#عشق وعذاب
❣الفصل الخامس❣
وخرج الجميع من مكتب العميد ومن الجامعه
وكانت رويدا تستعد للذهاب هى وريم
مهاب :انسه رويدا ممكن كلمه
رويدا :عن اذنك ياريم هشوف الاستاذ عايز ايه
وذهبت رويدا مع مهاب
رويدا :نعم عايزه ايه ارتحت
مهاب :ارتحت من ايه ...وبعدين عايز اعرف ايه الكلام الى قالهولك خلاكى ضربتيه بالقلم وهو ليه كلام معاكى اصلا
رويدا :الى حصل ...الى حصل كله بسببك انتا الكلام الى سمعته كله بسببك الى حضرتك عملته معايا بره المطعم الدكتور شافه وبما انى رفضت اتجوزه وقلتلوه انى مبفكرش غير فى تعليمى وشافنى بالوضع ده مع حضرتك
لازم يفكر انى واحده سهله ورخيصه
من فضلك ابعد عنى وعن حياتى انا كرهت اليوم الى قابلتك فيه
مهاب :اخرصى بقا ...وانتى ليه الدكتور مهتم بيكى اوى كده
رويدا :ابعد عن حياتى بقا وسيبينى فى حالى انا ياسيدى ليا كلام مع الكل ووحشه ومش محترمه ارتحت
مهاب :اكيد اتجننتى
نسيبهم يتخانقو مع بعض ويكملو كلامهم
ونروح لحسام وريم
حسام :انتى ورويدا قابلتو مهاب قبل كده تعرفوه
ريم قلبها هيقف :اه قبلناه فى المطعم كان موجود واحنا هناك بس انا معرفهوش رويدا الى تعرفه صاحب اخوها
حسام وهو يحاول صنع حديث معاها:بس باين انتى ورويدا اصحاب اوى بشوفكو دايما مع بعض
ريم بإندفاع :جداا جدااا دى حبيبتى وصديقة عمرى
حسام ضحك على تلقائيتها:واضح عليكم اهم حاجه الصحاب الى بجد
ريم لنفسها (يخربيت ضحكتك ):اه فعلا
حسام :بس دكتور حازم كان عايز منكم ايه واشمعنا رويدا بيعمل معاها كده وليه تسمحولوه يقف معاكو اصلا
ريم :احنا مكوناش واقفين معاه انا كنت قاعده انا ورويدا ولقينا الى جاى يرخم علينا اصله متعود يجى يرخم كده دايما ويقلب الجو
حسام :نعم .....متعود يجى يتكلم و يرخم ازاى يعنى دايما مش فاهم يعنى انتو بتقعدو مع حازم علطول بسمعته الزباله ديه
ريم :لا فهمت غلط هو اصلا عايز يتجوز رويدا وهى رفضاه وهو مصمم على الجواز وكل شويه يجى يغلس ....واكملت حديثها وبينى وبينك انا يومها زعقتلها و قولتلها توافق وقولتلها ان موز وغنى عريس لقطه يعنى بس بعد الى حصل غيرت رأى
حسام رفع حواجبه :موززز تافهه وبعدين ده سمعته زباله ودى الفاظ يادكتورة المستقبل
ريم :اه والله دنا عليا شويه الفاظ عنب
دنا عليا جمل تهبل والله علشان هبقى دكتوره لازم اواكب العصر الى احنا فيه واعرف اللغه الى ماشيه فى السوق ولا ايه يابرنس تحب اقولك
حسام ضحك بشده:برنس دانتى مشكله والله مش عايز اسمع كفايه
(ريم سرحت فى ضحكه يالهوى هموت منك ياشيخ يخربيت حلاوتك )
حسام :سرحانه فى ايه
ريم : هاه مفيش
عند رويدا
ذهب اليهم حسام ويم لصوتهم العالى
مهاب :ياله علشان اوصلك وبطلى رغى
رويدا بصوت عالى :ايه البرود بتاعك ده وكمان عايزنى اركب معاك العربيه هى بقت سايبه اوى كده
ريم تتدخل لان الناس انتبهت لصوتهم العالى
ريم :استاذ مهاب احنا بنعتذر من حضرتك مش هينفع نركب معاك العربيه عن اذنكم
مهاب حاول يتكلم ولكن حسام اشار له بعدم الكلام وذهبت رويدا وريم واوقفو التاكسى وذهبو
وهو معجب جدا بموقف ريم
حسام :يعنى انتا مفكر انهم هيوافقو يركبو معاك دول محترمين يااستاذ وكمان بعد الى عملته انهارده هيركبو ازاى معاك
مهاب :غلطان يعنى اسفين ياريس ..انا همشى علشان اتأخرت على الشغل . سلام
حسام :سلام
وكل واحد ركب عربيته ومل واحد فى طريقه
وحسام فكر فى ريم وطريقت كلامها وعفويتها واحترامها (لولولولوللى الحمدلله بدأ يفكر فى البت )
*************
فى مكتب مراد عز
كان يجلس هو وتوفيق
مراد :الشغل كده ماشى كويس والارباح هتبقى اضعاف مضاعفه
توفيق :فعلا مهاب اقنع الناس بسهوله وتمم الصقفه مع الاجانب بشروطه
مراد بفخر :طبعا ده تربيتى ده ابن مراد عز مش اى حد
************
عند مروان وروما
قاعدين فى مكان منعزل خاص بيهم
روما :كده معدش ينفع يامروان انا زهقت ودى اخر مره هقابلك فيها انتا هتتقدم امتى عايزه اعرف
مروان :انا خايف باباكى مش هيوافق بيا
انا مهندس فى اول طريقى وشغال عنده فى الشركه وكل الى املكه عماره انا واختى ومبلغ فى البنك يعنى بالنسبه لمراد عز فقير
روما :وانا موافقه على ظروفك وحبيتك وانتا كده انتا بقا مش عايز تتقدم وقولتلك مستعده اقف قدام الدنيا كلها علشانك انتا بقا كنت بتتسلى بيا ولا ايه اوعى يامروان تكسر قلبى انا امو.......
