ကျောင်းချိန်နောက်ကျနေတာကြောင့် ဘတ်စ်ကားပေါ်က ဆင်းတာနဲ့ စာသင်ခန်း သို့ မရပ်မနားအပြေးသွားလိုက်သည်။ ကံကောင်းသည်ဟု ဆိုရမည် စာသင်ခန်းထဲ ရောက်တော့ ဆရာ မဝင်သေးပေ။ ကျောင်းသားတွေရဲ့ သဘာဝအတိုင်း အုပ်စုဖွဲ့စကားပြောနေတဲ့သူနဲ့ ၊ စာတကုပ်ကုပ်လုပ်နေတဲ့ စာဂျပိုးတွေ ၊ တရေးတမော အိပ်ပျော်နေကြတဲ့သူတွေ နဲ့ စာသင်ခန်းအတွင်း တညံညံ ရှိနေသည်။
" အေး ငါ့အဖေ ဗီယက်နမ်ကို အလုပ်ကိစ္စနဲ့ သွားတုန်းက ဒီရွှေဒင်္ဂါးကို ရလာတာ "
ထိုကဲ့သို့ အသိုင်းအဝိုင်းကြီးတွေစုကာ ပြောနေသော စကားဝိုင်းက လူတွေက ဆက်မာန်ဟိန်း ကို မြင်တော့ ခြေဆုံးခေါင်းဆုံး တစ်ချက်ကြည့်ပြီး မတန်ဟန်ပြုကာ ပြောနေတဲ့စကားတွေကို ပြန်ဆက်လေသည်။ ဆက်မာန်ဟိန်း ခေါင်းငုံ့လိုက်ကာ ထိုသူတွေကို ကျော်ပြီး တစ်စုံတစ်ဦးမှ မရှိတဲ့ ချောင်ကျကျ တစ်နေရာတွင် ဝင်ထိုင်လိုက်သည်။ ရုန်းရင်းကန်ရင်းနဲ့ အခုဆို တတိယနှစ်ကို ရောက်လာပြီ။ လင်းရောင်ခြည် နဲ့ Role NO. ကွာသွားတာကြောင့် အခန်းလည်း မတူတော့။
ခနနေတော့ ထိုစကားဝိုင်းထဲကနေ ကောင်လေးတစ်ယောက် ထလာကာ သူ့ဘေးနား လာထိုင်သည်။
" ဘာလို့ နောက်ကျနေတာလဲ "
" ဆိုင်မန်နေဂျာကို အလုပ်နည်းနည်းကူပေးနေလို့ "
ပင်ကို မျက်နှာထားတည်တည်လေးက အလိုမကျမှုတွေနဲ့ ပေါင်းစပ်လိုက်တဲ့အခါ မာကျောသွားတဲ့ အသွင်ကို မြင်ရသည်။
" မင်း ကျောင်းလာရမယ်ဆိုတာ သူမသိဘူးလား "
" သူကမခိုင်းပါဘူး မောင် က အတင်းလုပ်ကူတာ "
အထင်လွဲပြီး တခြားသူကို အမြင်စောင်းမှာစိုး၍ အလျင်အမြန် ဖြေရှင်းချက်ပေးရသေးသည်။
" အော် သူတော်ကောင်းကြီး "
သူ့ကိုရွဲ့ပြောနေတာကို သိတာလား မသိတာလား မသိ ဖြူစင်ရိုးသားတဲ့ မျက်နှာကြီးနဲ့ ပြုံးပြုံးကြီးလုပ်နေသည်။
" မျက်တွင်းကဟောက်ပက်နဲ့ အိပ်ရော အိပ်ခဲ့လား "
" မနက်က ခနတော့ အိပ်လိုက်သေးတယ် "
YOU ARE READING
" စေတနာရုံ ခြုံကာလွှမ်းလို့ မောင့်မေတ္တာဝေ"
Romance🤍 In a relationship with Mg's Saydanaryone Start Date - 3. 8. 2021 End Date - 6.11.2022
