البارت الأول
#قصه_حب_ثائر_قصه_قصيرة
للكاتبه حوراء إبراهيم
كل يوم الامس مثل الفلــــــم ينعــــــــاد
وباجر والامس والجاي نفـــــــس الطــــور
ناعور الوكت يســـــــگيني جان اشـــعار
وافتر الوكت وانه الــــــصرت ناعـــــــــــــور
جنت اضحك واسولـــــــــف ويا هذا وذاك
على غفلة ولگيت الناس كلها جــــــــور
طرت بجـــــــــناح واحد للفرح فد يـــــــوم
شو حتـــــــى الفرح ردني بجنح مكسور
ضيعت البـــــــــخت وانه الجنت محـــظوظ
حتى ويا العــــــشك ما عشت لحضة بنور
يا كَلبي شكثر عذبــــــــــــتك انت ويــــــاي
احس كَلبي على كَلبي من الحزن مفطور
مشهد تقديمي
حيدر.....راح اجي اخطبج من جديد
سارة..... شنو هالحجي هو الموضوع مال ضحك كاعد تستهزء حظرتك
حيدر....لا والله الا اجي واخطبج واني احبج واريدج ومااكدر انساج
سجى...اني مااصدك بيك هاي اول شي وثاني شي انت مزوج وعندك طفل وامكانيتك متسمح تزوج ثانيه واهلي هالمره صدك يرفضون على اللي صار والحجي اللي كلتوا علينه فأنسى هالموضوع
حيدر.....انطيني فرصه ثانيه اصلح غلطي
مرحبا
اني أسمي سجى مواليد ٩٠ الوسطانيه. ملامحي وجسمي يجذبن النظر . عندي اخت وحده اسمها نور وثلاث اخوان الجبير مصطفى والوسطاني خالد والصغير مهند وامي ربه بيت وأبوي موضف وعدنا املاك خير من الله يعني إمكانيتنه زينه الحمدلله
عند بابا صديق كولش يحبه وعلاقتنه زينه وياهم فد مرة يجون علينه ونروح عليهم نعتبر عائله وحده مو اصدقاء
الفرق بينه الحاله الاجتماعيه همه أقل من عدنه بس احنه ماجنه نعتبر هذا الشي فرق نهائيا
ابو مصطفى ........ أم مصطفى وينج
أم مصطفى......هاا عيني ابو مصطفى شبيك
ابو مصطفى......حظري روحج اليوم ع العشه جايينه بيت ابو احمد
أم مصطفى... كل الهلا بيهم
سجى.....هاا ماما منو يمنه اليوم
أم مصطفى........يمنه بيت ابو احمد ع العشه كملي قرايه أنت واختج وتعالي ساعديني
سجى.....اي ماما
بلشنه بتحظير العشه وجهزنه كلشي جان تندگ الباب ورحنه استقبلناهم كعدنه كلنه سوة سوالف وضحك .... لحد ما انتبهت لابنهم حيدر شلون يباوع عليه ويبتسم بينه وبين نفسه ويرجع يخطف نضرات الي
گلبي دگ سريع وبقيت صافنه علي وبلشت النظرات بيناتنه كمت كلما نروح او همه يجون جنه نتبادل النظرات والسوالف الضحك مواقف حلوه صارت بيناتنه ويوم عن يوم بدت تزيد هالاشياء هو جان دائما يحاول يتقرب مني بسالفه او اي سبب حتى يبقى يحجي ويايه ومرات يبقى بس يباوع عليه وحتى جان تلفون ارضي يدك حتى بس يسمع صوتي جان هنا عمري ١٥ سنه وهوة جان عمرة ٢٣ سنه
لحظه لحظه ....خلي اعرفكم على نفسي اني أسمي حيدر مواليد ٨٣. الوسطاني شكلي مقبول وعندي ٣ اخوان احمد الجبير وسليم وثائر وعندي ٣اخوات فرح وتسنيم وزينب وأمي وأبوي حالتنه مو هالگد ع گد العيشه مدبرين نفسنه والحمدلله جان عد بابا صديقه من احنه وصغار ربينه سوة ونروح ونجي عليهم مثل العائله الوحده مو اصدقاء لحد مابيوم جذبت نضري بنتهم سجى وبقيت اباوع عليها كلشي بيها حلووو وينحب بقيت تخطف نظرات الها وهي هم تبادلني بنفس الشي ماگدرت افتح موضوع وياها اخاف لا يرفضون بقيت ب ثلاث سنوات احنه بس نظرات مااعترفت الها ابدد لحد ما اجه الليوم الي كتلها بي احبچ
يتبع
موعد النشر راح يكووون يومياً
اتمنى تتفاعلوون ويا القصه وتشجعوني اكثررررر
القصه قصيرررة