مروان قاطع كلامها:اتسلى بيكى انتى مجنونه انا من يوم ماشوفتك وانا حبيتك اول ماشوفتك قلبى دقليكى انتى وبس انتى كتير عليا اوى ياروما انتى اغلى من كده اغلى من انى اتسلى بيكى
روما :بحبك يامروان بس نفسى علاقتنا تبقى فى النور لو حد شافنا دلوقتى هيحصل مشكله ومهاب لو عرف مش هيسكت
مروان :انا هكلم مهاب وربنا يستر
روما :بحبك يامارو
مروان :وانا بعشقك ياقلب مارو ...بقولك ياروما مفيش حاجه كده على ماكلم مهاب
دنا غلبان والهى وحياتى عندك ياشيخه
مايا :مروان اتلم دنتا مشكله ياباى عليك يا اخى دنتا مصيبه اوعى كده علشان امشى
سلام يامارو
مروان :سلام يالى مدوخه مارو
ومر اسبوعين على هذا الحال
ولم يتغير شئ سوا انشغال مهاب بالتفكير فى رويدا
ولم يخلو من خناقات روما ومروان بسبب انه متقدمش ليها
***********
فى الشركه
فى مكتب مهاب
ذهب مروان للتحدث معه
مهاب :ادخل يامروان اخبارك ايه
مروان :يعنى بتسال دحنا فى الشركه مع بعض
بقالك مده كده مش مطمنلك وشكلك متغير انا حاسس بحاجه كده يارب تكون صح
مهاب :لا انا مبيتلعبش معايا انطق عايز ايه
مروان:لا انتا اتغيرت وشكلك باين عليه دنا حبيبك الى بفهمك احكى احكى وهسمعك
مهاب :ياسلام بقيت دكتور نفسانى
مروان :احكى انجز مالك
مهاب :هو لما تكون عايز تشوف حد بإستمرار وشاغل تفكيرك علطول وتحب تضايقه وبتغير لو لمحت حد بيبصله وتحلم بيه مروان وهو يضع يده على جبهة مهاب :انتا مش سخن صح امال ايه ده مهاب عز الى ميعرفش الحب وقع
مهاب :بطل رغى واخلص عندك حل للى انا فيه ولا انتا بوق على الفاضى
مروان :كنت نفعت نفسى بلانيله
مهاب ضحك :يخربيت فقرك ومين تعيسة الحظ إلى هتاخد مروان
مروان :مهاب اتكلم جد
مهاب :بجد مين الى وقعتك على بوظك ديه بس بجد محظوظه اختارت راجل
مروان :احم احم ..مهو ده الموضوع الى انا جايلك فيه
مهاب :ايه هتاخدنى معاك نخطبها يعنى
مروان :الموضوع مش كده انا جاى اخطبها منك انتا
مهاب بصدمه :ايه جاى تخطب مين
مروان بخيبه امل :كنت جاى اخطب اختك روما بس شكلى كده مش مناسب اسف انى اتجرأت وطلبت كده
ولسه هيمشى
مهاب :انتا اكيد اتجننت صح استنى انا موافق وبعدين انتا راجل يعتمد عليك اكيد هطمن مع اختى معاك
مروان :بجد موافق يخربيت رخامتك ياشيخ
مهاب :رخامتى امشى ياد من هنا معندناش بنات للجواز
مروان :لا دنتا حبيبى والله بس فكرك مراد باشا هيوافق
مهاب :الا قولى انتا عرفت روما منين دانتا مشوفتهاش غير مره واحده لحقت تعجب بيها وتحب كمان
مروان :اه لحقت خلص هتساعدنى ولا لا
مهاب :شكلك ناوى على خرابها بس متقلقش هسأل روما اشوف رأيها وبعدين نواجه الاسد
مروان :شكرا يامهاب وانا هستنى ردك يارب خير
مهاب :بإذن الله خير دنا هذلك بس اصبر جيت فى ملعبى
***********
هنعرف ايه الى هيحصل مع مهاب وعز
