#حب_عاثر
للكاتبه حوراء إبراهيم
البارت الخامس
كل يوم الامس مثل الفلــــــم ينعــــــــاد
وباجر والامس والجاي نفـــــــس الطــــور
ناعور الوكت يســـــــگيني جان اشـــعار
وافتر الوكت وانه الــــــصرت ناعـــــــــــــور
جنت اضحك واسولـــــــــف ويا هذا وذاك
على غفلة ولگيت الناس كلها جــــــــور
طرت بجـــــــــناح واحد للفرح فد يـــــــوم
شو حتـــــــى الفرح ردني بجنح مكسور
ضيعت البـــــــــخت وانه الجنت محـــظوظ
حتى ويا العــــــشك ما عشت لحضة بنور
يا كَلبي شكثر عذبــــــــــــتك انت ويــــــاي
احس كَلبي على كَلبي من الحزن مفطور
حيدر........لا تحجين هيج اني لسه اغار عليج أنت حب عمري واحبج لهاي اللحظه أهلي جبروني ع الزواج
سجى...... هههههههههه مو انت بنيه ويجبروك والطفل هم أهلك جبروك كلامك كله مااصدگه ولا اصدگ انو هاي السنين كلها راحت مجرد نقل كلام غلط من أهلك الك ولا اصدگ انت لسه تحبني
حيدر ... والله مصدوم ليش ممصدگتني اني الكلام الي وصلني غيرر هذا كله
سجى. والمطلوب شنو
حيدر...؟..مامطلوب شي الغلط مني اني
سجى....... تخزين اعترفت
حيدر....شوفي اني طلعت برة وراح اروح يم عصام صديقي تذكري موو
سجى......اي اذكرة
حيدر....... احجيلي كلشي سمعتي
سجى...بديت اعيدله الحجي كله وطلعت الي بگلبي وماخليت شي ما گلته وجرحته هواي بالكلام وهوة يسمع وكل شويه يسحب چگارة ويشرب صارت ب ١ بالليل واحنه نحجي
حيدر.... بعد مااتحمل راح اتخربط
سجى..... مهتميت اله وكتله روح براحتك وسديته ورأسن انطيته حظر وبقيت افكر بيني وبين نفسي معقوله هذا كله ماعنده علم بي ولا يعرف شنو الي صار بقيت افكر لحد ما تعبت ونمت
سجى....كعدت الصبح نظفنه وسوينه غدة وگاعده اگلب بالفيس دخلي من غير حساب رحلت للرساله كاتب كملي
سجى.....شكمل كلشي عرفت وكلشي فهمتك تريد تعرف روح أسأل اهلك لا تجي عليه ماعندي شي ازيدة الي عندي كتله الك
حيدر......اليوم احرگ أهلي من وراهم جبروني اني مااطيق مرتي ولا احبها وكلما اشوفها اذكرج لعبوا بحياتي ودمروني
سجى....معليه بيك شتريد تسوي سوي...سدة وراح ...الي سمعته من الجيران متعارك ويا زوجته لأن فتحت موضوع قديم ومتعارك ويا اخو وأهله وكايليله بالحقيقه اخت مرت اخو الي هي زوجته حالياً چاينه تحبه ويدرن هوة يحبني مطلعات هالحجي حتى يزوجها
ورة يومين رجع دزلي رساله
حيدر....اني احبچ واريدچ
سجى.....حيدر ماكو شي يرجع الوقت ولا انسى الي سويتوا
حيدر......والله احبج واريد ارجعلك تذكرين سوالفنه وذكرياتنه الحلوة كلشي يربطني بيج اذكرة
سجى.... كام يدز رسائل ويذكرني بعلاقتنه ولا ناسي شي منها واني بس اقراها ومااريد علي
حيدر....... راح اجي اخطبچ من جديد
سجى....من قريت الرساله ارتعشت ومااعرف شصار بيه رديت علي
