စေတနာရုံ တော်တော်ပျင်းနေပြီဖြစ်သည်။ ဒီနေ့ ဆေးကျောင်းသားဘဝရဲ့ နောက်ဆုံးနေ့ဖြစ်သည်။ ဒီနေ့စာမေးပွဲက လက်တွေ့ဖြစ်ပြီး ဆေးရုံမှာ လူနာနဲ့တွေ့ပြီး လူနာရဲ့ရောဂါလက္ခဏာကိုမေးမြန်းစစ်ဆေးခြင်းတွေပြုလုပ်ရတာဖြစ်သည်။ ရုံက ဖြေပြီးနေပေမဲ့ ဆက်မာန်ဟိန်းကအခုထိ မပြီးသေးပေ။ စာမေးပွဲဖြေလို့မပြီးသေးတာမဟုတ်ဘဲ သူ့လူနာနဲ့စကားဖောင်ဖွဲ့နေတာဖြစ်သည်။
အတော်အတန်ကြာမှ ထွက်လာပြီးရုံကို မြင်တော့ အပြေးအလွှားပင်။ ရုံ ပြန်သွားပြီမှတ်လို့ ဆိုသည့်အကြောင်းပြချက်ဖြင့်။ ဘယ်တုန်းက သူ့ကိုထားသွားခဲ့ဖူးလို့လဲ။
" ရုံ ပင်ပန်းသွားပြီ "
" မင်းရော "
အပြန်အလှန် တာဝန်ကျေကြောင်း နွေးထွေးစွာဆိုပြီးနောက် လူသူကင်းတဲ့တိတ်ဆိတ်သောနေရာဆီမှာ နှစ်ယောက်သားအပန်းဖြေကြသည်။
" မောင် "
ရုံ ခေါ်တော့ ထုံးစံမပျက်ပြုံး၍ပေါ့လေ။
" အဲ့နေရာမှာ မင်းအလုပ်လုပ်စရာမလိုတော့ဘူး "
မောင်ဟာ ပြုံးပြီးခေါင်းငြိမ့်ပြသည်။" မောင့်ကိုကျောင်းပြီးအောင်ထောက်ပံ့ပေးခဲ့တဲ့ နေရာလေးပါ " ဆိုပြီးကျေးဇူးတင်စကားကမပါမဖြစ်ပေါ့။
" မောင် ဆရာဝန်ကောင်းတစ်ယောက်ဖြစ်အောင်ကြိုးစားပါ့မယ် မောင့်ကြောင့်ရုံ ထပ်ပြီး ဂုဏ်မငယ်စေရပါဘူး မောင်ကတိပေးတယ် မောင်နဲ့အကြာကြီးရှိပေးပါ "
ဒီစိုးရိမ်ကြောင့်ကြတဲ့အငွေ့အသက်တွေကို ရုံမုန်းသည်။ ရုံက မောင့်ကိုပစ်သွားတော့မယ်လို့ မောင်ထင်နေသလား။
" ငါ မင်းကိုယူမှာ "
မောင့်မျက်ဝန်းတွေ ဝိုင်းစက်လို့ပင်။ မောင်ဘယ်လိုမှမထင်မှတ်ထားသည်လား။ ရုံ့ကိုမယုံခဲ့လေဘူးလား။
" ဘာလဲ မင်းကငါ့ကိုအပျော်ကြံတာလား "
ခေါင်းအသွင်သွင်ခါကာ ငြင်းပယ်သည်။ ရုံ့ကိုလည်းအံ့သြတကြီးကြည့်နေဆဲ။
" ဘွဲ့ယူပြီးတာနဲ့ ငါ့အဖိုးဆီလာတောင်း မင်းကို မင်းဆရာမဆီငါလိုက်တောင်းမယ် "
YOU ARE READING
" စေတနာရုံ ခြုံကာလွှမ်းလို့ မောင့်မေတ္တာဝေ"
Romance🤍 In a relationship with Mg's Saydanaryone Start Date - 3. 8. 2021 End Date - 6.11.2022
