البارت الثالث
#قصه_حب_عاثر
للكاتبه حوراء إبراهيم
كل يوم الامس مثل الفلــــــم ينعــــــــاد
وباجر والامس والجاي نفـــــــس الطــــور
ناعور الوكت يســـــــگيني جان اشـــعار
وافتر الوكت وانه الــــــصرت ناعـــــــــــــور
جنت اضحك واسولـــــــــف ويا هذا وذاك
على غفلة ولگيت الناس كلها جــــــــور
طرت بجـــــــــناح واحد للفرح فد يـــــــوم
شو حتـــــــى الفرح ردني بجنح مكسور
ضيعت البـــــــــخت وانه الجنت محـــظوظ
حتى ويا العــــــشك ما عشت لحضة بنور
يا كَلبي شكثر عذبــــــــــــتك انت ويــــــاي
احس كَلبي على كَلبي من الحزن مفطور
البارت الثالث
أم أحمد......يگولون مو من مستوانه ويردون واحد غني ومتمكن واحد من گرايبها راح ينطونها اله وأنت ماتفيدها
حيدر.....يمه صدگ تحجين مستحيل يگولون هيج اني متأكد
أم أحمد..... والله عاد تريد تصدگ تريد لا بكيفك مايردونك شنو ماعندك كرامه أنت
حيدر.....يصير خير اني الهم
سجى........ مجرد ردينالهم جواب بالرفض ومو رفض تام بس اجلوا الموضوع فترة گامو ميجون علينه ولا اتصال ولا كأنما چنه عائله وحده وناس واگفه ويا ناس محوو هذا كله بساعه وحده
أم أحمد....... يمه حيدر لگيتلك ذيج المرة الي تنسيك همك شتگول
أم مرتضى (( جيرانهم )) ليش مو خطبتوله بنت ابو مصطفى سجاوي
أم أحمد.....اي عيني وماانطونا لأن مو من مستواهم رفضوو ابني وهسه تمرض وگام مياكل من وره بنتهم الله لا يوفقها ولا ينطيها لا صحة ولا عافيه عسى حوبى ابني تطلع بيها مثل ماكسرته وخلته ليل نهار يحجي بيها الا لزوجه اغاتها وخليهم همه
أم مرتضى......ياا خطيه لعد هيج صارت مشاكل بينكم علمود مرة مو چنتوا بالناقصه والزايده سوة
أم أحمد....غير من وراهم لا خلوو حگ للعشرة ولا شي رفضوا ابني لأن فقير وگد حاله
سجى........ مرت الايام والتواصل بيناتنه لغوا ولا اني حجيت بعد ويا وصلنه حجي هواي منهم انو اني كسرت گلبه وضحكت علي ومااريده
بقيت انتظر واحلم انوا ترجع العلاقه مثل قبل ويرجع هوة ويصير من نصيبي بس للأسف العلاقه توترت بين الطرفين من سابع المستحيلات ترجع فوضت امري لله وكعدت اكمل دراستي
بلشت امتحاناتي ولتهيت بيهم ولا مرة تصادفت ويا ...كملت امتحانات وطلعت النتائج ناجحه ومعدلي زين انقلبت كليه تربيه انگليزي بجامعه بغداد فرحت كولش بنجاحي
...سوينه حفله بسيطه بمناسبه نجاحي
ونمت فرحانه لأن نجحت وراح اروح كليه ثاني يوم الصبح گعدت متنشطه ونظفت وسويت ريوگ
سجى.....ياله گوموا كافي نووم ياله ماما بابا وينكم مصطفى كعدهم وتعالوا للريوگ
أبو مصطفى....اليوم بابا شوو من وكت گاعده
سجى..؟....أممم مااعرف شو عندي نشاط وكلت خلي اكوم اسوي ريوك
أم مصطفى..؟..... لا ومنظفه بعد
سجى....شعبالج لعد اني مو هينه
أم مصطفى..... الله يديمها علينه وحظنتني
نور....واني مالي حظن بس لبنتج
أم مصطفى......تعالي وحظنتها
سجى......تريگنه وكملنه يريوگ وبقينه كاعدين نسولف
خالد......ماما هاي أم مرتضى
أم مصطفى؟......هلا بيج خيه تعالي تفضلي زارتنه البركه
أم مرتضى......وبيج الاكثررر خيه
سجى....طلعنه سلمنه عليها وقدمنالها ضيافه
أم مرتضى..... بالخير النجاح يمه أن شاء الله التخرج والتعيين
سجى... تسلمين خاله .....طلعنه كعدنه بالمطبخ هوة قريب ع الهول كولش بس بينهم حايط نسمعهن من يسولفن
نور.......وج هاي المرة ماتجي الا يصير شي مو زين لو عدها خبررر
سجى.....وج سكتي لا تسمعج
نور......مجذبه اخبار المنطقه كلها يمها
سجى......اي والله هههههههههه
أم مرتضى.....سمعتي خيه حيدر راح يزوجونه
أم مصطفى......ياحيدر
أم مرتضى.......يا شبسرعه نسيتيهم جنتوا عائله وحده إبن ابووو احمد الي اجه على بنتج باجر الحنه مالته
أم مصطفى..... الله يسعده ويهني
سجى.......جمدت اعصابي ومااعرف شنو صار بيه من سمعت بهذا الخبرر كمت ورحت للغرفه مصدومه بهذا الخبرر شفت ترجف وجسمي ومااعرف شنو اكوووو
رجعت ذاكرتي لقبل سنين شلون جان يحبني ويسمعني كلام حلووو ووعدني مراح يعوفني شبسرعه نسه هذا كله
نور...... سجى..بيج شي
سجى..... هااا لا مابيه
نور...... متأكدة
سجى.....اييي ........
تزوج وعاش حياته ولا عبالك اني بيوم جنت بحياته نساني نهائيا ....بس جنه نسمع أخبارهم وهمه هم يسمعون اخبارنه
مرت الايام واحنه الحجي يزيد مينقص وناس لكت سالفه طبل بيها وعرفت مرته تعرف هوة جان رايدني
حيدر........يمه غسق مدري شبيها
أم أحمد.....شبيها يمه شو خلي اشوفها
حيدر....اخذيها للطبيب خلي يشوفها
أم أحمد......اي راح اخذها .......
حيدر...گاعد وجن تجي امي هي وغسق فرحانات
أم أحمد.......مبروك يمه مرتك حامل راح تصير ابووو
حيدر.... الله يبارك بيج يمه .........
أم أحمد....... اكلك طلعت حوبتك بذيج سجى مريضه ومعلعله محد يعرف شبيها هاي حوبتنه ضحكوا علينه
حيدر........ليش شبيها
أم أحمد..... شمدريني يطبها طوب وعساها بالاكثر
يتبع