سجى.... شنو هالحجي هوة الموضوع مال ضحك گاعد تستهزء حظرتك
حيدر. ...لا والله اني صادق راح اجي اخطبج من جديد اني احبج واريدج
سجى...واني مااصدگ بيك بعد وعندك مرة وطفل وامكانيتك ماتسمحلك اذا قبل جان امل اكو هسه أهلي من صدگ يرفضوك على الكلام والحجي الي كلتوا علينه واني أصلا مااحبك ولا اطيقك
حيدر...بعد يومين احنه يمكم
سجى....معقوله يحجي وصدگ راح يجي ورة يومين راسلني گالي
حيدر.....اريد رقم ابوج حتى اجي اخطبج
سجى.....بابا لا تجي وتعب روحك وبعدين مرتك تدري بيك لو من وراها
حيدر....اي تدري ومالها حق تعترض من تزوجتني تدري بيه احبچ بعد على شنوو وكالتلي اني احبك واريدك مرتاح فعدها علم
سجى وبعد هاي السنين كلها أنت لا شايفني وتريد تجي تخطب هيج
حيدر.......اي وإذا تردين نلتقي ماعندي اشكال
سجى...ماشي اريد اشوفك
حيدر.... حاظر بأي مكان تردين اني اجيج
سجى . .الصبح مكان عام بمطعم .(.........) انتظرك وفعلا رحت وانتظرته وجان يجي اول لقاء النه من سنين
كاعده اباوع علي وهوة فات بقى يتلفت يدور بيه دگيت علي كتله گبالك جان يجي
حيدر.....لهالدرجه متغيرة وصايرة ماتنعرفين بس عيونچ هنه هنه ذنيچ العيون الي احبهن
سجى... كعد كبالي وگام يذكر السنين العشناهن سوة وماكو سالفه ماذكرها اخر شي گام يبچي
سجى....اني من شفته بچه گلبي انكسر علي وماتحملت اشوف رجال يبجي گدامي كولش صعبه ...ماكو داعي للبحث هسه ليش تبجي
حيدر..... هذا حالي من عفتيني صار سنين اذكرج واگعد ابچي مثل الجهال اعرفج أنت ممصدگتني بس هاي الحقيقه .
واني مصمم عليج اريدج وراح اجي اخطبج
سجى...اذا هيج تعال بابا موجود وتفاهم أنت ويا كمت رجعت للبيت يومين دك اخوو على بابا وگال نريد نجيكم وبابا استغرب الموضوع بس كاله هلا بيكم
سجى....اني ماحجيت شي لأهلي گلت خاف يچذب بعدين احجيلهم
اجوي اخو وزوجه اخو واخته واستقبلناهم أحسن استقبال نسينه كل الحجي الي كالوا والي حجو علينه وبدوا يحجون بموضوع الزعل الي صار بينه وبدوا بكليشه الخطوبه وكالوا صحيح زوج بس هوة بعده يحب سجى ويريدها
أبو مصطفى........اني مامقتنع بالموضوع بس ميخالف فترة ونرجعلكم خبر
براحتكم شوكت ماتردون خبر احنه حاضرين
سجى...ورة مطلعوا گعدنه كلنه وحجينه بالموضوع واني كتلهم اني عندي علم بالموضوع وجان يحجي وياي بس ما كتلكم عبالي يجذب
أبو مصطفى....اني مامقتنع بالموضوع ابد الي حاقد هاي السنين مستحيل بهالسهوله ينسى اكو بالموضوع شي
أنت شنو رايج بابا
سجى.... مااعرف اخاف ارفض واخسر إنسان يحبني واخاف اوافق ويطلع بس كلام ويعيشني جحيم خلي نشوف ليومين
يتبع
حبايبي ماكو اي تفاعل للقصه ليش حتى صحيح صار ٣ايام ممنزله لأن ماكو تفاعل انتظر تفاعلكم حتى تسوون حماس عندي
القصه قصيرة
