#عشق وعذاب
❤الخاتمه❤
بعد مرور شهر على هذه الاحداث وجاء موعد زواج هايدى وسيف
فى فيلا محمد الشافعى فى غرفه حسام وريم
حسام :ريمو قومى بقا ايه الكسل ده ايه هتخلصى اليوم كله نوم
ريم بصوت ناعس :حسام سيبنى انام ارجوك واقفل البلكونه تعبانه وعايزه انام
حسام :قومى علشان ننزل نفطر وبعدين انتى ناسيه فرح سيف انهارده لازم تبقى جمب صاحبتك
ريم بزهق وزعيق :حسام قولتلك تعبانه ومش عايزه اكل ليه مش عايز تفهم
حسام زعل من كلامها ونزل
وهى حست انها ذودتها معاه لبست ونزلت وراه لقته بيفطر وهو مضايق واول ماشافها مابصلهاش وهى راحت قاعدت جمبه
ساره :شكلكم مش مرتحاله متخنقين ليه على الصبح
ريم :ابدا ياماما ده حسام قلبه ابيض بس انا قولتله انى تعبانه وعايزه اكمل نوم وهو زعل انا فعلا تعبانه والهى
حسام :انا قولت ننزل نفطر و النهارده فرح سيف علشان تحضر نفسها
محمد :استهدو بالله وياله ناكل وانسو الخلاف الى حصل
ساره :ياله ياحسام صافى يالبن
حسام :خلاص محصلش حاجه بس هى الفتره ديه اكلتها ضعفت وبتنام كتير انا قصدى تهتم بنفسها شويه
ريم :حاضر ياحسام ياله ناكل بقا
وبدأ الجميع فى الاكل وريم لسه بتحط اول لقمه فى بوقها جريت على الحمام والجميع ذهب خلفها ريم قعدت ترجع وتعبت بشده
وهى طالعه من الحمام وقعت اغمى عليها
حسام شالها طلعها فوق وساره طلعت وراه ومحمد اتصل بالدكتور
*****************
عند هايدى قلقانه النهارده فرحها
اتصل بيها سيف
سيف :صباح الهنا والسعاده على عيونى اخبارك ايه
هايدى :اسكت كده انا قلقانه مووت ومش عارفه اعمل ايه انا خايفه
سيف :حد يخاف من حبيبه انا عمرى ماهأذيكى ولو مش مستعده هسيبك براحتك
اهم حاجه اننا هنكون مع بعض والباقى مش مهم
هايدى :انا لو كنت لفيت الدنيا كلها مكنتش هلاقى زيك ياسيف بجد انتا مفيش منك اتنين ربنا يخليك ليا حبيب
سيف :قومى بقا ياكسلانه النهارده الفرح لازم تستعدى هتروحى البيوتى سنتر امته
هايدى :المفروض كمان ساعه هنروح انا واميره
سيف :طب هقفل انا اروح اضبط نفسى واستعد لليوم ده دنا مستنيه من زمان سلام ياموزتى
هايدى :سلام
وقفل سيف مع هايدى وبعد فتره اتت اميره وذهبو الى البيوتى سنتر
******************
فى قصر مراد عز
رويدا فى المطبخ تعد الفطار للجميع
برلنتى :ليه كده يابنتى فى ناس بتتطبخ هنا كفايه عليكى حملك وشغلك ليه بتتعبى نفسك خدى بالك من نفسك
رويدا :انا تعودت على كده ياطنط انى اعتمد على نفسى وبعدين تعب ايه دى كل حاجه تقريبا جاهزه فين التعب بقا
وفى هذا الوقت نزل مهاب ووجد رويدا فى المطبخ
مهاب :انتى بتعملى ايه عندك
رويدا :بجهزلك الفطار
مهاب :ولو انتى مثلا مجهزتيش اكل مش هناكل وبعدين فى ناس متخصصه للمطبخ يعنى مش مطلوب منك تعملى كده انا طالع البس واروح الشركه والفطار الى جهزتيه ارميه
وطلع مهاب الى غرفته
برلنتى :اطلعى ورا جوزك ياله
رويدا :لا هو زعل ليه الحق عليه بجهزله الفطار
برلنتى :اطلعى يابنتى تلاقيه زعل خايف عليكى وبعدين انتى بعدتى عنه كتير حاسس انه ظلمك والاحساس ده هيفضل معاه فتره وهو عايز يريحك
رويدا طلعت لمهاب لقيته لسه هيلبس
رويدا :انا اسفه مكنتش اعرف انك هتزعل كده
كنت مفكراك هتفرح ان بحبك وبهتم بيك
مهاب :تهتمى بيا تدخلى المطبخ بدل ماقوم من النوم الاقيكى جمبى انتى ليه مش فاهمه انا لحد دلوقتى حاسس بذنب الى حصل فيكى بسببى انا وبابا عايز اوعوضك عن كل ده
رويدا :انا وجودى جمبك وفى حضنك دلوقتى ده اكبر عوض ليه وانى شايله حته منك جوايا ده عوض ليا نظرت الحب الى فى عينك ديه عوض ليا انتى مكفينى عن الدنيا كلها وربنا عوضنى بيك يامهاب انتى وابنك الى فى بطنى
مهاب شالها وراح بيها للسرير
رويدا :استنى يامجنون رايح فين
مهاب :عايز اقول لابنى كلمه سر
رويدا :مهاب متهزرش احنا مش فاضين انا عندى شغل وانتا كمان
مهاب :شغل مين دلوقتى تعالى اسلم على ابنى ده وحشنى والتهم شفتيها فى قبله ساحره ذهبت بيهم لدنيا خاصه بيهم
(والنبى شهرذاد تعبت وهتتكتم خالص😂😂)
