♦️•••••النفس القاتل•••••♦️
√الجزء الخامس و الأخير ✨
🖋️: أسيل نور. Queen N 👑
مترجمة:انصاف
فاتت ساعة و زوج و ماجاش حتى بدات تقلق و الخوف يدخلها و ما أصعب الانتظار ، هو مرادف للموت البطيء...
بعد دقائق تم جاي داخل من الواضح من ملامحو الحزن الشيء لي زاد من توترها...
ناضت عندو بسرعة مستغربة من حالتو...
ساندرا (خايفة) : فابيان، مالك بطيت ؟ (شوقها لبنتها تغلب على فضولها و نطقات) : ماشي مهم ، ديني عند بنتي بليز ؟
نزل راسو بخجل مقادرش يشوف فعينيها ...
ساندرا تجر فيه من دراعو و تترجاه : بليز ياك قلتي ليا لقيتها ايميلي اوى ديني عندها هاني وليت مليحة و تعافيت ...
تنهدر بألم و نطق بجملة نزلات على مسامعها كي السم : ايميلي و طليقك دارو حادث...
وسعات عينيها بصدمة مقدراش و نطقت تطلب ميكونش واش راه فبالها بصح : كيفاش حادث، واش ايميلي بخير ياك ، حبوك قول راه مصرا ليها والو نترجاك افابيان حبوك...
شد وجهها بيديه يمسح دموعها لي بداو يطيحو من عينيها بحال الشلال و نطق : ساندرا ترزني...
دفعاتو و عيطت : وااااا جاااوبني ، ايميلي بخير ياك ؟
فابيان (متحسر على حالتها) : ماتت...
و كانت هاد الجملة كافية تخلي ساندرا تعيط تعيطة لو سمعها الجبل ينهار ، نزلات على ركابيها تبكي بصرااخ و وتزقي بالم اكبر و شحال صعيبة يموتو ولادك قدامك ، تحس بكبدتك تخرج من بلاصتها و قلبك خلاص مبقاش ينبض...
ألم مستحيل يتوصف و منتمناو لحد يجربو... صرخات و بكات و ضربت روحها و هرسات قاع لي حداها و الاهم قلبها لي تحطم لأشلاء حتى كمل بيها الحال تجري وحدها فالشارع كيما وحدا مهبولة و الألم لي فقلبها ميتوصفش...قدرت تبعد من يد فابيان لي تبعها و مالقاهاش...
قبل دقائق كانت فرحتها متعطيها لحد و دابا حزنها و ألمها مكرهاتش تنزعو و تقاسو و لكن ماشي قاع لي كنتمناوه يوقع...
طاحت على ركابيها و الشتا طيح مجهدة كأنو حتى السماء مشاركاها ألمها و دموعها...
تحس بالدنيا دارت بيها و صفعاتها آخر صفعة توقعات تلقاها ، كلشي إلا تموت بنتها الصغيرة...
باقي ضحكتها تسمعها فوذنيها ، باقي بكاها فوذنيها باقي تفكر لحظاتهم و باقي فقلبها الشوق باش تشوفها بغات غير تروي اشتياقها ليها و لكن القدر للأسف كان ليه رأي آخر...
هي علاش دارت كلشي ، تحدات روحها و تخلات على المخدرات بعد سنين طويلة من التعاطي و الادمان و كلشي على قبل ضحكة ايميلي و حضن ايميلي...
مسحات دموعها بطريقة هستيرية و وقفات تصرخ باعلى صوتها : كداااااابيييين! كلهم كدابييييين كلكم كداااابين كلشي كدااااااب...
و سرعت فخطواتها عارفة نيشان وجهتها هاد المرة...
قصدت الدار فين كانت عايشة مع طليقها و بنتها ، دخلت من شباك بصعوبة و طلعت تحوس فحوايجها لي بقاو كيف هوما حتى لقات صندوق صغير كان مخبي تما...
شتتاتو فوق طبيلة صغيرة و أخيرا بان ليها ملجأها و منفذها لي تخلات عليه على ود ايميلي و لكن دروك حبيبتها مكايناش و مكاينش حتى سبب يخليها تعيش...
حطات خنيشة صغيرة عامرة بالكوكائين و نفتاحة (إبرة) فيها مخدرات و جلسات كتبكي الدم بدال الدموع و هي تفكر حياتها من حتى دروك ، الحياة لي عمرها نصفاتها كيف كانت تقول ، الحياة لي غير تشوفها ضحكات فدقيقة تعطيها سنين اخرى من الحزن و تقتل بسمتها....
موت بنتها دمر آخر نقطة بيضة فحياتها و رجعها لاول معاناتها ، صفات وحيدة من جديد تمنى الموت ولا هاد الالم...
جلسات حايرة بين انها تضرب قاع العداب لي فوتاتو باش تشافى فالزيرو فلحظة غضب و لا تلجأ مرة اخرى للمتنفس ديالها الوحيد فالدنيا و هو المخدرات ، الكتف لي تسند عليه...
فمكان آخر عند فابيان لي ماخلا فين قلب عليها تا بغا يحماق ، كيف لا و هي حبيبة قلبو و مازادو اللقاء معاها غير عشق و عشق ، خايف انها دير شي حاجة فراسها و تقتلو معاها لانو ميقدرش يتخيل الحياة بلا بيها هي نور عينيه...
فهاد الاثناء طاح فبالو دارها القديمة و كسيرا ليها متمني يلقاها تما....
فرع الباب هو و الشرطة لي معاه يحوسو ، و دخل و اول شيء شافو هي حبيبتو ، ساندرا ناعسة على الطبلة و حداها الغبرة مشتتة و نيفها عامر دليل انها شمات و معنقة تريكو تاع بنتها فيديها....
طاح قلبو فرجليه لدرجة انو تسمر فمكانو ، مشاو البوليس قامو بمهمتهم و قلبوها و للأسف لقاوها ميتة ، و محتاجش يديرو تحاليل لانو سبب الموت واضح {جرعة زائدة من المخدرات} ...
طاح على ركابيه طالق صرخة عظيمة تبعوها دمووع راجل تجرح و مات و هو عايش : ساندرااااااااااااااااااا ....
ماتت ايميلي الملاك الصغير لي بغاها ربي طير من طيور الجنة ، تبعاتها أمها بحرقة و الم على صدمة موت بنتها و صدمة حياتها و لي هي بالضبط موتها كان راحة و خلاص ليها ، و مات معاها فابيان ، مات و هو عايش ، مات عاشق و تطفات فقلبو شمعة حب معاشوش من الأصل و تستمر الحياة...
و تبقى الجملة الخالدة : تذكر مهما قست غرائز الحياة عليك... فالمخدر أقسى....
انتهت❤
آرائكن حبيباتي تهمني 😘
YOU ARE READING
النفس القاتل
General Fiction#حصريا_على_قلوب_التائهة.. ♡قصة مترجمة من مغرابية الى جزائرية♡ كاتبة:اسيل مترجمة:انصاف ♤ ابتسامة طفلك لا تطفئها بالمخدر ....... [حبة ... حقنة ... إدمان ... مـوت ...] جملة كتلخص قصة اليوم ، ثاني قصة ليا بعد #حرة_بلا_سلاح ، قصة قصيرة...
