اه خلاص ياحسام انا هسمع كلامك بس مش تزعقلى تانى
حسام :ماشى ياله نلعب بقا
جودى :ياله
محمد :حسام بيحب جودى بنتك اوى يايوسف
يوسف :فعلا انا مش هلاقى حد يخاف عليها اكتر من حسام
محمد :ولا انا هلاقى عروسه احسن من جودى حبيبت عمها
ساره :ايه رأيك فى الكلام ده ياليلى
ليلى :ده حسام ابنى مش هلاقى احسن منه لجودى
ساره :جودى دى قلبى حبيبتى كان نفسى اخلف بنت ربنا مأرضش جودى ملت الفراغ ده
باك
حسام :نفسى اعرف مين الى خطفك ياجودى
*************************************
ومضى الليل على ابطالنا
فى الصباح
جاء الظابط لاخذ اقوالهم بخصوص القضيه
وقالت رويدا انها حادثه عاديه ولاتعرف من فعلها
وكذلك مهاب نفس الكلام لان مروان لايوجد له اعداء
وذهب مهاب لجلب العصائر له هو ورويداوخرجت رويدا من عند روما للاطمئنان على مروان
وفى هذا الوقت جاء حازم (طبعا فاكرينه نهاره اسود مهاب مستنيه هينفخه ياله كان ابن ناس )
*************************************
ياترى حازم جاى ليه ؟
ومهاب هيعمل فيه ايه؟
ورويدا هتتصرف ازاى ؟
متابعه لصفحتى الشخصيه علشان يوصلكم بقيت الفصول 😘😘😘😘😘لاتوصل لغير المتابعين
