" ရုံ "
Club တစ်ခုရဲ့ ဘေးလမ်းကြားလေးထဲကနေ ထွက်လာတဲ့ မောင် က ပုဆိုး အစိမ်းပုပ်ရောင်နဲ့ Shirt အင်္ကျီ အဝါရောင် ပြောင်လေး ကို သပ်သပ်ရပ်ရပ် ဝတ်ထားသည်။ အနည်းငယ်နွမ်းနေပေမယ့် မောင် နဲ့ အတော် လိုက်ဖက်နေတာကြောင့် မောင် က သိပ်ကြည့်ကောင်းနေသည်။ ဘာမှ မလိမ်းခြယ်ထားတဲ့ မျက်နှာပြောင်ပြောင်လေးက ကြည်လင်ပြီး ဝင်းနေသည်။ ရုံ့ ဆီ အပြေးလာပြီး ရုံ့လက်ထဲက အထုတ်ကို လွှဲပြောင်းကာ သယ်ယူနေတဲ့ မောင့်ကို ရုံ ငေးမဝ။ Shirt အဝါ နဲ့ ဒူးဖုံးဘောင်းဘီ အဖြူဝတ်လာတဲ့ ရုံ က မောင် နဲ့ လိုက်ဖက်နေမလား။
" လာ "
လူတစ်ယောက်စာသာကျယ်သော လမ်းကြားကျဥ်း လေးထဲ ဝင်လိုက်ကာ အနည်းငယ် သွားပြီးတဲ့နောက်မှာတော့ ပျဥ်အိမ်လေး တစ်အိမ်ထဲကို မောင်က ဝင်သွားသည်။ ထို့နောက် ထပ်ခိုးလို နေရာ မျိုးလေးထဲက မောင် ဝင်သွား တဲ့ အခန်းလေးတစ်ခု ။
အခန်းကျဥ်းကျဥ်းလေး တကယ်ကို ကျဥ်းကျဥ်းလေး။ ကန်တော့ ကန်တော့ မနှိုင်းကောင်းနှိုင်းကောင်း ရုံ့ရဲ့ ရေချိုးခန်းလောက်တောင် မကျယ်ဘူး။ ဒါပေမယ့် ချစ်စရာ ကောင်းတယ်။ ကုတင်သေးသေးလေး တစ်လုံးရယ် စားပွဲခုံလည်းတစ်ခုံရယ် ဒါနဲ့တင် အခန်းက ပြည့်နေပြီ။ ဒါပေမယ့် သန့်သပ်ပြီး နေချင်စဖွယ်ရှိတယ်။ ရိုးရှင်းပေမယ့် ဘာမှထွေထွေထူးထူး သိပ်မရှိတဲ့ မောင့်အသုံးအဆောင်လေးတွေက ဆွဲဆောင်နေပြန်သည်။
" ရုံ ဝင်လာလေ "
" အ! ဟင့် "
ချစ်စရာကောင်းတာကို ရုံ သိပေမယ့် အမိုးနိမ့်နေမှန်းတော့ ရုံ မသိခဲ့။ နာလိုက်တာ ဆိုတာ။
" အိုး ဟိုး ဟိုး... နာသွားပြီ ဥုံဖွ ဥုံဖွ ခေါင်းငုံ့ဖို့ ပြောဖို့ မေ့သွားတာ မောင် တောင်းပန်ပါ တယ် "
ချက်ချင်း ရုံနားလာက မောင့်အင်္ကျီတစ်ထည်ကလည်း သူ့လက်မှာ ကြပ်ထုပ်ထိုးဖို့ရာအတွက် အဆင်သင့် အနေအထားမှာ။
" နာသေးလား မောင်ပြောဖို့မေ့သွားတာ ကျွတ် ကျွတ် ဘယ်လိုလုပ်ကြမလဲ ဖူးး ဖူးးး "
ကုတင်ပေါ်ထိုင်နေတဲ့ ရုံ့ကို အရှေ့ကနေ ခန္ဓာကိုယ်ကိုင်းပြီး ကြပ်ပူထိုးပေးနေရင်း ပါးစပ်ကလည်း စိုးရိမ်လွန်ပြီး တစ်ခုပြီးတစ်ခု ထွက်နေသည်။
ČTEŠ
" စေတနာရုံ ခြုံကာလွှမ်းလို့ မောင့်မေတ္တာဝေ"
Romance🤍 In a relationship with Mg's Saydanaryone Start Date - 3. 8. 2021 End Date - 6.11.2022
